Read songe Kibafumulwe 3 Bible Online

Kibafumulwe 3 - songe bible

Kibafumulwe 3

¹Kwi mwikeilu a ku kikoñeno kia mu Sardes ofunde’shi: yawa e bikudi bi’Efile Mukulu musambobidi, na nyenyenyi musambobidi, ākula’shi: Neuku bikitshino biobe, na biotemunwa’shi: Otala, biosobi we mufwe.

²Nudimuka, nukankamishe bintu bibashala bitabikyebe kufwa, mwandā’mi nkimusañane bikitshino biobi bikumbane ku mpala kw’Efile Mukulu ande, ooo.

³Binyibiabia nangushena mubotambwidile na mobohushishe; olamate, na kwilanga mwishimba. Biabia su twemudimukye nankafiki kodi bu ngifi, n’obe tokashingula nsa yiankafiki kodi.

⁴Anka we na mashina ahela mu Sardes abashī halwishe bifwalwa biabo; abo banakatambukye n’ami mu bitoka, mwanda’bo mbahwandjikile.

⁵Yawa akambila, nyi winyi anakafwadikwe mu bifwalwa bitoka; ami namu tanakashimishe eshina die mu mukanda wa muwa, ooo, nanankatemune eshina die ku mpala kwa Yaiya na kwa bamwikeilu be.

⁶Yawa e n’ētwi, ahushe abiakula Kikudi ku bikoñeno bi’Efile.

⁷Kwi mwikeilu a ku kikoñeno ki’Efile kia mu Philadelphie ofund’eshi: yawa muhatulwe-e-kishila, abinyibinyi, winyi e na lufungulo lwa Dafidi, e ashitula, ankatakwi muntu sunga ngumune euku kushita; e namu ashitā, muntu tashitula, ākula’ shi:

⁸Neuku bikitshino biobe; talanga, nantule kibelo kishitukye ku mpala kobe, kishyakiuku muntu kushita; mwanda we na bukome buhela, bolamine Mwanda wande, twemuhele eshina diande, ooo.

⁹Talanga biampana ba ku kikoñeno kia Satana, abākula’shi: Twi bena Yuda, anka ta be biabia, abadimbi madimi, talanga, nankebafisha kulangwila ku ngwa yobe, na kwibeukisha biandji mukufule kifulo.

¹⁰Mwanda bolamine mwanda wa mufwaka wande, ami namu nankakulama ku kiakia kihindji kia kutompibwa kitakikyebe kufika ha bantu boso ha hanohansenga, kutompa’ba babombele hano ha nsenga.

¹¹Talanga, ngiawa nanfiki lubilo; nyiñamana ku kiakia kiodi n’akio, tala munlu akakuata kilongo kiobe.

¹²Yawa akambilā nanankamutulu bu kibayi mu ntempelo y’Efile Mukulu ande, e takatuku mwanka dimo; ami namu nankafundu hadi eshina di’Efile Mukulu ande, n’eshina dia kibalo ki’Efile Mukulu ande, akio nyi Yelusalema muhya, akiyiki mwiilu kw’Efile Mukulu ande, n’eshina diande dihya namu.

¹³Yawa e n’ētwi, ahushe abiakula Kikudi ku bikoñeno bi’Efile.

¹⁴Kwi mwikeilu a ku kikoñeno kia mu Laodiecèe ofunde’shi: Yawa Amena, sha kishima, kamonyi ka binyibinyi, mbangilo ya bihangibwe bi’Efile Mukulu akula’shi:

¹⁵Neuku bikitshino biobe’shi: Twe mashika mbioshī kālo, nankyeb’mi’shi, wekale mashika sunga nkālo.

¹⁶Biabia ha mwanda we bu kifufu, twe mashika sunga nkālo, nankakulasa mu kanwa mwande.

¹⁷Mwanda wakula’shi: Ami nyi mpeta, nyi mufwimishe bintu, nki na kintu lukalo, tweuku namu we a kishiotshi, na kwiyongola, mulanda, mpofu, sha muswa.

¹⁸Nakuha binangu bia kuula kwandji nsahabu yitoshibwe mu kālo’shi, wekale mpeta, na bilamba bitoka biodia kufwadikwa’shi, tala būfu bwa muswa wobe bwamweka; oshingye meso obe n’elawa dia meso biodia kumona.

¹⁹Be bungi boso bandji n’abo kifulo, nebakalashena, na kwibahasha; binyibiabia nwikale na kinsukunsuku na kwilanga mwishimba.

²⁰Talangai nemane ha kibelo, natutulu: muntu, su nanyi su nanyi ahusha eyi diande, na kushitula kibi, ami nankatwela mwanka kwadi, nankatomo n’e, n’e namu n’ami.

²¹Kwi yawa akambilā nankakumina’shi, ashale n’ami ha luhun’a nsulu lwande, anka mwankambile namu, nyi mushale namu na Shami ha luhun’a nsulu lwe.

²²Yawa e n’ētwi ahushe biakulā Kikudi (E-Selelee) kwi bikoñeno bi’Efile.