Read songe Kibafumulwe 8 Bible Online

Kibafumulwe 8 - songe bible

Kibafumulwe 8

¹Habalamwine kiukilo kia musambobidi, kubadi nyaa mwiilu mpaa na ku kihindji kia hankatshi ha nsa umune.

²Biabia namwene bamwikeilu musambobidi abadi bemane ku mpala kw’Efile Mukulu; babadi bahebwe mampungi musambobidi.

³Mungi mwikeilu bafikile aimana ku kitala kia bitahilo, badi n’elonga dia kilonda kia nsahabu dia kālo; badi muhebwe bukula bwa mahembwe ebungi’shi; ebutentekye na nteko ya bahatulwe-bekishila boso ha kitala kia kilonda kia nsahabu, kibadi ku mpala kwa luhun’a nsulu.

⁴Na mwishi wa bukula bwa mahembwe, na nteko ya bahatulwe-bekishila, bibakamine mwiilu kwiyasa dia mwikeilu ku mpalakw’Efile Mukulu.

⁵Biabia mwikeilu bātshile elonga dia kālo, bediushishe na kālo ka ku kitala, bedisumbwile hano ha nsenga; kubadi mayi, na mikungulu, na mahenyi a mpeshi, na kutenkakana kwa nsenga.

⁶Na benyi bamwikeilu musambobidi babadi na mampungi musambobidi abelumbulwile kōmba.

⁷Mwikeilu a kwibedi bōmbele, biabia kubalondele mpeshi a kasangu, na kālo bisangakane na mase, bibedibwe hano hashi: biabia kihindji kia kasatu kia mitshi kibatatshishwe kālo, na lubishi loso lubatatshishwe namu.

⁸Henyihaha mwikeilu a kabidi bōmbele, na kubadi bu ngulu yikata ayitembe kālo yiedibwe mu mem’akalunga; biabia kihindji kia kasatu kibālulukile ta mase;

⁹na kihindji kia kasatu kia bihangwe bibadi na muwa mu mem’a-kalunga bibafwile; kia kasatu namu kia masua kibashimishibwe.

¹⁰Henyihaha mwikeilu a kasatu bōmbele, na luenyenyi lukata lubahonene mwiilu, lubadi alutembe bu kimunyi, lubahōne ha kihindji kia kasatu kia misulo ya mema, na ha masulo a mema;

¹¹n’eshina dia luenyenyi nyi mbu Mutshi-wibūlo; kihindji kia kasatu kia mema kibālulukile būlo, bantu bebungi namu abafwile ku mema, mwanda abālulukile būlo.

¹²Henyihaha mwikeilu a kananka bōmbele, na kihindji kia kasatu kia nguba, na kia mweshi, na kia nyenyenyi bibakuhilwe, biabia kihindji kiabio kia kasatu kibafitshishwe bufuku’shi, kanya takamwekanga kihindji kia’ko kia kasatu, na bufuku mpamune.

¹³Binyibiabia namwene, nahushishe mpungwe kwete kuhahula munkatshi mw’eilu na kwakula n’eyi dikata’shi: Mpombo, mpombo, mpombo, kwi babombele ha nsenga, ha mwanda wa angi mayi a mpungi a bamwikeilu basatu ashale, a taakyebe kwelwa!