Read suba Luuka 3 Bible Online

Luuka 3 - suba bible

Luuka 3

¹Gwawanga omwaka ogwa ikumi ni itaanu mu owukangasi owua *Kaisaari Tiberiasi. Pontias Pilaato yawanga omukangasi owa ekitemo ekia Yudeea, ne *Eroode yawanga omukangasi owa ekitemo ekia Galiili. Wamwawu waae Piliipo nio owawanga omukangasi owa Iturea ni Trakonitiisi, ni Lisaania yawanga omukangasi owa Abileene.

²Anaasi ni Kaifa niwo awaawanga awakangasi awa *awoozia. Amiire ago amangʼana aga Katonda gaazra Yowaana omuzia owa Zakaria na ari mu ekeewa.

³Yagia mu ewialo wiona ewiri ampi no oluuzi olwa Yordaani, na alanzizia awantu mbwe wagaluke wareke amawi, wabatiiswe kugere Katonda awarekere owuoni wuawu.

⁴Kiomo Katonda yawoola mu amangʼana agari mu ebuuki eya *Omugambi Isaaya otino: “Omwoyo ogwa omuntu oetana mu ekeewa otino, ‘Mulongre Omwami engira, mumugololre engira ewe enyigolovu.

⁵Amiina goona gawugrwe, ewigiri wiona wirimwe wiike ansi. Engira eziigodre zigololwe, kandi anyenyeevu aterereziwue.

⁶Kandi awantu woona waaza okuwona owuinunuzi owua Katonda.’ ”

⁷Yowaana yalaga omuganda ogwa awantu awamuuzako kugere awabatiise otino, “Inywe awaana awa enzoka wano! Owasiagiizie mbwe mumizule okuswawukwa no okusu okungi okuuza naanu?

⁸Muamie ensaafu ezia mu enkola, ezilagana geeza mbwe omuntu agaluuke arekere amawi. Ni mutaaza mwaingirizia mbwe muuza mwamizuka ku okuwoola-uwoola mbwe, ‘Turi geeza aeniki turi awaana awa Abraamu.’ Mbalaga mbwe Katonda aesa okugalusia amawaale gano gawe awaana awa Abraamu!

⁹Namba nyingeeno, embasa emiire okuteewua ku isina eria omuti; kandi omuti ki omuti oguta-amia ensaafu endootu guuza okutemwao nikwo gurigizwe mu omurro.”

¹⁰Omurima ogwo gwamuwuuzia otino, “Katio tusugaane tukoleki?”

¹¹Yowaana yawairania otino, “Omuntu ori ne enguwo iwiri asugaane agawire omwina waae owula nayo, kandi ori no okuria oona asugaane akole otio.”

¹²Awasolozi awa *omusolo awaaza okubatiiswa woona waamuwuuzia watino, “Omugerezi, ifwe tusugaane tukoleki?”

¹³Yawalaga otino, “Mutasolozia amangi okukira kiomo kuagalana.”

¹⁴Nikuemao awa-iiye wandi woona waamuwuuzia watino, “Ni ifwe, tusugaane tukoleki?” Yowaana yawairania otino, “Mutatoola amasendi ku awantu na amaani kandi mutata amangʼana aga owuweeyi ku omuntu. Mureke emisaara giinyu giwasuge!”

¹⁵Awantu awaarindranga okuuza okwa Omununuzi waaingirizianga mu emioyo giawu mbwe Yowaana oyo nio owawanga *Meesia.

¹⁶Yowaana yawairania woona otino, “Inze mbabatiisa na amanzi. Na ario amuntu omukaate okunkira ooza, omuntu owa ngʼasugre namba okusiwula engoe ezia ewiraato wiae. Iye aaza okuwabatiisa no *Omwoyo Omweru ogwa Katonda kandi no omurro.

¹⁷Ari ne ekiseeso kiae mu amakono, ekia aaza okuseesra amaemba mu olwanyi lwae. Emere aaza okuta mu ekiagi, na amakunzo aaza okusamba no omurro ogutazima.”

¹⁸Na amangʼana gandi amangi, Yowaana yaiyemba awantu na awalanzizia amangʼana amalootu.

¹⁹No olwa Yowaana yagaania Omwami Eroode ku amangʼana aga Erodiasi muka wamwawu owa yatoola okuwa omukazi waae, kandi ku amawi gandi amangi aga Eroode yakolanga,

²⁰Eroode yasonga owuwi ku amawi goona aga yakola ago olwa yaingizia Yowaana mu owusiwe.

²¹Kwawa mbwe, na awantu woona waamala okubatiiswa kandi Yesu oona yaaza abatiiswa, kandi ni yasawanga igulu riaigukao.

²²Omwoyo Omweru yaika ku iye mu embonekano eya iemba-emba kandi omwoyo gwaemera ku igulu ogwawoola gutino, “Iwue ni iwue omuzia wange owa ngonziizie, kandi owa nsangaarre nae.”

²³Yesu yawanga ne emiaka egiera amakumi asatu na atanika emirimo giae. Awantu waingirizianga mbwe yawanga omuzia owa Yoseefu, ni kuwuene yasimuka mu owuiwulane owua Eeli.

²⁴Eeli yawanga omuzia owa Mataat, Mataat yawanga omuzia owa Laawi, Laawi yawanga omuzia owa Melki, Melki yawanga omuzia owa Janaai, Janaai yawanga omuzia owa Yoseefu.

²⁵Yoseefu yawanga omuzia owa Matathiasi, Matathiasi yawanga omuzia owa Amoos, Amoos yawanga omuzia owa Naumi, Naumi yawanga omuzia owa Esli, Esli yawanga omuzia owa Nagaai.

²⁶Nagaai yawanga omuzia owa Maathi, Maathi yawanga omuzia owa Matathiasi, Matathiasi yawanga omuzia owa Semeeni, Semeeni yawanga omuzia owa Yoseeki, Yoseeki yawanga omuzia owa Yooda.

²⁷Yooda yawanga omuzia owa Yoanan, Yoanan yawanga omuzia owa Reesa, Reesa yawanga omuzia owa Zerubabeeli, Zerubabeeli yawanga omuzia owa Seltieli, Seltieli yawanga omuzia owa Neeri.

²⁸Neeri yawanga omuzia owa Melki, Melki yawanga omuzia owa Aadi, Aadi yawanga omuzia owa Kosaam, Kosaam yawanga omuzia owa Elmadaam, Elamdaam yawanga omuzia owa Eeri.

²⁹Eeri yawanga omuzia owa Yoswa, Yoswa yawanga omuzia owa Eliazaari, Eliazaari yawanga omuzia owa Yoriimu, Yoriimu yawanga omuzia owa Mattaat, Mattaat yawanga omuzia owa Laawi.

³⁰Laawi yawanga omuzia owa Simoni, Simoni yawanga omuzia owa Yuuda, Yuuda yawanga omuzia owa Yoseefu, Yoseefu yawanga omuzia owa Yoanaamu, Yoanaamu yawanga omuzia owa Eliakiimu.

³¹Eliakiimu yawanga omuzia owa Melea, Melea yawanga omuzia owa Meena, Meena yawanga omuzia owa Mataatha, Mataatha yawanga omuzia owa Nathaani, Nathaani yawanga omuzia owa Daudi.

³²Daudi yawanga omuzia owa Yeese, Yeese yawanga omuzia owa Obeedi, Obeedi yawanga omuzia owa Boazi, Boazi yawanga omuzia owa Salmooni, Salmooni yawanga omuzia owa Nasooni.

³³Nasooni yawanga omuzia owa Aminadaabu, Aminadaabu yawanga omuzia owa Raamu, Raamu yawanga omuzia owa Ezrooni, Ezrooni yawanga omuzia owa Pereezi, Pereezi yawanga omuzia owa Yuuda.

³⁴Yuuda yawanga omuzia owa Yakoobo, Yakoobo yawanga omuzia owa Isaaka, Isaaka yawanga omuzia owa Abraamu, Abraamu yawanga omuzia owa Teera, Teera yawanga omuzia owa Naori.

³⁵Naori yawanga omuzia owa Seruugi, Seruugi yawanga omuzia owa Reeu, Reeu yawanga omuzia owa Peleegi, Peleegi yawanga omuzia owa Ebeer, Ebeer yawanga omuzia owa Seela.

³⁶Seela yawanga omuzia owa Kainaani, Kainaani yawanga omuzia owa Alfaksaadi, Alfaksaadi yawanga omuzia owa Seem, Seem yawanga omuzia owa Noowa, Noowa yawanga omuzia owa Lameeki.

³⁷Lameeki yawanga omuzia owa Methuseela, Methuseela yawanga omuzia owa Enooka, Enooka yawanga omuzia owa Yareedi, Yareedi yawanga omuzia owa Maalaleeli, Maalaleeli yawanga omuzia owa Kainaani.

³⁸Kainaani yawanga omuzia owa Enoosi, Enoosi yawanga omuzia owa Seeth, Seeth yawanga omuzia owa Adaamu, ni Adaamu yawanga omuzia owa Katonda.