Read Boros Dusun KAJADIAN 5 Bible Online

KAJADIAN 5 - Boros Dusun bible

KAJADIAN 5

¹Ieu daptar turunan Adam. (Allah midamelna manusa teh numutkeun kumaha rupi Mantenna.

²Dipidamelna lalaki jeung awewe. Ku Mantenna diberkahan, jeung dingaranan ”Manusa”.)

³Sanggeus yuswana 130 taun, kenging putra, anu rupina siga anjeunna, dijenenganan Set.

⁴Ti semet eta, Adam masih jumeneng keneh 800 taun, sarta kenging deui putra sababaraha urang.

⁵Pupusna dina yuswa 930 taun.

⁶Set, sanggeus yuswana 105 taun, kenging putra Enos.

⁷Ti semet eta jumeneng keneh 807 taun, sarta kenging deui putra sababaraha urang.

⁸Pupusna dina yuswa 912 taun.

⁹Enos sanggeus yuswana 90 taun kenging putra, Kenan.

¹⁰Ti semet eta jumeneng keneh 815 taun, sarta kenging deui putra sababaraha urang.

¹¹Pupusna dina yuswa 905 taun.

¹²Kenan, sanggeus yuswana 70 taun kenging putra, Mahalalel.

¹³Ti semet eta jumeneng keneh 840 taun, sarta kenging deui putra sababaraha urang.

¹⁴Pupusna dina yuswa 910 taun.

¹⁵Mahalalel, sanggeus yuswana 65 taun kenging putra, Yared.

¹⁶Ti semet eta jumeneng keneh 830 taun, sarta kenging deui putra sababaraha urang.

¹⁷Pupusna dina yuswa 895 taun.

¹⁸Yared, sanggeus yuswana 162 taun kenging putra, Hanok.

¹⁹Ti semet eta jumeneng keneh 800 taun, sarta kenging deui putra sababaraha urang.

²⁰Pupusna dina yuswa 962 taun.

²¹Hanok, sanggeus yuswana 65 taun, kenging putra, Metusalah.

²²Ti semet eta jumeneng keneh 300 taun, ibadah ruket jeung Allah, sarta kenging deui putra sababaraha urang.

²³Yuswana nepi ka 365 taun.

²⁴Sapanjang jumenengna raraketan jeung Allah, geus kitu gaib, karana dicandak ku Allah.

²⁵Metusalah, sanggeus yuswana 187 taun kenging putra, Lamek.

²⁶Ti semet eta jumeneng keneh 782 taun, sarta kenging deui putra sababaraha urang.

²⁷Pupusna dina yuswa 969 taun.

²⁸Lamek, sanggeus yuswana 182 taun kenging putra.

²⁹Pok misaur, ”Ieu budak bakal ngajait urang tina gawe beurat migawe taneuh anu geus keuna ku panyapa PANGERAN.” Ku sabab eta, putrana teh dijenenganan Enoh.

³⁰Ti semet eta Lamek jumeneng keneh 595 taun, sarta kenging deui putra sababaraha urang.

³¹Pupusna dina yuswa 777 taun.

³²Enoh, sanggeus yuswana 500 taun kenging putra tilu: Sem, Ham jeung Yapet.