Read Boros Dusun 1 BABAD 16 Bible Online

1 BABAD 16 - Boros Dusun bible

1 BABAD 16

¹Peti Perjangjian diasupkeun ka jero kemah anu disadiakeun ku Daud tea, dipernahkeun. Tuluy ngahaturkeun kurban beuleuman jeung kurban karapihan ka Allah.

²Beres ngahaturkeun kurban-kurban, Daud ngaberkahan jalma rea nyebut pajenengan PANGERAN,

³tuluy ngabagikeun kadaharan, unggal jelema di Israil lalaki awewe dibaragi roti sasiki, daging sakeureut jeung kismis.

⁴Aya urang Lewi anu ku Daud diangkat purah mingpin ibadah ka PANGERAN Allah Israil hareupeun Peti Perjangjian, purah nyanggakeun lagu jeung pupujian.

⁵Asap pamingpinna, dibantu ku Jakaria. Ari Yiel, Semiramot, Yehiel, Matica, Eliab, Benaya, Obed Edom, jeung Yiel, purah nabeuh kacapi, Asap purah nabeuh kecrek.

⁶Ari Imam Benaya jeung Imam Yehasiel dibakukeun niup tarompet hareupeun Peti Perjangjian.

⁷Asap sabatur-batur papada urang Lewi mimiti poe eta dibakukeun ku Daud purah nyanggakeun lagu-lagu pupujian ka PANGERAN.

⁸Puji sukur ka PANGERAN, gurnitakeun kaagungana-Na. Caritakeun ka bangsa-bangsa sagala dadamelan Mantenna.

⁹Sanggakeun puji ka PANGERAN, gurnitakeun mujijat-Na nu araheng.

¹⁰Sing saruka, urang jadi umat Mantenna. Sing barungah nu ngarabdi ka Mantenna.

¹¹Deuheusan PANGERAN, sambat pitulung-Na, jeung tong petot-petot ngabakti.

¹²Eh anak incu Yakub abdi-abdi Allah, eh anak incu Israil petingan Allah! Ingetkeun sagala mujijat Mantenna, jeung kaadilana-Na ka urang!

¹⁴PANGERAN Allah urang teh parentah-Na keur sajagat buana.

¹⁵Pacuan poho kana jangji Allah, jangji nu henteu barobah,

¹⁶jangji-Na anu kedal ka Ibrahim, anu diikrarkeun ka Ishak.

¹⁷PANGERAN kedal jangji ka Yakub anu salawasna moal barobah.

¹⁸”Kami ka maneh rek mere tanah Kanaan, jadi tanah milik maneh,” kitu pangandika-Na.

¹⁹Harita di Kanaan teh umat Allah can sabaraha tur ngumbara keneh,

²⁰ti nagara itu ka nagara ieu, ti karajaan itu ka karajaan ieu.

²¹Tapi maranehna ku Allah diraksa, urang dinya dilarang ngaganggu, raja-rajana diancam:

²²”Pacuan jail ka umat Kami, pacuan jahat ka nabi-nabi Kami!”

²³Puji PANGERAN eh jagat buana! Caritakeun saban poe beja hade: Kami geus salamet ku Mantenna.

²⁴Kamulyaan Mantenna caturkeun ka kabeh bangsa, dadamelan aragung-Na caturkeun ka sarerea.

²⁵PANGERAN kalangkung agung, pujieun kaliwat saking, Mantenna kudu dihormat leuwih ti sakabeh nu dipiallah.

²⁶Bangsa sejen mah allahna teh aallahan, ari PANGERAN mah nu ngadamel langit.

²⁷Mantenna dikubeng ku kamulyaan jeung kaagungan, kakawasaan jeung kasukaan ngeusian tempat linggih-Na.

²⁸Puji PANGERAN, eh manusa saeusi bumi! Puji kamulyaan jeung kadigjayaan Mantenna.

²⁹Agungkeun jenengan PANGERAN nu mulya, sanggakeun pangbakti, datangan Bait-Na. Ana Mantenna ebreh pinton kasucian, geuwat sarujud payuneun PANGERAN.

³⁰Eh jagat, sing gumeter di payuneun Mantenna! Bumi pageuh dina tempatna, hamo bisa dieserkeun.

³¹Sing saruka eh bumi jeung langit! Gurnitakeun ka bangsa-bangsa: PANGERAN jumeneng Raja.

³²Sing gumuruh laut jeung saeusina! Sing saruka tegalan jeung saeusina!

³³Tatangkalan di leuweung bakal sarurak, lamun Mantenna geus rawuh rek marentah jagat.

³⁴Kudu nganuhunkeun ka PANGERAN, nuhun ku kasaeana-Na. Asih-Na langgeng sapapanjangna.

³⁵Geura sasambat, ”Nun Allah Gusti nu jadi Jurusalamet, rahayukeun abdi sadaya, hijikeun, sareng jait ti bangsa-bangsa, sangkan abdi sadaya maruji sukur, sareng ngamulyakeun pajenengan anu suci.”

³⁶Puji PANGERAN, Allah Israil! Puji, ti ayeuna nepi ka salalanggengna! Tutas eta lagu pupujian, jalma rea ngucapkeun, ”Amin,” sarta ngamulyakeun ka PANGERAN.

³⁷Asap sabatur-batur papada urang Lewi ku Daud ditetepkeun jadi purah ngajalankeun tugas babakti di tempat panyimpenan Peti Perjangjian, anu kudu dilampahkeun unggal-unggal poe,

³⁸dibantu ku Obed Edom bin Yedutun sabatur-batur anu genep puluh dalapan urang tea. Hosa jeung Obed Edom dibakukeun purah jaga lawang-lawang.

³⁹Imam Sadok jeung para imam lianna dibakukeun purah ngajalankeun tugas babakti ka PANGERAN di Gibon.

⁴⁰Unggal isuk jeung unggal sore kudu nyanggakeun kurban beuleuman dina altar, sakumaha anu dimistikeun dina Hukum anu ku PANGERAN diturunkeun ka Israil.

⁴¹Heman jeung Yedutun oge ditugaskeun di dinya jeung babaturanana anu ngahaja dipilih purah nyanggakeun pupujian ka PANGERAN, nganuhunkeun kana kasaeana-Na.

⁴²Heman jeung Yedutun kudu ngatur nu narabeuh tatabeuhan paragi ngiring lagu-lagu pamuji sukur, tarompet, kecrek jeung tatabeuhan lianna. Jalma-jalma kaom Yedutun lianna dibakukeun purah jaraga lawang-lawang.

⁴³Sanggeus kitu kakara jalma-jalma teh baralik. Daud oge mulih nepangan eusi bumina.