Read Boros Dusun NEHEMIA 3 Bible Online

NEHEMIA 3 - Boros Dusun bible

NEHEMIA 3

¹Ieu laporan hal prak-prakan diomeanana kuta Yerusalem. Imam Agung Elyasib jeung sasama para imam ngadegkeun deui Gapura Domba, panto-pantona dipasang jeung dihususkeun pikeun PANGERAN. Kuta teh diomeanana jeung dihususkeunana nepi ka Munara Saratus jeung Munara Hananel.

²Bagian saterusna dipigawe ku urang Yeriho, ditema ku bagian Sakur bin Imri.

³Gapura Lauk dipigawe ku warga Senaah, balok-balok jeung panto-pantona diterapkeun, lengkep katut sarigsig-sarigsig jeung tulak-tulakna.

⁴Ti dinya diteruskeun ku bagian Meremot bin Uria incu Hakos, disambung ku bagian Mesulam bin Berekya incu Mesesabel, diteruskeun ku bagian Sadok bin Baana.

⁵Ti dinya diteruskeun ku urang Tekoa. Tapi pamingpin-pamingpin urang Tekoa mah dibere pagawean kasar ku mandor-mandorna teh nolak.

⁶Gapura Yesyana dipigawe ku Yodaya bin Paseah jeung Mesulam bin Besoja. Balok-balok jeung panto-pantona diterapkeun, lengkep katut sarigsig-sarigsig jeung tulak-tulakna.

⁷Ti dinya diteruskeun ku Melaca urang Gibon, Yadon urang Meronot, jelema-jelema ti Gibon jeung ti Mispa, nepi ka semet panglinggihan gupernur Eprat Kulon.

⁸Ti dinya diteruskeun ku Usiel bin Harhaya, kamasan. Diteruskeun ku Hananya tukang nyieun seuseungitan, nepi ka Kuta Lega.

⁹Disambung ku Repaya bin Hur, kapala saparo Distrik Yerusalem.

¹⁰Diteruskeun ku Yedaya bin Harumap, anu kabagian migawe bagian deukeut imahna keneh. Ti dinya disambung ku Hatus bin Hasabneya.

¹¹Diteruskeun ku Malkia bin Harim jeung Hasub bin Pahat Moab, ditambah ku ngawangun deui Munara Hawu.

¹²Ti dinya disambung ku Salum bin Halohes, kapala Distrik Yerusalem anu saparo deui, dibarantuan ku putra-putrana anu istri.

¹³Gapura Lebak dipigawe ku Hanun jeung jelema-jelema urang Sanoa. Panto-pantona dipasang, lengkep katut sarigsig-sarigsig jeung tulak-tulakna, ditambahan ku ngomean kutana sapanjang 440 meter nepi ka semet Gapura Jarian.

¹⁴Gapura Jarian dipigawena ku Malkia bin Rehab, kapala Distrik Bet Kerem. Panto-pantona dipasang, lengkep katut sarigsig-sarigsig jeung tulak-tulakna.

¹⁵Gapura Pancuran dipigawe ku Salum bin Kolhose, kapala Distrik Mispa. Jalan paranti asupna dihateupan, panto-pantona dipasang, lengkep katut sarigsig-sarigsig jeung tulak-tulakna. Kuta gigireun taman raja oge, lebah Empang Sela, diomean nepi ka semet tangga anu mudun ti Kota Daud.

¹⁶Ti dinya disambung ku Nehemia bin Asbuk, kapala Distrik saparo Bet Sur nepi ka makam Daud, terus nepi ka semet empang jeung tangsi.

¹⁷Urang Lewi anu kabagian ngomean sababaraha bagian kuta, nya eta: Rehum bin Bani, ngomean sabagian. Diteruskeun ku Hasabya, kapala Distrik saparo Kehila, ngawakilan distrikna.

¹⁸Ti dinya disambung ku Bawai bin Henadad, kapala Distrik Kehila anu saparo deui.

¹⁹Bagian anu di hareupeun gudang pakarang nepi ka pojok anu mengkol, diomeanana ku Eser bin Yesua, kapala di Mispa.

²⁰Ti dinya nepi ka semet lawang buruan bumi Imam Agung Elyasib, diomeanana ku Baruk bin Sabai.

²¹Ti semet eta nepi ka tungtung bumina Elyasib, diomeanana ku Meremot bin Uria incu Hakos.

²²Para imam anu marilu ngomean kuta nya eta: Para imam anu di sakurilingeun Yerusalem.

²³Binyamin jeung Hasub ngomean bagian anu di payuneun bumina. Ditema ku Asaria bin Maaseya putu Ananya, ngomean bagian anu di payuneun bumina.

²⁴Binui bin Henadad ngomeanana ti semet bumi Asarya nepi ka pojok kuta.

²⁵Palal bin Usai ngomeanana ti semet pojok eta jeung ti tonggoheun munara karaton, deukeut gardu jaga. Pedaya bin Paros ngomeanana ti semet eta nepi ka tungtung wetan deukeut Gapura Cai jeung munara jaga Bait Allah, deukeut tempat anu ngaran Opel, pamatuhan kuli-kuli Bait Allah.

²⁷Urang Tekoa kabagian ngawangun mimiti ti bagian anu pahareup-hareup jeung munara gede paranti jaga Bait Allah, nepi ka kuta deukeut Opel.

²⁸Ti semet eta, ti semet Gapura Kuda ka kaler, digarap ku sawatara urang imam, bagian hareupeun imahna masing-masing.

²⁹Sadok bin Imer kabagian ngagarap anu di hareupeun imahna. Bagian saterusna digarap ku Semaya bin Sekanya, tukang jaga Gapura Wetan.

³⁰Hananya bin Selemya jeung Hanun, anak Salap anu kagenep, ngagarap bagian saterusna, kadua kalina. Ditema ku Mesulam bin Berekya, ngagarap anu di hareupeun imahna.

³¹Ti semet eta ka dituna digarap ku Malkia, kamasan, nepi ka wawangunan anu diparake ku kuli-kuli Bait Allah jeung ku tukang-tukang dagang, semet Gapura Mipkad, palebah loteng kuta di juru anu nyanghareup ka beulah kaler jeung wetan.

³²Bagian anu panganggeusan, nya eta ti semet juru loteng tea nepi ka Gapura Domba, dipigawena ku kamasan-kamasan jeung tukang-tukang dagang.