Read Boros Dusun AYUB 35 Bible Online

AYUB 35 - Boros Dusun bible

AYUB 35

¹Ngarasa bener di payuneun Allah teh lepat kabina-bina.

³Ari Bapa dugi ka nyebatkeun, naon gunana kudu suci, naon untungna mun henteu migawe dosa.

⁴Kasauran Bapa, kitu deui kasauran sobat-sobat Bapa, ku sim kuring rek dijawab kieu:

⁵Tingali ka awang-awang, sakumaha luhurna mega?

⁶Upama Bapa-bapa midamel dosa, naon ngarugikeunana ka Allah? Upama Bapa-bapa seueur kaluluputan, naon matakna ka Mantenna?

⁷Sawangsulna upama Bapa-bapa midamel bener, na eta teh tiasa keur ngabantu ka Gusti Allah? Allah teh moal butuheun ku urang.

⁸Lampah urang boh hade boh goreng, untung rugina keuna ka papada manusa keneh.

⁹Jalma upama digencet sok lumengis ka batur hayang ditulung.

¹⁰Ari ka Allah anu ngajadikeunana teu inget-inget, tur Mantenna nu nguatkeun ana maranehna nandang sangsara.

¹¹Teu inget-inget yen Allah geus maparin akal budi ka maranehna, sangkan punjul leuwih ti sato atawa manuk.

¹²Atuh najan gegerungan butuh ku pitulung oge, pamohalan ku Allah ditulung, lantaran nya angkuh nya jahat,

¹³sasambatna taya pedahna, pamohalan ku Anu Maha Kawasa ditolih.

¹⁴Bapa nyaurkeun majar teu ningali Allah. Antos sing sabar, perkara Bapa teh geus aya di Mantenna.

¹⁵Bapa ngira Allah moal ngahukum. Bapa ngira Allah kurang open kana dosa.

¹⁶Taya pedahna Bapa ngocoblak deui ge, da ucap-ucapan Bapa nyirikeun kurang wiwaha.”