Read Boros Dusun AYUB 40 Bible Online

AYUB 40 - Boros Dusun bible

AYUB 40

¹Ayub, maneh nangtang ka Allah Nu Maha Kawasa. Bisa maneh ngajawab pananya-pananya Kami, atawa rek taluk?”

³”Rumaos, nun Gusti, omongan abdi sapertos omongan jelema burung. Kumaha abdi nya kedah ngawangsul? Abdi moal nyanggem nanaon deui,

⁵parantos seueur teuing abdi nyanggem teh.”

⁶PANGERAN ngadawuh deui, ti jero angin ribut.

⁷”Geura cengkat masing cangker, sakumaha layakna lalaki. Jawab pertanyaan Kami.

⁸Maneh teh rek ngabuktikeun yen Kami teu adil? Rek nyalahkeun Kami, terus ngabenerkeun diri sorangan?

⁹Maneh teh naha sarua rongkah kawas Kami? Bisa sora maneh ngageleger kawas sora Kami?

¹⁰Lamun bisa hempek atuh, Kami hayang neuleu daweungna, hayang nenjo dangongna, siga kumaha gandangna, siga kumaha agungna.

¹¹Pek ka ditu tatandang hareupeun nu galede hulu, coba hinakeun ku maneh, budalkeun amarah ka darinya.

¹²Coba perong sina ngeluk tingpurungkut, terus leyek tah nu jarahat teh,

¹³nepi ka marubuy kana taneuh, nyalalusruk ka enggon anu paraeh.

¹⁴Lamun sanggup, pasti ku Kami dipuji, meureun Kami ngaku yen maneh teh pinunjul.

¹⁵Coba awas-awas kuda Nil, boh eta boh maneh, nya Kami anu nyieunna. Ari nyatuna mah jukut, teu beda ti sapi.

¹⁶Tapi awakna bedasna kabina-bina, urat-uratna laliat.

¹⁷Ana buntutna centang, mani nanjeur jeg kai kiputri, urat pingpingna pating berehil.

¹⁸Balung-balungna tarareuas jeg tambaga, babajegna jeg ruji-ruji beusi.

¹⁹Di antara mahluk-mahluk Kami, ngan eta anu pohara matak helokna. Elehna ngan ku Anu nyiptakeunana.

²⁰Jukut piparabeunana, sasat disodoran ti gunung-gunung, tempat pangulinan sato galak.

²¹Gupakna handapeun tatangkalan anu carucukan, sok nyelegon dina dapuran kaso di sisi rawa,

²²diiuh-iuh ku tatangkalan nu carucukan jeung tangkal bidara, anu rajeg sisi walungan.

²³Najan walungan ngocorna tarik teu inggiseun. Cai neumbagan bangusna ge, anteng-anteng bae.

²⁴Saha nu bisa nyolok matana nepi ka lolong sangkan eta bisa kagusur? Saha nu bisa ngabarengkos bangusna?