Read Boros Dusun JABUR 10 Bible Online

JABUR 10 - Boros Dusun bible

JABUR 10

¹Ku naon tebih, nun PANGERAN? Ku naon nyumput waktos abdi-abdi kasesahan?

²Nu jarahat reujeung angkuh nindes ka nu balangsak; eurad eta jelema-jelema teh ku jiretna sorangan.

³Nu jarahat nyombongkeun napsu-napsu jahatna, nu harawek nyapa sareng nganistakeun PANGERAN.

⁴Jalma jahat teu malire ka PANGERAN; ceuk pikirna anu sombong Allah teh euweuh.

⁵Nu jarahat teh naranjung dina sagala hal. Maranehna teu bisa ngarti kana hukum Allah, ka musuh salawasna nguntup.

⁶Hatena takabur, ”Aing moal bisa gagal, moal keuna ku balangsak.”

⁷Eusi omonganana panyapa, tipu, ancaman; kecap-kecapna pinuh ku kangewa jeung jahat.

⁸Maranehna nyarumput di lembur-lembur, niat ngabinasa ka nu henteu salah, ngadodoho jelema nu taya dayana,

⁹ngabongohan ti panyumputanana cara singa. Ngadepong ngadago jalma malarat, nu balangsak dieuradan terus digusur.

¹⁰Korban-korbanna ngalungsar taya dayana, eleh ku kabedasanana.

¹¹Si jahat ngomong sorangan, ”Allah cicing bae! Peureum bae, moal nenjoeun ka aing!”

¹²Nun PANGERAN, hukum eta nu jarahat teh! Sing emut ka nu balangsak!

¹³Ku naon nu jahat teh nepi ka bisa nyacampah ka Allah, majar maneh, ”Aing ku Allah moal dihukum?”

¹⁴Nanging Gusti teh ningali; malire ka nu sangsara sareng lara, tur sayagi nulungan. Nya ka Gusti sumerahna nu teu walakaya teh. Gusti salamina ngabela ka jalmi miskin.

¹⁵Basmi kakawasaan nu jahat sareng nu doraka teh, hukum kajahatanana, sangkan ulah deui-deui.

¹⁶PANGERAN teh raja sapapanjangna. Anu nyarembah ka allah-allah sejen bakal musna ti tanahna.

¹⁷Nun PANGERAN, Gusti kersa ngadangu panyambatna jalmi laip, negerkeun hatena.

¹⁸Gusti kersa ngadangukeun panyambat jalma pahatu, kersa mirosea jumeritna nu dikakaya. Gusti kersa ngabela maranehna; dugi ka moal aya deui manusa anu nganiaya ka maranehna.