Read Boros Dusun JABUR 135 Bible Online

JABUR 135 - Boros Dusun bible

JABUR 135

¹Puji PANGERAN! Paruji jenengan PANGERAN, eh, maraneh nu jadi abdi-Na,

²nu araya di gedong PANGERAN, di jero Bait panglinggihan Allah urang.

³Paruji PANGERAN, ku karana kasaeana-Na, paruji jenengana-Na, ku karana murah manah-Na.

⁴Karana PANGERAN geus milih Yakub, milih Israil dijadikeun milik kagungana-Na.

⁵Kaula terang, Allah urang teh agung, ngungkulan sakabeh dewa.

⁶Mantenna iasa midamel naon bae sakersa-Na, di langit jeung di bumi, di lautan jeung di jero samudra.

⁷Mantenna ngadatangkeun mega ti tungtung-tungtung bumi, ngadamel kilat ngabarengan hujan angin, ngabudalkeun angin kaluar ti gudangna.

⁸Di Mesir Mantenna maehan sakabeh cikal, anak jalma, anak sato.

⁹Di ditu Mantenna ngayakeun mujijat jeung kaahengan, pikeun ngahukum raja saponggawana.

¹⁰Mantenna numpes bangsa-bangsa, maehan raja-rajana anu digjaya:

¹¹Sihon, raja urang Emor, Og, raja Basan, katut sakabeh raja-raja di Kanaan.

¹²Tanah-tanahna dipasihkeun ka umat-Na, dipasihkeun ka Israil.

¹³Nun PANGERAN, salamina Gusti baris dimashurkeun yen Gusti teh Allah saban turunan baris aremut ka Gusti.

¹⁴PANGERAN bakal ngabela umat-Na bakal mikawelas abdi-abdi-Na.

¹⁵Dewa bangsa-bangsa dijieunna tina perak jeung emas, bubuatan leungeun jelema.

¹⁶Sungutan tapi teu bisaeun lemek, mataan tapi teu bisaeun neuleu.

¹⁷Ceulian tapi teu bisaeun ngareungeu, sungutna taya napasan.

¹⁸Muga anu nyarieunna jeung anu nyarembahna ge sing jaradi cara arca-arca bubuatanana!

¹⁹Paruji PANGERAN, eh urang Israil! Paruji Mantenna, eh imam-imam Allah!

²⁰Paruji PANGERAN, eh urang Lewi, paruji Mantenna, eh nu ngabarakti ka Mantenna!

²¹Pinuji PANGERAN di Sion, di Yerusalem, panglinggihana-Na. Paruji PANGERAN.