Read Boros Dusun JABUR 16 Bible Online

JABUR 16 - Boros Dusun bible

JABUR 16

¹Jabur Daud. Raksa abdi, nun Allah, da abdi nyalindung ka Gusti.

²Kaula unjukan ka PANGERAN, ”Gusti teh PANGERAN abdi; sadaya pitulung ti Gusti asalna.”

³Ku utama umat anu satia ka Allah! Kaula pangresepna reureujeungan jeung maranehna.

⁴Anu muru allah-allah sejen, geus tangtu susah sorangan. Kaula embung miluan kana kurbanna, embung milu nyembah ka allah-allahna.

⁵Kagaduh abdi mah mung salira Gusti, nun PANGERAN. Pangabutuh abdi nya Gusti nu nyekapan, pati hurip abdi nya Gusti nu nyepengna.

⁶Pangasih Gusti ka abdi estu matak helok, taya babandinganana.

⁷Kaula muji sukur ka PANGERAN, reh ku Mantenna dituyun, ari ti peuting sanubari teh ngingetan.

⁸Kaula salawasna eling di payuneun PANGERAN, Mantenna teh deukeut, teu aya nu matak rentag.

⁹Jadi hate abdi ngarasa sukur, bungah, sarta ngarasa kacida tengtremna,

¹⁰reh ku Gusti dijaga tina kawasa ajal. Abdi satuhu ngawula ka Gusti, ku Gusti moal diselehkeun ka dunya anu maraot.

¹¹Gusti baris nuduhan jalan anu brasna kana hirup; aya di payuneun Gusti hate pinuh ku kabingahan, sareng kasenangan salalamina.