Read Boros Dusun JABUR 5 Bible Online

JABUR 5 - Boros Dusun bible

JABUR 5

¹Pikeun pamingpin biduan. Dipirig ku suling. Jabur Daud.

²Nun PANGERAN, dangukeun ieu panuhun abdi, pirosea rumahuh abdi.

³Dangukeun panyambat abdi neda pitulung, nun Allah abdi, raja abdi!

⁴Ka Gusti abdi neneda, nun PANGERAN; dangukeun sora abdi enjing-enjing; waktos panonpoe bijil, abdi ngunjukkeun paneda, sareng ngantos waleranana.

⁵Margi Gusti sanes Allah nu seneng kaawonan, Gusti moal ngantep kajahatan.

⁶Gusti teu tahan ningali jalmi adigung ceuceub ka nu lampahna jahat.

⁷Tukang-tukang bohong ku Gusti dibasmi, tukang maehan sareng tukang tipu dihina.

⁸Nanging ku margi Anjeun sakitu asihna, abdi kenging asup ka gedong Gusti, kenging ngabakti di Bait Gusti anu suci sujud ka Gusti kalayan hormat.

⁹Nun PANGERAN, musuh abdi kacida seueurna! Mugi abdi dituyun ngalampahkeun pangersa Gusti; tuduhkeun jalan Gusti nu ku abdi kedah disorang.

¹⁰Margi omongan musuh teh teu aya andeleunana, karepna mung bade ngabinasa, ucap-ucapanana sarae, matak kapincut, padahal pinuh ku tipu daya.

¹¹Mugi nu karitu teh dihukum, nun Allah, sina carilaka ku rarancangna sorangan. Usir ti payuneun Gusti margi seueur dosana, sareng ngaralawan ka Gusti.

¹²Dupi anu milari salamet ka Gusti mah bakal saruka, tiasa nyaranyi suka bungah salamina. Tangtayungan sugri anu nyaah ka Gusti, supados ngaraos suka ku karana Gusti.

¹³Gusti ngaberkahan sakur anu narurut, nun PANGERAN; piwelas Gusti ibarat kepeng keur maranehna.