Read Boros Dusun JABUR 58 Bible Online

JABUR 58 - Boros Dusun bible

JABUR 58

¹Pikeun pamingpin biduan. Nurutkeun lagu: Ulah ngabasmi. Jabur ti Daud.

²He para pangereh, kungsi aranjeun nyieun putusan nu adil? Jujur aranjeun nimbang perkara pada manusa?

³Teu! Nu dipikir ku aranjeun ngan rek nyieun kajahatan, jeung nyieun katelengesan di jero nagri.

⁴Jalma jahat mah kalakuanana goreng saumur-umur, ti barang dijurukeun ge geus mimiti nipu.

⁵Dirina pinuh ku peurah kawas oray, ceulina tara dipake, kawas oray sinduk torek,

⁶anu teu ngadengeeun kana sora pawangna, atawa kana sora tembang tukang ngematna.

⁷Remukkeun sihungna eta singa-singa galak teh, nun Allah!

⁸Sing musna eta jalma-jalma teh, sapertos cai nyaab, sina kaidek sapertos jukut di jalan,

⁹sing cara tetenggek, leeh jadi leuleueur, sing sapertos orok kaluron, teu kungsi ningal caang.

¹⁰Memeh areling maranehna geus dicacar cara rurungkunan. Ku Allah anu bendu maranehna dibalangkeun hirup-hirup.

¹¹Anu balener bakal barungah narenjo nu daroraka dihukum; getih jelema anu jarahat teh ku maranehna bakal dipake ngaraas.

¹²Jalma-jalma bakal ngaromong, ”Nyata, nu bener teh aya ganjaranana, nyata aya Allah, anu ngajalankeun hukum adil di dunya.”