Read Boros Dusun IMAMAT 14 Bible Online

IMAMAT 14 - Boros Dusun bible

IMAMAT 14

²hal aturan pikeun jelema anu cageur tina kasakit lepra. Dina poean baris dinyatakeun beresih, jelemana kudu dideuheuskeun ka imam.

³Imam kudu kaluar ti pasanggrahan, mariksa. Upama katembong geus cageur,

⁴imam kudu nitahan mawa manuk anu halal dua siki, kai kiputri sateukteuk, benang beureum jeung hisop sagagang.

⁵Imam kudu nitah meuncit manuk anu hiji di luhureun wadah tina taneuh beunang ngusian ku cai tina cinyusu.

⁶Manuk anu hirup keneh ku imam kudu dianclomkeun kana getih manuk anu dipeuncit tea, barengkeun jeung kai kiputri, benang beureum jeung hisop.

⁷Getih tea kepret-kepret ku imam tujuh kali ka jelema anu rek dinyatakeun beresih tina leprana, tuluy nyatakeun yen eta jelema geus beresih. Manuk anu hirup keneh tea leupaskeun sina hiber ka tegalan.

⁸Jelemana sina nyeuseuh pakeanana, tuluy titah ngagundulan sirah jeung titah mandi. Geus beresih meunang asup deui ka pasanggrahan, tapi tetep kudu cicing heula di luar kemahna salila tujuh poe.

⁹Dina katujuh poena sirahna kudu dikerik deui, kitu keneh janggot, halis jeung bulu-bulu awakna kudu dikerik. Pakeanana oge kudu diseuseuh deui, tuluy mandi, kakara beresih.

¹⁰Dina kadalapan poena kudu ka imam, mawa anak domba jalu dua bikang hiji umur sataunan sarta anu mulus, tipung tilu kilo campur ku minyak jetun, jeung minyak jetunna sapertilu liter.

¹¹Eta jelema jeung babawaanana ku imam kudu dibawa ka lawang Kemah Tepangan.

¹²Geus kitu anak domba jalu jeung minyak anu sapertilu liter tea ku imam cokot jieun kurban panebus, sanggakeun ka PANGERAN, sarta engkena pikeun eta imam.

¹³Eta anak domba kudu dipeuncit di nu suci, paranti meuncit sato kurban pamupus dosa jeung kurban beuleuman. Anu matak kudu kitu, lantaran kurban panebus teh kaayaana suci kacida sakumaha kurban pamupus dosa, eta engkena jadi bagian imam.

¹⁴Getihna ku imam kudu dicokot saeutik tuluy oleskeun ka jelema anu rek dinyatakeun bersih tea, kana daun ceulina anu katuhu, kana indung leungeunna nu katuhu jeung kana indung sukuna anu katuhu.

¹⁵Minyak jetunna bahekeun saeutik kana dampal leungeun imam anu kenca,

¹⁶tuluy kepret-kepret ku saramo nu katuhu di dinya di jero Kemah Tepangan PANGERAN tujuh kali.

¹⁷Geus kitu jelema anu rek dinyatakeun beresih teh ku imam diolesan ku minyak anu aya dina dampal leungeunna, dina tempat-tempat anu geus diolesan ku getih anak domba tea, nya eta daun ceulina nu katuhu, indung leungeunna nu katuhu, jeung indung sukuna nu katuhu.

¹⁸Minyak anu nyesa keneh dina dampal leungeun kenca imam susutkeun kana sirah jelema anu rek dinyatakeun beresih tea. Kitu petana imam ngajalankeun upacara ngaberesihkeun teh.

¹⁹Ti dinya imam kudu ngahaturkeun kurban pamupus dosa, neruskeun upacara ngaberesihkeun. Geus kitu kudu meuncit sato keur kurban beuleuman.

²⁰Tuluy sanggakeun kana altar jeung kurban gandum, neruskeun upacara ngaberesihkeun tea. Geus kitu jelema tea jadi beresih.

²¹Upama jelemana kurang mampuh lantaran miskin, anak domba pikeun sarat ngaberesihkeun dirina teh cukup ku hiji bae pikeun kurban panebus, sanggakeun ka PANGERAN pikeun bagian imam. Tipung pikeun kurban gandum oge sakilo bae, campur ku minyak jetun, jeung minyak jetunna sapertilu liter.

²²Jeung kudu ngahaturkeun japati ngora atawa tikukur ngora dua siki, hiji keur kurban pamupus dosa, hiji keur kurban beuleuman.

²³Dina kadalapan poena ti sanggeus dirina beresih, eta pikurbaneun bawa ka imam ka lawang Kemah Tepangan.

²⁴Anak domba jeung minyak jetunna ku imam cokot, sanggakeun ka PANGERAN, engkena keur bagian imam.

²⁵Dombana peuncit, getihna cokot saeutik pake ngulasan jelema tea, daun ceulina nu katuhu, indung leungeunna nu katuhu, jeung indung sukuna nu katuhu.

²⁶Minyak bahekeun saeutik ku imam kana dampal leungeun anu kenca,

²⁷tuluy kepret-kepret ku curuk katuhu tujuh kali di dinya di jero Kemah PANGERAN.

²⁸Ti dinya minyak anu dina dampal leungeunna oleskeun saeutik kana tempat-tempat anu geus diolesan getih tea, nya eta daun ceulina nu katuhu, indung leungeunna nu katuhu, jeung indung sukuna nu katuhu.

²⁹Minyak anu nyesa keneh dina dampal leungeun imam kudu digesrek-gesrekkeun kana sirah eta jelema. Kitu petana upacara ngaberesihkeun.

³⁰Ti dinya imam kudu nyanggakeun hiji japati ngora atawa tikukur ngora,

³¹jieun kurban pamupus dosa. Anu hiji deui jieun kurban beuleuman, barengkeun jeung kurban kadaharan. Kitu petana upacara ngaberesihkeun.

³²Kitu papakonna pikeun jelema anu tas katerap kasakit lepra, anu meh teu kabedag nyumponan pikurbaneun sakumaha mistina pikeun sarat ngaberesihkeun dirina.

³³PANGERAN nimbalan ka Musa jeung Harun

³⁴nimbalkeun papakon pikeun imah anu kakeunaan ku panyakit buluk. (Ieu papakon dipaparinkeun keur urang Israil mun geus arasup ka tanah Kanaan anu ku PANGERAN rek dipaparinkeun jadi milik maranehna.)

³⁵Sing saha anu imahna keuna ku panyakit buluk, kudu bebeja ka imam.

³⁶Samemeh imam datang mariksa kudu marentahkeun supaya eta imah dikosongkeun, sabab mun teu kitu saeusi eta imah bakal dinyatakeun najis. Geus kitu imam datang,

³⁷mariksa eta panyakit buluk. Mun aya ceda-ceda semu hejo atawa semu beureum mimiti ngaruksak tembok,

³⁸imam kudu terus kaluar sarta eta imah terus konci lilana tujuh poe.

³⁹Dina katujuh poena ku imam kudu dipariksa deui. Upama panyakit bulukna geus nyebar,

⁴⁰parentahkeun ku imam supaya tembok anu kakeunaan dibongkar tuluy piceun ka tempat pamiceunan di luar kota.

⁴¹Urut ngabongkar kudu ditambal ku nu anyar. Tembok sakurilingna kerik tuluy lapis deui ku nu anyar.

⁴²Upama sanggeus tembokna dibongkar jeung didangdanan teh panyakit bulukna aya deui,

⁴³kudu dipariksa deui ku imam.

⁴⁴Upama tetela kitu, eta imah teh geus keuna ku najis,

⁴⁵kudu dirubuhkeun; batu-batuna, kayu-kayuna, lapis tembokna, akutan ka luar kota ka tempat pamiceunan.

⁴⁶Sajeroning eta imah dikonci tea ku imam, sing saha anu asup ka dinya jadi najis nepi ka burit.

⁴⁷Sing saha anu kekedengan atawa dahar di dinya, kudu nyeuseuh pakeanana anu harita keur dipake.

⁴⁸Upama sanggeus tembok eta imah dilapis deui, sarta waktu dipariksa deui ku imam panyakit bulukna teu tembong deui, eta imah kaayaanana jadi beresih, sabab geus tetela panyakit bulukna geus leungit.

⁴⁹Pikeun nyucikeun eta imah, imam kudu nyadiakeun manuk dua siki, kayu kiputri, benang beureum, jeung hisop sagagang.

⁵⁰Manuk peuncit hiji luhureun wadah tina taneuh anu dieusian cai tina cinyusu.

⁵¹Kayu kiputri, hisop, benang beureum, jeung manuk nu hirup keneh anclomkeun kana getih manuk anu dipeuncit tea jeung kana cai anu dina wadah, terus eta imah teh kepretan tujuh kali.

⁵²Ku cara kitu eta imam teh nyucikeun eta imah ku getih manuk, ku cai seger, ku manuk hirup, ku kayu kiputri, ku hisop, jeung ku benang beureum.

⁵³Manuk anu hirup keneh leupaskeun sina hiber ka luareun kota, ka tegalan. Ku cara kitu imam teh nyucikeun eta imah kalawan upacara, geus kitu eta imah teh beresih tina kanajisanana.

⁵⁴Kitu papakon hal kasakit kulit anu gawat,

⁵⁵cenang, bisul atawa baruntusan, kitu keneh ngeunaan panyakit buluk anu terap kana papakean jeung kana imah.

⁵⁶

⁵⁷Ieu papakon teh pituduh geusan nangtukeun suci henteuna barang atawa naon bae.