Read Boros Dusun YERMIA 45 Bible Online

YERMIA 45 - Boros Dusun bible

YERMIA 45

¹Dina taun kaopat mangsa Yoyakim putra Yosia jadi raja nagri Yuda, sanggeus Baruk nyatetkeun lisan-lisan ti kaula, Baruk dibejaan

²yen aya timbalan keur manehna ti PANGERAN, Allah Israil. Kieu, ”Baruk,

³maneh ngomong, ’Aing geus teu tahan! Keur susah teh disusahkeun deui ku PANGERAN. Mani geus cape balas humandeuar, mani henteu bisa minge!’

⁴Ieu Kami PANGERAN, baris ngaruag beunang Kami ngadegkeun, baris ngarabut beunang Kami melak. Sakuliah jagat ku Kami rek dikitukeun.

⁵Kutan maneh teh hayang dibedakeun? Tong boga kahayang kitu! Sabab sakabeh manusa ku Kami rek ditarajang ku picilakaeun. Tapi sanajan kitu, maneh mah ku Kami rek diidinan hirup, rek ka mana ge moal kungsi tiwas. Kitu timbalan Kami, PANGERAN.”