Read Boros Dusun BILANGAN 36 Bible Online

BILANGAN 36 - Boros Dusun bible

BILANGAN 36

¹Para kapala warga-warga kaom Gilad bin Mahir bin Menase bin Yusup ngadareuheus ka Musa jeung ka para kapala lianna,

²arunjukan, ”Timbalan PANGERAN kapungkur, Bapa kedah ngabagikeun tanah ka urang Israil nganggo lotre. Sareng timbalana-Na Bapa kedah maparin tanah milik ka pun dulur Selopehad kanggo anak-anakna anu awewe.

³Mugi kaemut, upami maranehna kawin ka kaom sanes, tanah milikna tangtos ragrag ka eta kaom, ku margi kitu tanah milik abdi-abdi tangtos jadi ngirangan.

⁴Dina Taun Kasukaan, waktos nebusan tanah-tanah milik anu parantos kaical supados kapimilik deui ku nu gaduh asalna, tanah-tanah milik anak-anak Selopehad mah tangtos moal tiasa kapimilik deui, ku kituna moal kaetangkeun kana bagian kaom abdi-abdi deui da parantos jadi tanah milik tetep kaom salakina.”

⁵Ti dinya Musa nyaurkeun timbalan PANGERAN ka urang Israil. Saurna, ”Bener eta omongan kaom Menase teh.

⁶Mana kieu timbalan PANGERAN: Anak-anak Selopehad meunang boga salaki ka saha bae, tapi kudu ka kaomna keneh.

⁷Tanah milik satiap urang Israil kudu tetep aya dina cangkingan kaomna masing-masing.

⁸Unggal awewe anu boga warisan tanah milik di hiji kaom Israil, kawinna kudu ka lalaki ti kaom eta keneh, supaya unggal urang Israil tetep ngabogaan warisan tanah milik karuhunna,

⁹ulah aya tanah milik anu pindah ti kaom ieu ka kaom anu sejen. Tegesna unggal kaom kudu mageuhan tanah milikna masing-masing.”

¹⁰Ku lantaran kitu, Mahla, Tirsa, Hogla, Milka jeung Noa, anak-anak Selopehad, karawinna teh ka lalaki ti kaomna keneh, nurut kana timbalan PANGERAN anu diandikakeun ka Musa tea. Karawinna teh ka anak uana,

¹²ka warga ti kaom Menase bin Yusup, jadi tanah milikna tetep aya dina genggeman kaom bapana.

¹³Kitu aturan jeung pikukuh ti PANGERAN ka urang Israil anu diandikakeun ka Musa di padataran tanah Moab peuntaseun Walungan Yordan deukeut nagara Yeriho.