Read Boros Dusun YOSUA 21 Bible Online

YOSUA 21 - Boros Dusun bible

YOSUA 21

¹Geus kitu para kapala kulawarga-kulawarga kaom Lewi nepungan Imam Elasar, Yosua putra Nun jeung para kapala kaom Israil.

²Seug arunjukan kieu ka aranjeunna, di Silo, di tanah Kanaan, ”Kapungkur aya timbalan PANGERAN ka Musa, yen sim kuring kedah dipaparin kota-kota pamukiman, kitu deui sampalan-sampalan keur ingon-ingon.”

³Seug sakumaha timbalan PANGERAN, kaom Lewi teh ku urang Israil dibere kota-kota jeung sampalan-sampalan ti wewengkon milikna masing-masing.

⁴Kulawarga-kulawarga kaom Lewi golongan Kahat meunang lotrena pangheulana. Ari kulawarga-kulawarga turunan Imam Harun, meunang tilu belas kota di wewengkon-wewengkon Yuda, Simeon jeung Binyamin.

⁵Golongan Kahat anu lianna meunang sapuluh kota ti wewengkon-wewengkon Epraim, Dan jeung Menase anu ti tebeh kulon.

⁶Golongan Gerson meunang tilu belas kota ti wewengkon-wewengkon Isaskar, Aser, Naptali jeung ti wewengkon Menase anu di wetaneun Walungan Yordan.

⁷Kulawarga-kulawarga golongan Merari meunang dua belas kota ti wewengkon-wewengkon Rubin, Gad jeung Sebulun.

⁸Ku jalan lotre, eta kota-kota kitu deui sampalan-sampalanana ku urang Israil diserenkeun ka kaom Lewi, sakumaha timbalan PANGERAN ka Musa.

⁹Kota-kota ti wewengkon-wewengkon Yuda jeung Simeon, anu ngaran-ngaranna engke baris disebutan, diserenkeunana ka

¹⁰turunan Harun golongan Kahat anu kaasup turunan Lewi. Lotrena kaluar pangheulana.

¹¹Maranehanana meunang kota Arba (Arba teh karuhun bangsa Enak), anu terusna disebut Hebron, di pagunungan wewengkon Yuda, katut sampalan-sampalan sakurilingna.

¹²Tapi ari tegal-tegal jeung desa-desana mah geus kapimilik ku Kaleb bin Yepune.

¹³Kajaba ti Hebron (salah sahiji kota suaka), kota-kota anu lotrena ragrag ka turunan Imam Harun teh nya eta: Libna,

¹⁴Yatir, Estemoa,

¹⁵Holon, Debir,

¹⁶Ain, Yuta jeung Bet Semes, katut sampalan-sampalanana; salapan kota ti kaom Yuda jeung Simeon.

¹⁷Ti wewengkon kaom Binyamin meunang opat kota, nya eta: Gibon, Geba,

¹⁸Anatot jeung Almon, katut sampalan-sampalanana.

¹⁹Kota-kota anu diserenkeun ka turunan Imam Harun teh kabehna tilu belas, katut sampalan-sampalanana.

²⁰Kulawarga-kulawarga Lewi golongan Kahat anu lianna, tina lotrena meunang kota-kota ti wewengkon Epraim.

²¹Ti dieu meunang opat kota, nya eta: Sekem (salah sahiji kota suaka) katut sampalan-sampalanana di pagunungan Epraim, Geser,

²²Kibsaim jeung Bet Horon, katut sampalan-sampalanana.

²³Ti wewengkon Dan meunang opat kota, nya eta: Elteke, Gibeton,

²⁴Ayalon jeung Gat Rimon, katut sampalan-sampalanana.

²⁵Ti wewengkon Menase kulon meunang dua kota, nya eta: Taanak jeung Gat Rimon, katut sampalan-sampalanana.

²⁶Kabehna anu katarima ku kulawarga-kulawarga golongan Kahat teh sapuluh kota, katut sampalan-sampalanana.

²⁷Sabagian deui kulawarga-kulawarga Lewi ti golongan Gerson, meunang dua kota ti wewengkon Menase anu beulah wetan, nya eta: Golan di Basan (salah sahiji kota suaka) jeung Bestera, katut sampalan-sampalanana.

²⁸Ti wewengkon Isaskar meunang opat kota, nya eta: Kision, Daberat,

²⁹Yarmut jeung En Ganim, katut sampalan-sampalanana.

³⁰Ti wewengkon Aser meunang opat kota, nya eta: Misal, Abdon,

³¹Helkat jeung Rehob, katut sampalan-sampalanana.

³²Ti wewengkon Naptali meunang tilu kota, nya eta: Kedes di Galilea (salah sahiji kota suaka), katut sampalan-sampalanana, Hamot Dor jeung Kartan, katut sampalan-sampalanana.

³³Eta rupa-rupa kulawarga kaom Gerson teh kabehna narima tilu belas kota, katut sampalan-sampalanana.

³⁴Urang Lewi anu sesana, nya eta golongan Merari, ti wewengkon Sebulun meunang opat kota, nya eta: Yoknam, Karta,

³⁵Dimna jeung Nahalal, katut sampalan-sampalanana.

³⁶Ti wewengkon Rubin meunang opat kota, nya eta: Beser, Yahas,

³⁷Kedemot jeung Mepaat, katut sampalan-sampalanana.

³⁸Ti kaom Gad meunang opat kota, nya eta: Ramot di Gilad (salah sahiji kota suaka), katut sampalan-sampalanana, Mahanaim,

³⁹Hesbon jeung Yaser, katut sampalan-sampalanana.

⁴⁰Golongan Merari kabehna meunang dua belas kota.

⁴¹Kota-kota milik urang Israil anu diserenkeun ka urang Lewi, kabehna opat puluh dalapan, katut sampalan-sampalanana.

⁴³Eta tanah sakuliahna ku PANGERAN geus dipaparinkeun ka urang Israil. Laksana sakumaha jangji Mantenna kalayan sumpah ka karuhun-karuhun maranehanana. Ku maranehanana geus kapimilik, geus diarenggonan.

⁴⁴Sakuliah wewengkonna ku PANGERAN dikertakeun, sakumaha jangji Mantenna ka karuhun-karuhun maranehna. Taya pisan musuh anu bisa tagen, kawantu urang Israil teh dikersakeun unggul bae ku PANGERAN.

⁴⁵Tiap jangji PANGERAN ka urang Israil, ku Mantenna dibuktoskeun.