Read Изге Язма, 2015 Яратылыш 36 Bible Online

Яратылыш 36 - Изге Язма, 2015 bible

Яратылыш 36

¹Эсауның, ягъни Эдомның нәсел шәҗәрәсе болайдыр.

²Эсау үзенә Кәнган җире кызларыннан хитти Элонның кызы Аданы, хивви Сибгоннан туган Анаһ кызы Оһолибаманы һәм

³Исмәгыйльнең кызы — Нәбаютның кыз кардәше Басематны хатын итеп алган иде.

⁴Ада Эсауга Элифазны тудырды, Басемат — Регуилне,

⁵Оһолибама — Игушны, Ягълам һәм Корахны тудырды. Эсауның Кәнган җирендә туган угыллары шулардыр.

⁶Эсау үзенең хатыннарын, угылларын, кызларын, өендәге бөтен адәмнәрне, терлек көтүләрен, Кәнган илендә туплаган бар мал-мөлкәтен алды да, кардәше Ягъкубтан аерылып, башка бер төбәккә күчеп китте.

⁷Аларның икесенең дә мал-мөлкәте шулкадәр зур иде ки, мондагы җәйләүләрдә көтү-көтү маллары өчен инде урын җитми, шуңа күрә алар берничек тә бергә сыешып яши алмыйлар иде.

⁸Эсау (ягъни Эдом) Сәгыйрь тавы буендагы җирләргә барып төпләнде.

⁹Сәгыйрь тавы буенда җирләшкән эдомиләрнең нәсел атасы булган Эсауның шәҗәрәсе түбәндәгечә.

¹⁰Эсау угылларының исемнәре: Эсауның хатыны Ададан туган углы Элифаз, Эсауның хатыны Басематтан туган углы Регуил.

¹¹Элифазның угыллары: Теман, Омар, Сефо, Гәтәм һәм Кыназ.

¹²Тимна — Эсау углы Элифазның җариясе иде. Тимна Элифазга Амалыкны тудырды. Болар — Эсау хатыны Аданың оныкларыдыр.

¹³Регуилнең угыллары: Нахат, Зерах, Шамма һәм Мизза. Болар — Эсау хатыны Басематның оныкларыдыр.

¹⁴Сибгоннан туган Анаһ кызы Оһолибама Эсауга табып биргән угылларның исемнәре: Игуш, Ягълам һәм Корах.

¹⁵Эсау угылларының ыругбашлары: Эсауның өлкән углы Элифаз угылларыннан туган Теман, Омар, Сефо, Кыназ,

¹⁶Корах, Гәтәм, Амалык. Болар — Эдом илендә Элифаз нәселеннән туган ыругбашлары, Эсау хатыны Аданың оныкларыдыр.

¹⁷Эсау углы Регуилдән туган ыругбашлары: Нахат, Зерах, Шамма, Мизза. Болар — Эдом илендә Регуил нәселеннән чыккан ыругбашлары, Эсау хатыны Басематның оныкларыдыр.

¹⁸Эсау хатыны Оһолибама тудырган ыругбашлары: Игуш, Ягълам һәм Корах. Болар — Эсауның хатыныннан, Анаһ кызы Оһолибамадан туган ыругбашлары.

¹⁹Боларның һәммәсе — Эсау (ягъни Эдом) угыллары һәм алар нәселеннән чыккан ыругбашларыдыр.

²⁰Шул ук җирләрдә яшәгән хори Сәгыйрьнең угыллары: Лотан, Шобал, Сибгон, Анаһ,

²¹Дишон, Эсер һәм Дишан. Болар — Эдом җирләрендә хориләрнең ыругбашлары булган Сәгыйрь угылларыдыр.

²²Лотанның угыллары: Хори һәм Һемам. Тимна — Лотанның кыз кардәше иде.

²³Шобалның угыллары: Алван, Манахат, Эвал, Шефу һәм Онам.

²⁴Сибгонның угыллары: Аяһ һәм Анаһ. Атасы Сибгонның ишәкләрен көтүдә йөрткәндә, чүлдә кайнар су чыганаклары тапкан Анаһ шушы буладыр.

²⁵Анаһның балалары: углы Дишон һәм кызы Оһолибама.

²⁶Дишонның угыллары: Хемдан, Эшбан, Итран һәм Керан.

²⁷Эсерның угыллары: Билһан, Загаван һәм Акан.

²⁸Дишанның угыллары: Утс һәм Аран.

²⁹Хориләрдән чыккан ыругбашлары шулар: Лотан, Шобал, Сибгон, Анаһ,

³⁰Дишон, Эсер һәм Дишан. Болар — Сәгыйрь җирләрендә яшәгән хориләрнең ыругбашларыдыр.

³¹Исраил патшалары хакимлегенә кадәр Эдом җирләрендә хөкем сөргән патшалар:

³²Бигур углы Бела Эдом илендә патша булып торды. Аның баш шәһәре Динһаба дип атала иде.

³³Бела үлгәч, Босра шәһәреннән Зерах углы Йовав патша булды.

³⁴Йовав үлгәч, Теман иленнән Хушам патша булды.

³⁵Хушам үлгәч, Бедад углы Һадад патша булды (Мәаб кырларында мидьяниләрне ул тар-мар итте). Шәһәренең исеме Авит иде.

³⁶Һадад үлгәч, Масрыкадан Самла патша булды.

³⁷Самла үлгәч, елга буендагы Рехоботтан Шаул патша булды.

³⁸Шаул үлгәч, Ахбор углы Багал-Ханан патша булды.

³⁹Ахбор углы Багал-Ханан үлгәч, Һадар патша булды. Шәһәренең исеме Пагу иде. Һадарның хатыны — Ме-Заһабның кыз оныгы, Матредның кызы — Меһетабел исемле иде.

⁴⁰Эсау нәселеннән чыккан һәм исемнәре белән кабиләләре, яшәгән җирләре аталган ыругбашлары болардыр: Тимна, Алва, Ятет,

⁴¹Оһолибама, Элаһ, Пинон,

⁴²Кыназ, Теман, Мибсар,

⁴³Мәгдиел һәм Ирам. Яшәгән җирләренә, биләмәләренә үзләренең исемнәрен биргән Эдом ыругбашлары менә шулардыр. Эдомиләрнең нәселбашы исә Эсаудыр.