Read Изге Язма, 2015 Яратылыш 5 Bible Online

Яратылыш 5 - Изге Язма, 2015 bible

Яратылыш 5

¹Адәмнең нәсел шәҗәрәсе түбәндәгечә. Кешене яратканда, Аллаһы аны Үзенә охшаш итеп яратты.

²Кешеләрне ир-ат һәм хатын-кыз итеп яратты һәм мөбарәк кылды. Яраткан көнендә аларга «адәм» дип исем бирде.

³Адәмгә йөз дә утыз яшь булганда, аның үз сурәтендә, үзенә охшаган бер углы туды. Аңа Шет дип исем кушты.

⁴Шет туганнан соң, Адәм тагын сигез йөз ел гомер итте. Башка угыллары һәм кызлары булды.

⁵Адәм барлыгы тугыз йөз дә утыз ел яшәп вафат булды.

⁶Шетка йөз дә биш яшь булганда, углы Энош туды.

⁷Энош туганнан соң, Шет тагын сигез йөз дә җиде ел гомер итте. Башка угыллары, кызлары булды.

⁸Шет барлыгы тугыз йөз дә унике ел яшәп вафат булды.

⁹Эношка туксан яшь булганда, углы Кынан туды.

¹⁰Кынан туганнан соң, Энош тагын сигез йөз дә унбиш ел гомер итте. Башка угыллары, кызлары булды.

¹¹Энош барлыгы тугыз йөз дә биш ел яшәп вафат булды.

¹²Кынанга җитмеш яшь булганда, углы Маһалалел туды.

¹³Маһалалел туганнан соң, Кынан тагын сигез йөз дә кырык ел гомер итте. Башка угыллары, кызлары булды.

¹⁴Кынан барлыгы тугыз йөз дә ун ел яшәп вафат булды.

¹⁵Маһалалелгә алтмыш биш яшь булганда, углы Еред туды.

¹⁶Еред туганнан соң, Маһалалел тагын сигез йөз дә утыз ел гомер итте. Башка угыллары, кызлары булды.

¹⁷Маһалалел барлыгы сигез йөз дә туксан биш ел яшәп вафат булды.

¹⁸Ередка йөз дә алтмыш ике яшь булганда, углы Ханох туды.

¹⁹Ханох туганнан соң, Еред тагын сигез йөз ел гомер итте. Башка угыллары, кызлары булды.

²⁰Еред барлыгы тугыз йөз дә алтмыш ике ел яшәп вафат булды.

²¹Ханохка алтмыш биш яшь булганда, углы Мәтушелах туды.

²²Мәтушелах туганнан соң, Ханох тагын өч йөз ел Аллаһы юлында йөрде. Башка угыллары, кызлары булды.

²³Ханох барлыгы өч йөз дә алтмыш биш ел гомер итте,

²⁴Аллаһы юлында йөрде, соңра күздән югалды, чөнки Аллаһы аны Үз янына алган иде.

²⁵Мәтушелахка йөз дә сиксән җиде яшь булганда, углы Ләмех туды.

²⁶Ләмех туганнан соң, Мәтушелах тагын җиде йөз дә сиксән ике ел гомер итте. Башка угыллары, кызлары булды.

²⁷Мәтушелах барлыгы тугыз йөз дә алтмыш тугыз ел яшәп вафат булды.

²⁸Ләмехка йөз дә сиксән ике яшь булганда, аның да углы туды.

²⁹«Раббы ләгънәтләгән бу туфракны эшкәртеп, кулларыбыз хезмәттән талчыккан вакытларда юатучыбыз булыр», — дип, Ләмех үзенең углына Нух [13] дип исем кушты.

³⁰Нух туганнан соң, Ләмех тагын биш йөз дә туксан биш ел гомер итте. Башка угыллары, кызлары булды.

³¹Ләмех барлыгы җиде йөз дә җитмеш җиде ел яшәп вафат булды.

³²Биш йөз ел гомер кичергәннән соң, Нухның Шем, Хам вә Яфет исемле угыллары туды.