Read Изге Язма, 2015 I Елъязма 8 Bible Online

I Елъязма 8 - Изге Язма, 2015 bible

I Елъязма 8

¹Беньяминнең беренче углы — Бела, икенчесе — Ашбел, өченчесе — Ахрах,

²дүртенчесе — Ноха, бишенчесе Рапа атлы иде.

³Беланың угыллары: Аддар, Гера, Абиһуд,

⁴Абишуа, Нагаман, Ахуах,

⁵Гера, Шефуфан һәм Хурам.

⁶ 6-7 Гебада яшәүче гаилә башлыклары — Эхуд угыллары Нагаман, Ахия һәм Гера — Манахатка сөрелгәннәр иде. Аларны анда шушы Гера ияртеп алып киткән була. Ул — Узза белән Ахихудның атасыдыр.

⁸ 8-9 Шахараим үзенең Хушим һәм Багара атлы хатыннарын куып җибәргәннән соң, Ходеш исемле хатыны аңа Мәаб җирендә угыллары Йовав, Сибья, Меша, Мәлкәм,

¹⁰Ягус, Сәхья, Мирманы табып бирде. Болар Шахараим угылларыдыр. Алар һәммәсе — гаилә башлыклары.

¹¹Хатыны Хушимнән Шахараимнең Абитуб һәм Элпагал исемле угыллары бар иде.

¹² 12-13 Әлеге Элпагалның Гыйбер, Мишгам, Шемед, Берига һәм Шема атлы угыллары булды. Шемед исемлесе Һоно һәм Лод калаларына, шулар тирәсендәге авылларга нигез салган кеше. Берига һәм Шема исә Аялунда гаилә башлыклары булып, Гәт халкын әнә шулар сөреп җибәрде.

¹⁴Ахъя, Шашак, Еремот,

¹⁵Зәбәдия, Арад, Эдер,

¹⁶Микәил, Ишпа һәм Йоха — Бериганың угыллары.

¹⁷Зәбәдия, Мешуллам, Хизкый, Хебер,

¹⁸Ишмерай, Излия һәм Йовав — Элпагал угыллары.

¹⁹Якым, Зихри, Зәбди,

²⁰Элигынай, Силлетәй, Элиел,

²¹Адая, Берая һәм Шимрат — Шимгый угыллары.

²²Ишпан, Гыйбер, Элиел,

²³Абдун, Зихри, Ханан,

²⁴Ханания, Элам, Антотия,

²⁵Ифдия һәм Пенуил — Шашак угыллары.

²⁶Шамшерай, Шехәрья, Аталия,

²⁷Ягарешия, Ильяс һәм Зихри — Ерухам угыллары.

²⁸Нәсел шәҗәрәсеннән күренгәнчә, алар, һәрберсе гаилә башлыклары булып, Иерусалимдә яши иделәр.

²⁹Гибгонның атасы Ягыил [32] Гибгонда яшәде. Аның хатыны Мәгакәһ атлы иде.

³⁰Ягыилнең өлкән углы — Абдун, аңардан соң дөньяга килгән угыллары: Сур, Кыйш, Багал, Надаб,

³¹Гедор, Ахъя, Зәкәр, Миклут.

³²Миклутның углы — Шимһа. Алар барысы да үз туганнары белән янәшә Иерусалимдә яшәде.

³³Нер — Кыйшның, ә Кыйш Шаулның атасы иде. Шаулдан Йонатан, Малки-Шуа, Абинадаб һәм Эшбагал [33] туды.

³⁴Йонатанның углы Мериб-Багалдан [34] Михә дөньяга килде.

³⁵Михәнең угыллары: Питун, Мәлик, Тареа һәм Әхәз.

³⁶Әхәздән туган Яһугада угыллары: Алемет, Азмавет һәм Зимри. Зимридән соң нәсел җебенең дәвамы: Моса,

³⁷Бинга, Рапа, Элгаса, Әсел.

³⁸Әселнең алты углы туды: Азрикам, Бокеру, Исмәгыйль, Шегарья, Убадия һәм Ханан; болар барысы да Әселнең угылларыдыр.

³⁹Әселнең ир кардәше Эшык угыллары: беренчесе — Улам, икенчесе — Игуш, өченчесе — Элифелет.

⁴⁰Уламның угыллары батыр сугышчылар, оста укчылар иде. Аларның угыллары, оныклары күп булды — барлыгы йөз илле кеше. Боларның һәммәсе Беньямин нәселеннәндер.