Read Изге Язма, 2015 Эзра 2 Bible Online

Эзра 2 - Изге Язма, 2015 bible

Эзра 2

¹ 1-2 Заманында Бабил патшасы Нәбухаднессар әсир кылып өлкәбездән Бабилгә алып киткән кешеләр Зеруббабел, Ешуа, Нәхәмия, Сераяһ, Ригълая, Мәрдәкәй, Билшан, Миспар, Бигвәй, Рәхум вә Багъна җитәкчелегендә Иерусалимгә вә Яһүдәгә әйләнеп кайттылар — һәркем үз шәһәренә кайтып урнашты. Әлеге исраилиләрнең исемлеге түбәндәгечә:

³Паргош нәселеннән — ике мең йөз җитмеш ике кеше;

⁴Шефатия нәселеннән — өч йөз җитмеш ике кеше;

⁵Арах нәселеннән — җиде йөз җитмеш биш кеше;

⁶Ешуа һәм Йоав нәселеннән Пахат-Мәаб угыллары — ике мең сигез йөз унике кеше;

⁷Элам нәселеннән — мең ике йөз илле дүрт кеше;

⁸Затту нәселеннән — тугыз йөз кырык биш кеше;

⁹Зәккәй нәселеннән — җиде йөз алтмыш кеше;

¹⁰Бани нәселеннән — алты йөз кырык ике кеше;

¹¹Бебай нәселеннән — алты йөз егерме өч кеше;

¹²Әзгәд нәселеннән — мең ике йөз егерме ике кеше;

¹³Адоникам нәселеннән — алты йөз алтмыш алты кеше;

¹⁴Бигвәй нәселеннән — ике мең илле алты кеше;

¹⁵Әдин нәселеннән — дүрт йөз илле дүрт кеше;

¹⁶Хизәкыйя нәселеннән Әтир угыллары — туксан сигез кеше;

¹⁷Бесай нәселеннән — өч йөз егерме өч кеше;

¹⁸Йора нәселеннән — йөз унике кеше;

¹⁹Хашум нәселеннән — ике йөз егерме өч кеше;

²⁰Гиббар нәселеннән — туксан биш кеше;

²¹чыгышы белән Бәйт-Лехемнән булганнар — йөз егерме өч кеше;

²²чыгышы белән Нетофадан булганнар — илле алты кеше;

²³чыгышы белән Анатоттан булганнар — йөз егерме сигез кеше;

²⁴чыгышы белән Азмаветтан булганнар — кырык ике кеше;

²⁵чыгышы белән Кыръят-Ягарим, Кепира вә Беһероттан булганнар — җиде йөз кырык өч кеше;

²⁶чыгышы белән Рамаһ вә Гебадан булганнар — алты йөз егерме бер кеше;

²⁷чыгышы белән Микмәстән булганнар — йөз егерме ике кеше;

²⁸чыгышы белән Бәйт-Эл вә Гайдан булганнар — ике йөз егерме өч кеше;

²⁹чыгышы белән Нәбудан булганнар — илле ике кеше;

³⁰чыгышы белән Мәгбиштән булганнар — йөз илле алты кеше;

³¹чыгышы белән Икенче Эламнан булганнар — мең ике йөз илле дүрт кеше;

³²чыгышы белән Харимнән булганнар — өч йөз егерме кеше;

³³чыгышы белән Лод, Хадид һәм Һонодан булганнар — җиде йөз егерме биш кеше;

³⁴чыгышы белән Әрихәдән булганнар — өч йөз кырык биш кеше;

³⁵чыгышы белән Сенаһадан булганнар — өч мең алты йөз утыз кеше.

³⁶Руханилар: Ешуа нәселеннән Едагыйя угыллары — тугыз йөз җитмеш өч кеше;

³⁷Иммер нәселеннән — мең илле ике кеше;

³⁸Пашхур нәселеннән — мең ике йөз кырык җиде кеше;

³⁹Харим нәселеннән — мең унҗиде кеше.

⁴⁰Левиләр: Ешуа һәм Кадмиел нәселеннән (Һодавия токымыннан) — җитмеш дүрт кеше.

⁴¹Җырчылар: Асаф нәселеннән — йөз егерме сигез кеше.

⁴²Капка сакчылары: Шаллум, Әтир, Талмун, Гаккуб, Хатита вә Шобай нәселеннән — барысы йөз утыз тугыз кеше.

⁴³Аллаһы йорты хезмәтчеләреннән: Сиха нәселе, Хасупа нәселе, Таббагот нәселе,

⁴⁴Кыйрос нәселе, Сыйгаһа нәселе, Падон нәселе,

⁴⁵Лебана нәселе, Хәгәбә нәселе, Гаккуб нәселе,

⁴⁶Хәгәб нәселе, Шалмай нәселе, Ханан нәселе,

⁴⁷Гиддел нәселе, Гәхәр нәселе, Реһая нәселе,

⁴⁸Рәсин нәселе, Ныкода нәселе, Гәззәм нәселе,

⁴⁹Узза нәселе, Пасеах нәселе, Бесай нәселе,

⁵⁰Асна нәселе, Мыгуним нәселе, Нәпусим нәселе,

⁵¹Баквук нәселе, Хакупа нәселе, Хархур нәселе,

⁵²Баслут нәселе, Мехида нәселе, Харша нәселе,

⁵³Баркыс нәселе, Сисера нәселе, Темах нәселе,

⁵⁴Нәсиах нәселе, Хатипа нәселе.

⁵⁵Сөләйман колларының угыллары: Сотай нәселе, Соперет нәселе, Перуда нәселе,

⁵⁶Ягъла нәселе, Даркон нәселе, Гиддел нәселе,

⁵⁷Шефатия нәселе, Хаттил нәселе, Пөкерет-Һассебаим нәселе, Ами нәселе.

⁵⁸Аллаһы йорты хезмәтчеләре вә Сөләйман колларының угыллары — барысы өч йөз туксан ике кеше.

⁵⁹ 59-60 Тел-Мелах, Тел-Харша, Керуб, Аддун, Иммер шәһәрләреннән килүчеләр: Делая нәселе, Тобия нәселе, Ныкода нәселе — алты йөз илле ике кеше. Алар ата-бабаларының Исраил тумасы булуын исбатлый алмады.

⁶⁰

⁶¹Руханилар нәселеннән: Хобая, Һаккос вә Барзиллай (ул, гилыгадлы Барзиллай кызларыннан хатын алып, алар исемен йөртә башлый) угыллары.

⁶²Үзләренең шәҗәрә кәгазьләрен таба алмаганга, алар руханилыктан чыгарылдылар.

⁶³Өлкә башлыгы аларга: «Урим һәм туммим белән эш итүче рухани килеп хәл итмичә, сез руханиларга тәгаенләнгән корбанлык малның итен ашый алмыйсыз», — диде.

⁶⁴Җәмгыятьтә барлыгы кырык ике мең өч йөз алтмыш кеше исәпләнә иде.

⁶⁵Алардан тыш, ир вә хатын-кызлардан җиде мең өч йөз утыз җиде кол, ике йөз җырчы ир вә хатын-кыз,

⁶⁶шулай ук җиде йөз утыз алты ат, ике йөз кырык биш качыр,

⁶⁷дүрт йөз утыз биш дөя, алты мең җиде йөз егерме ишәк бар иде.

⁶⁸Иерусалимдәге Раббы йортына килгәч, кайбер ыруг башлыклары, аның элекке нигезен торгызу өчен, ихтыяри иганә бирделәр.

⁶⁹Алар, нинди мөлкәткә ия булуларына карап, бу эшне башкару өчен, хәзинәгә алтмыш бер мең дарик [1] алтын, биш мең мина [2] көмеш вә йөз руханины киендерерлек кием бирделәр.

⁷⁰Шулай итеп, руханилар, левиләр, капка сакчылары, Аллаһы йорты хезмәтчеләре вә барлык исраилиләр үз шәһәрләрендә яши башлады.