Read Изге Язма, 2015 Нәхәмия 12 Bible Online

Нәхәмия 12 - Изге Язма, 2015 bible

Нәхәмия 12

¹Шеһалтиел углы Зеруббабел һәм Ешуа белән бергә әсирлектән кайткан руханилар вә левиләр түбәндәгеләр. Руханилар: Сераяһ, Иремия, Эзра,

²Амария, Мәллүк, Хаттуш,

³Шекания, Рәхум, Меремот,

⁴Идду, Гиннетон, Абия,

⁵Миямин, Магадия, Билгәй,

⁶Шәмәгыйя, Йояриб, Едагыйя,

⁷Саллу, Амук, Хилкыйя, Едагыйя. Болар — Ешуа чорында яшәгән руханиларның башлыклары һәм аларның хезмәттәшләре.

⁸Левиләр: Ешуа, Биннуй, Кадмиел, Шәрәбия, Яһүдә һәм хезмәттәшләре белән шөкрана мәдхияләре башкару өчен җаваплы Маттания,

⁹шулай ук алар белән чиратлашып җырлаучы Баквукыйя, Унни һәм аларның хезмәттәшләре.

¹⁰Ешуа — Йоякыймның, Йоякыйм — Эльяшибнең, Эльяшиб — Йояданың,

¹¹Йояда — Йонатанның, Йонатан Яддуганың атасы иде.

¹²Йоякыйм заманында руханиларның нәселбашлары түбәндәгеләр иде: Сераяһ нәселендә — Мерая, Иремия нәселендә — Ханания,

¹³Эзра нәселендә — Мешуллам, Амария нәселендә — Еһоханан,

¹⁴Малухи нәселендә — Йонатан, Шекания нәселендә — Йосыф,

¹⁵Харим нәселендә — Әднә, Мәрают нәселендә — Хелкай,

¹⁶Идду нәселендә — Зәкәрия, Гиннетон нәселендә — Мешуллам,

¹⁷Абия нәселендә — Зихри, Миньямин нәселендә бер ыругбашы, Магадия нәселендә — Пилтай,

¹⁸Билгәй нәселендә — Шаммуа, Шәмәгыйя нәселендә — Йонатан,

¹⁹Йояриб нәселендә — Маттынай, Едагыйя нәселендә — Уззи,

²⁰Саллай нәселендә — Каллай, Амук нәселендә — Гыйбер,

²¹Хилкыйя нәселендә — Хәшәбия, Едагыйя нәселендә — Нетанел.

²²Левиләрнең нәселбашлары — Эльяшиб, Йояда, Йоханан вә Яддуга заманында, ә руханилар Фарсы патшасы Дәрәвеш заманында исемлеккә теркәлгәннәр.

²³Леви ыругындагы нәселбашларының исемнәре Эльяшиб углы Йоханан яшәгән көннәргә кадәр теркәлеп барылган.

²⁴Левиләрнең башлыклары: Хәшәбия, Шәрәбия, Кадмиел углы Ешуа һәм аларның хезмәттәшләре. Аллаһы кешесе Давыт фәрманы буенча, җырчылар, ике төркемгә бүленеп, чиратлашып Аллаһыга мактау яудырырга һәм шөкер кылырга тиеш иде.

²⁵Маттания, Баквукыйя, Убадия, Мешуллам, Талмун вә Гаккуб капка янындагы келәтләр өчен җаваплы булды.

²⁶Бу адәмнәр үз вазифаларын Йосадактан туган Ешуа углы Йоякыйм, шулай ук өлкә башлыгы Нәхәмия һәм кәтип рухани Эзра заманында башкардылар.

²⁷Иерусалим диварын Аллаһыга багышлау йоласында катнашыр өчен, яшәгән төбәкләреннән барлык левиләр чакырылды. Шатлыклы тантанада алар, җиз тәлинкәләрдә, лираларда вә гөсләләрдә уйнап, шөкрана мәдхияләре башкарырга тиеш иде.

²⁸Җырчылар шулай ук Иерусалимнең әйләнә-тирәсеннән, нетофалылар яшәгән авыллардан,

²⁹Бәйт-Гилгәл, Геба вә Азмавет кырларыннан килде (алар үзләренә йортларны Иерусалим тирәсендә салды).

³⁰Руханилар белән левиләр, йола кушканча пакьләнгәннән соң, халыкны, капкаларны вә диварны да пакьләделәр.

³¹Шунда мин, Яһүдәнең нәсел башлыкларын дивар янына китереп, Раббыга рәхмәтләр яудырыр өчен, җырчыларны ике төркемгә бүлдем. Төркемнең берсе дивар буйлап уң якка, Тирес капкасына таба атлады.

³²Аның артыннан Һошагыйя вә Яһүдәдәге нәсел башлыкларының бер яртысы,

³³Азария, Эзра, Мешуллам,

³⁴Яһүдә, Беньямин, Шәмәгыйя, Иремия,

³⁵быргыда уйнаучы берничә яшь рухани, Зәкәрия (Зәкәрия — Йонатан углы, Йонатан — Шәмәгыйя, Шәмәгыйя — Маттания, Маттания — Микәя, Микәя — Зәкүр, Зәкүр — Асаф углы иде)

³⁶һәм аның хезмәттәшләре Шәмәгыйя, Азарел, Милалай, Гилалай, Магай, Нетанел, Яһүдә, Ханани барды. Аларның кулында Аллаһы кешесе Давытның уен кораллары иде. Иң алдан кәтип Эзра атлады.

³⁷Чишмә капкасына җиткәч, алар Давыт шәһәренең баскычлары буйлап туп-туры югарыга, диварга күтәрелделәр һәм Давыт йорты яныннан ары таба, көнчыгыш тарафтагы Су капкасына юнәлделәр.

³⁸Җырчыларның икенче төркеме дивар буйлап сул якка китте. Аның артыннан халыкның яртысы белән мин үзем киттем. Мич манарасыннан Киң диварга кадәр атладык,

³⁹Эфраим капкасы, Иске капка, Балык капкасы, Хананел манарасы, Меа манарасы, Сарык капкасы яныннан үтеп, Сакчылар капкасы турысында туктадык.

⁴⁰Аннары җырчыларның ике төркеме дә, Аллаһы йортына җитеп, тезелеп басты. Мин анда нәсел башлыкларының бер яртысы,

⁴¹быргы кычкырткан руханилар Эльякыйм, Магасея, Миньямин, Микәя, Элиогынай, Зәкәрия, Ханания,

⁴²шулай ук Магасея, Шәмәгыйя, Элгазар, Уззи, Еһоханан, Малкия, Элам вә Эзер белән бергә басып тордым. Израхия җитәкчелегендәге җырчылар кычкырып-кычкырып җырлады.

⁴³Ул көнне зур корбаннар китерделәр һәм күңел ачтылар, чөнки Аллаһы аларга бөек шатлык бүләк итте. Хатыннар вә бала-чага рәхәтләнеп күңел ачты. Иерусалимдәге шатлык авазлары әллә кайларга кадәр ишетелеп торды.

⁴⁴Аллаһы йортына китерелгән бүләкләр, беренче җимешләр һәм уңышның уннан бер өлеше саклана торган келәтләр өчен ул көнне җаваплы кешеләр билгеләнде. Канунда әйтелгәнчә, әлеге кешеләр, руханилар вә левиләргә тәгаенләнгән өлешне шәһәр янындагы кырлардан җыеп алып, шул келәтләргә тупларга тиеш булдылар, чөнки рухани вә левиләрнең Аллаһыга хезмәт итүен күреп тору яһүдиләргә рәхәт иде.

⁴⁵Алар үзләренең Аллаларына хезмәт иттеләр һәм пакьләндерү йоласын башкардылар. Давыт һәм аның углы Сөләйман кушканча, җырчылар вә капка сакчылары да үз хезмәтен башкарды.

⁴⁶Чөнки бик күптәннән, Давыт һәм Асаф заманыннан ук, җырчыларның җитәкчеләре, шулай ук Аллаһыга мактаулар яудыра һәм шөкрана кыла торган җырлар билгеләп куелган иде.

⁴⁷Зеруббабел вә Нәхәмия заманында барлык исраилиләр җырчыларга вә капка сакчыларына көндәлек өлешләрен биреп бардылар; алар шулай ук левиләргә дә тиешле өлешне бирделәр, ә левиләр үз чиратында Һарун токымына өлеш чыгардылар.