Read Изге Язма, 2015 Зәбур 111 Bible Online

Зәбур 111 - Изге Язма, 2015 bible

Зәбур 111

¹Раббыны данлагыз! Раббыдан куркып, Аны хөрмәт иткән кеше бәхетледер! Раббының боерыклары аның күңел түрендә.

²Аның нәселе илдә көч-куәт казаныр — саф күңеллеләр токымы мөбарәк фатихалы булыр.

³Өендә аның муллык, җитешлек хөкем сөрер, гомер бакый тәкъва булып калыр ул.

⁴Күңеле саф кеше өчен караңгыда нур балкыр, чөнки Раббы — хаклык ияседер, Ул кызганучан вә рәхимле.

⁵Жәлләми бурычка бирүче үз гамәленең рәхәтен күрер, аның һәр эшендә гаделлек ярылып ятар.

⁶Һичбер вакыт какшамас ул; гомер бакый хәтердә калыр тәкъва кеше.

⁷Начар хәбәр аны өркетмәс, чөнки Раббыга ышаныч баглаган йөрәге ныктыр аның.

⁸Әйе, йөрәге нык — курыкмас ул бернидән дә, дошманына өстән торып карар.

⁹Юксылларга малыннан мул өлеш чыгарыр, тәкъвалыгы аның мәңгелек булыр, данга күмелеп башын югары чөяр ул [119].

¹⁰Моны күреп, яман бәндә зәһәрен чәчәр, тешләрен шыкырдатыр, ачудан корып кибәр. Яманнарның өмете әнә шулай бушка чыгар.