Read Изге Язма, 2015 Зәбур 82 Bible Online

Зәбур 82 - Изге Язма, 2015 bible

Зәбур 82

¹Асафның җыр-мәдхиясе.

²И Аллаһы, дәшмичә сүзсез торма! Битараф булма, и Аллаһы!

³Чөнки әнә дошманнарың дау куптара, Сиңа нәфрәтлеләр баш калкыта.

⁴Халкыңа каршы мәкер коралар, газизләреңә каршы киңәшмә җыялар.

⁵Такылдыйлар: «Тупланыйк! Аларны халыклар исемлегеннән алып ташлыйк! Исраил исеме мәңгегә онытылсын», — диләр.

⁶Алар шулай үзара сүз беркетеп, Сиңа каршы берлек оештырганнар:

⁷болар — эдомиләр, исмәгыйлиләр, мәабиләр, һаҗәриләр,

⁸аммониләр, амалыкыйлар, пелештиләр һәм дә Гәбал белән Сур халкы.

⁹Ашшур халкы да аларга кушылган, Лутның нәсел варисларына [74] куәт өстәгән.

¹⁰Боларга Син Мидьян халкына [75] һәм Кыйшон инеше янында Сисера белән Ябингә [76] эшләгәнне эшлә:

¹¹Син аларны, Эн-Дор каласы янында кырып салып, туфрактагы тирес кебек иттең.

¹² 12-13 Ореб белән Зиебка, Зебах белән Салмунга нәрсәләр кылган булсаң, бу илбашларына да шуны ук кыл, чөнки алар: «Аллаһының утлауларын үзебезгә алыйк!» — дип әйткән булганнар.

¹⁴И Аллаһы, Син аларны өермә эчендәге тузанны, җил уңаена очкан саламны очырткандай туздырып ташла!

¹⁵Урманнарны көлгә әйләндергән ут кебек, тау битләрен көйдергән ялкын кебек,

¹⁶давылың белән сыпырып ташла, җил-өермәң белән өннәрен ал!

¹⁷Йөзләрен хурлык тамгасы белән каралт! — Сине, Раббы, эзли башласыннар!

¹⁸Мәңге шулай хурлык, дәһшәт эчендә калсыннар, рисвай булып юкка чыксыннар.

¹⁹Җир йөзендә Синең бердәнбер Аллаһы Тәгалә, исемең Раббы икәнен төшенсеннәр!