Read Изге Язма, 2015 Иремия 45 Bible Online

Иремия 45 - Изге Язма, 2015 bible

Иремия 45

¹Яһүдә патшасы Йошия углы Яһоякыйм хакимлегенең дүртенче елында Иремия пәйгамбәр әйткән сүзләрне Нерия углы Барух төргәкле китапка язып бетергәннән соң, Иремия аңа әйтте:

²— Раббы, Исраил Алласы, сиңа болай ди, Барух:

³«Син: „Аһ! Раббы минем газапларыма кайгы өстәде; Мин ыңгырашып арыдым, тынычлык таба алмыйм“, — дисең».

⁴Шуңа күрә Раббы сиңа болай дип әйтергә боера: «Менә, Үзем төзегәнне Мин Үзем җимерермен, утыртканымны йолкып алырмын, һәм бөтен җирдә шулай булыр!

⁵Син үзеңә күпне сорыйсың. Сорама! Чөнки һәр җан иясен Мин бәла-казага дучар итәрмен, — дип белдерә Раббы, — әмма син кай тарафка юнәлсәң дә, синең җаныңны саклап калырмын».