Read Изге Язма, 2015 Маттай 1 Bible Online

Маттай 1 - Изге Язма, 2015 bible

Маттай 1

¹Ибраһим һәм Давыт токымыннан булган Гайсә Мәсихнең нәсел шәҗәрәсе.

²Ибраһим — Исхакның, Исхак — Ягъкубның, Ягъкуб — Яһүдәнең һәм аның агай-энеләренең әтисе,

³Яһүдә — Тамардан туган Перес һәм Зерахның әтисе, Перес — Хесронның, Хесрон — Рамның,

⁴Рам — Амминадабның, Амминадаб — Нахшонның, Нахшон — Салмонның,

⁵Салмон — Рәхәбтән туган Богазның, Богаз — Руттан туган Обиднең, Обид — Ишайның,

⁶Ишай Давыт патшаның әтисе иде. Давыт — Уриянең хатыныннан туган Сөләйманның,

⁷Сөләйман — Рехабгамның, Рехабгам — Абиянең, Абия — Асаның,

⁸Аса — Еһошафатның, Еһошафат — Йорамның, Йорам — Уззиянең,

⁹Уззия — Иотамның, Иотам — Әхәзнең, Әхәз — Хизәкыйянең,

¹⁰Хизәкыйя — Менашшеның, Менашше — Амонның, Амон Йошиянең әтисе иде.

¹¹Исраил халкы көчләп Бабилгә күчерелү дәверендә Йошиянең углы Якөнья һәм аның агай-энеләре туды.

¹²Бабилгә көчләп күчерелгәннән соң, Якөньянең углы Шеһалтиел туды. Шеһалтиел — Зеруббабелның,

¹³Зеруббабел — Абиһудның, Абиһуд — Эльякыймның, Эльякыйм — Аззурның,

¹⁴Аззур — Садыйкның, Садыйк — Ахимнең, Ахим — Элиудның,

¹⁵Элиуд — Элгазарның, Элгазар — Маттанның, Маттан — Ягъкубның,

¹⁶Ягъкуб Мәрьямнең ире Йосыфның әтисе иде. Мәрьямнән Мәсих дип аталган Гайсә туды.

¹⁷Ибраһимнан Давытка кадәр барлыгы ундүрт буын, Давыттан алып Бабилгә көчләп күчерелгән вакытка кадәр ундүрт буын һәм Бабилгә күчерелеп, Мәсих туганга кадәр ундүрт буын булды.

¹⁸Гайсә Мәсихнең тууы менә болай булган: анасы Мәрьям Йосыф белән ярәшелгән булган, әмма алар никахлашканчы, Мәрьямнең Изге Рухтан балага узганы ачыкланган.

¹⁹Ире Йосыф исә тәкъва кеше буларак, Мәрьямне оятка калдырмас өчен, ярәшүне яшертен генә өзәргә ниятләгән.

²⁰Әмма ул бу турыда уйлап йөргәндә, төшендә аның янына Раббыфәрештәсе килеп: — Давыт нәселеннән булган Йосыф! Мәрьямне хатын итеп алырга курыкма. Карынында йөрткән баласы Изге Рухтан.

²¹Ул ир бала тудырачак. Син Аңа Гайсә [1] дип исем кушарсың, чөнки Ул Үз халкын гөнаһлардан коткарачак! — диде.

²²Болар барысы да Раббының пәйгамбәр аша:

²³«Менә, гыйффәтле кыз, авырга калып, угыл табачак. Аңа Иммануил дип исем кушарлар» [2], — дигән сүзләре гамәлгә ашсын өчен булды. Иммануил — «Аллаһы безнең белән» дигәнне аңлата.

²⁴Йосыф йокысыннан уянгач, Раббының фәрештәсе нәрсә кушкан булса, шуны эшләде: ул Мәрьямгә өйләнде.

²⁵Әмма Мәрьям Углын тудырганчы, Йосыф аңа якынаймады. Балага ул Гайсә дип исем кушты.