Read Изге Язма, 2015 Гәләтиялеләргә хат 1 Bible Online

Гәләтиялеләргә хат 1 - Изге Язма, 2015 bible

Гәләтиялеләргә хат 1

¹Кешеләр тарафыннан да, кеше аша да түгел, Гайсә Мәсих һәм Аны үледән терелткән АтаАллаһы тарафыннан рәсүл итеп сайланган Паулдан

²һәм минем белән бергә булган барлык имандашлардан Гәләтиядәге иман итүчеләрбердәмлекләренә сәлам.

³Сезгә Атабыз Аллаһыдан вә Хакимебез Гайсә Мәсихтән мәрхәмәт һәм иминлек булсын.

⁴Безне хәзерге начар заманнан коткарам дип, Атабыз Аллаһы ихтыяры белән гөнаһларыбыз өчен Мәсих Үзен корбан итте.

⁵Аллаһыга мәңге-мәңгегә дан! Амин.

⁶Мәсихнең мәрхәмәте белән сезне Чакыручыны ташлап, шулай бик тиз икенче бер «Яхшы хәбәргә» күчүегезгә хәйран калам.

⁷Хәер, башка Яхшы хәбәр юк, кайбер кешеләр сезне бутап, Мәсих турындагы Яхшы хәбәрне бозарга гына телиләр.

⁸Әмма элегрәк үзебез сезгә белдергән Яхшы хәбәргә каршыны без үзебез яки күктән килгән фәрештә игълан итә башласа, аңа ләгънәт төшсен!

⁹Без моны элек тә әйткән идек, хәзер яңадан әйтәм: кемдер сез кабул иткән Яхшы хәбәргә каршыны игълан итсә, аңа ләгънәт төшсен.

¹⁰Хәзер хуплауны кешеләрдән яки Аллаһыдан эзлимме әллә? Әллә кешеләргә ярарга тырышаммы? Мин әле дә кешеләргә ярарга тырышсам, Мәсих колы булмас идем.

¹¹Имандашлар, сезнең шуны белүегезне телим: мин сөйләгән Яхшы хәбәр кеше уйдырмасы түгел,

¹²чөнки мин аны кешеләрдән кабул да итмәдем һәм алардан өйрәнмәдем дә, миңа аны Гайсә Мәсих ачып бирде.

¹³Сез яһүдиләр динен тотуым, элекке яшәү рәвешем хакында ишеттегез инде. Ул чакта мин Аллаһы бердәмлеген аяусыз эзәрлекләдем һәм җимереп бетерергә тырыштым,

¹⁴ата-бабаларыбыздан килгән тәгълиматларга нык итеп бирелеп, яһүдиләр динендә үз халкым арасында күп кенә яшьтәшләремнән алга чыктым.

¹⁵ 15-16 Әмма мине анам карынында чакта ук сайлап алып, Үзенең мәрхәмәте белән чакырган Аллаһы исә, яһүди булмаганнар арасында Үзенең Углы турындагы Яхшы хәбәрне вәгазьләү өчен, Углын миңа күрсәтүне кулай дип тапты. Мин шунда ук, бер кеше белән дә киңәшләшмичә

¹⁷һәм миңа кадәр рәсүл булганнар янына Иерусалимгә дә бармыйча, Гарәпләр җиренә киттем, аннан соң Дәмәшкъкә кайттым.

¹⁸Өч ел үткәч, мин, Кифас [1] белән танышу өчен, Иерусалимгә бардым да унбиш көнләп аның янында булдым.

¹⁹Хакимебез Гайсәнең энесе Ягъкубтан башка һичбер рәсүлне күрмәдем.

²⁰Аллаһы алдында ант итеп әйтәм: сезгә язганнарым ялган түгел.

²¹Шуннан соң Сүрия һәм Киликия җирләренә киттем.

²²Яһүдиядәге Мәсих бердәмлекләре исә мине күреп белмиләр иде.

²³Алар, кайчандыр үзләрен эзәрлекләгән кеше хәзер элек үзе юк итәргә тырышкан иманны ук вәгазьли икән, дип кенә ишеткәннәр дә

²⁴минем хакка Аллаһыны данлаганнар.