Read Изге Язма, 2015 Ешуа 12 Bible Online

Ешуа 12 - Изге Язма, 2015 bible

Ешуа 12

¹Исраилиләр Үрдүннән көнчыгыштагы җирләрнең патшаларын, ягъни Арнон үзәненнән Хәрмун-тауга кадәр (Үрдүн үзәненең көнчыгыш өлешен кертеп) булган җирләрнең патшаларын тар-мар иттеләр һәм шул җирләрне үзләренә тартып алдылар. Әлеге патшалар түбәндәгеләр.

²Беренчесе — Хишбун каласында яшәгән амори патшасы Сихон. Аның патшалыгы Арнон үзәне читендәге Арогыр каласыннан башланып, Арнон үзәненең урта бер җиреннән Яббок елгасына (әлеге елга аммониләр белән ике арада чик сызыгы булып тора) кадәр сузылган иде, бу — Гилыгад төбәгенең көньяк тарафтагы өлешен тәшкил итә иде.

³Сихон шулай ук Араба үзәненең көнчыгыш өлеше — Киннерет күленнән Тозлы диңгезгә, көнчыгышка таба Бәйт-Ешимот шәһәренә һәм көньякта Фесгә-тау битләвенә кадәр сузылган җирләр белән идарә итә иде.

⁴Икенчесе — Башан патшасы Ог. Ул — соңгы рефаимнәрнең берсе, аның башкалалары Аштарот белән Эдрегый иде.

⁵Аның патшалыгына Хәрмун тау, Салха каласы, гәшүриләр вә мәгакәһиләр чигенә кадәр бөтен Башан өлкәсе һәм Хишбун патшасы Сихон биләмәсенә кадәр сузылган җирләр керә иде.

⁶Раббы колы Муса һәм исраилиләр әлеге патшаларны тар-мар иттеләр. Муса аларның җирләрен Рубин, Гәд һәм Менашше ыругының бер яртысына биләмәгә бирде.

⁷ 7-8 Ешуа һәм исраилиләр Үрдүннән көнчыгыштагы патшаларны — Ливан үзәнендәге Багал-Гәд шәһәреннән башлап, Сәгыйрь төбәге янындагы Халак тавына кадәр сузылган җирләрнең патшаларын тар-мар китерделәр. (Ешуа хитти, амори, кәнгани, фәризи, хивви һәм явүсиләр яшәгән таулы-калкулыклы урыннарны, тау итәге Шефеланы, көнбатыштагы тау итәкләрен, сахраны һәм Нәгеб чүлен Исраил ыругларына биләмәгә бүлеп бирде.) Әлеге патшалар шушылардыр:

⁹Әрихә патшасы, Бәйт-Эл янындагы Гай патшасы,

¹⁰Иерусалим патшасы, Хебрун патшасы,

¹¹Ярмут патшасы, Лахиш патшасы,

¹²Эглон патшасы, Газер патшасы,

¹³Дебир патшасы, Гедер патшасы,

¹⁴Хорма патшасы, Арад патшасы,

¹⁵Либна патшасы, Адуллам патшасы,

¹⁶Маккеда патшасы, Бәйт-Эл патшасы,

¹⁷Таппуах патшасы, Хепер патшасы,

¹⁸Афык патшасы, Шарон патшасы,

¹⁹Мадон патшасы, Хатсор патшасы,

²⁰Шимрон-Мерон патшасы, Ахшаф патшасы,

²¹Таганах патшасы, Мегиддо патшасы,

²²Кыдыш патшасы, Кәрмил тавы янындагы Йокнегам патшасы,

²³Нафат-Дордагы [17] Дор патшасы, Гәлиләядәге [18] Гоим патшасы,

²⁴Тирса патшасы. Барлыгы утыз бер патша.