Read tetala Etatelu 14 Bible Online

Etatelu 14 - tetala bible

Etatelu 14

¹Lu nshi yaki Amerafele, khumʼekanga ka Shinare, Arayoka, khumʼekanga ka Elasara, Kedorolaomera, khumʼekanga ka Elama, ndu Tidala, khumʼekanga ka Ngoyima,

²khumi ya dikanga sho wakalo ta la Bera, khumʼekanga ka Sodoma Birisha, khumʼekanga ka Ngomora, Shinabe, khumʼekanga ka Adema, Shemebere, khumʼekanga ka Zeboyima, khumʼekanga ka Bela (ketawo vati. Zoara).

³Khumi ya dikanga yufundami lʼokongo nye, yakamote vo tshe kame lʼukidi wa Sidime (ketawo vati: Uduwa a Leho).

⁴Vo waki lʼokongo wa Kedorolaomera deku dikumi la pendi, ku lʼeleku ka dikumi lʼasatu wakatatela mbuhedia.

⁵Keli lʼeleku ka dikumi lʼanei, Kedorolaomera la khumi ya dikanga yaki kame la ndi wakayi. Vo wakayolembia asi Refa lu kete ya Ashetarota-Karanayima, la asi Zuzima lu kete ya Elama, ndu asi Emime lu kete ya Shave-Kiriyatayima,

⁶ndu asi Hori lʼukungu awo wa Seire pulu ndu lʼutamba wʼulungu wa Parana, weli lasuki lʼusui wa shenga.

⁷Ku vo wakakalula, wakayi la Ene-Mishipate (ketawo vati: Kadeshe). Vo wakalembia asi Amaleka lu kete yawo tshe, ndu asi Amora wakadjashi la Hazazona-Tamara.

⁸Khumʼekanga ka Sodoma, la ka Ngomora, la ka Adema, la ka Zeboyima ndu ka Bela (ketawo vati: Zoara), wakunela, wakayalonge lʼenongo dia ndo la wo ta lʼukidi wa Sidime.

⁹Ku vo wakalo ta la Kedorolaomera, khumʼekanga ka Elama, Tidala, khumʼekanga ka Ngoyima, Amerafele, khumʼekanga ka Shinare, Arayoka, khumʼekanga kʼElasara. Khumi ya dikanga nyei mbakalo la khumi ya dikanga tshanu.

¹⁰Afuku wa nombe efula waki lʼukidi wa Sidime. Ku lamʼak: lawo khumʼekanga ka Sodoma la khumʼekanga ka Ngomora, vo wakatutambela loko, ku akina wakalawo utsha lʼukungu.

¹¹Wane wakalembia wakose ekundji la mbu ya nde tshe yʼasi Sodoma la Ngomora, wakatshu la yo.

¹²Vo wakatandji ndu Lota, onʼa onangu Abarama, lakadjashi la Sodoma. Vo wakatshu la ndi ndu la diango diandi tshe.

¹³Usi Amora omotshi lakahandi uma lu ta akayutela Abarama, usi Heberu, lukumu lako. Abarama akadjashi lʼatshina wʼetamba wʼelungu wa Mamare. Mamare ako aki onangu Eshikole la Anera, wane wakakote la Abarama lusalu.

¹⁴Lamʼakuki Abarama ati: Wakandi onʼa onangu, ndi akasanganya apami a wulu uma lʼatei wʼana wʼekambi andi. Ku vo wakayelana la wo edja ndu la Dane. Waku wakatshu la ndi waki antu kama shatu la dikumi la enanei.

¹⁵Ndi akakahanya ului andi wʼalimbi, ne dia mbalosha lʼutshu. Ndi akalo la wo, akawatshanya edja ndu la Hoba, lu leke la ngelʼa kushi la Damaseke.

¹⁶Ndi akayi la ekundjitshe wakawahotola, ndu la Lota, onʼa onangu, la diango diandi tshe, ndu antu tshe, apami la amantu.

¹⁷Abarama akalembia Kedorolaomera la khumi ya dikanga yaki kame la ndi. Ku lamʼakandayakalulaka, khumʼekanga ka Sodoma akayuhumana la ndi lʼukidi wa Shave (wetawo vati: Ukidi wa Khumʼekanga).

¹⁸Melekizedeke, khumʼekanga ka Salema ndu olombedi a Unyashungu, KhumʼUlungu, akela Abarama ma la wanu.

¹⁹Ndi akatshokola Abarama, ukambi a Unyashungu, KhumʼUlungu; akawutela ati: Kanga ulungu la kete akotshokole.

²⁰Unyashungu, KhumʼUlungu, lakakimo atunyi aye lu anya aye, atumbwami! Ku Abarama akawusha etenyi ka dikumi ka uma lu diango tshe.[39]

²¹Ku khumʼekanga ka Sodoma akatela Abarama ati: Umbisha antu, keli we utshikali la ekundji.

²²Ku Abarama akakaluya khumʼekanga ka Sodoma diui ati: Dimi lambutshiba le Latuyalaka Unyashungu, KhumʼUlungu, kanga ulungu la kete, nti:

²³Dimi halose nduku yango yaye, kuyanga tshinyi ya mwanda kana yʼokodi a lusabata; we utukuta wati: Dimi kakangonya Abarama.

²⁴Halangi nduku engo dime, tshikima ma diakali elongo wʼapami tu. Keli le wane wakatatshokaka la mi, Anera, Eshikole, la Mamare, vo wose etenyi kawo.