Read tetala Etatelu 21 Bible Online

Etatelu 21 - tetala bible

Etatelu 21

¹Latuyalaka akuho diui diakandatela Sara. Okone ndi akashidiya daka diakandulaki.

²Sara akatshu diemi,[58] akutela Abarahama ona pami lu nshi yandi yʼusumbi, lʼetena kakulaki Unyashungu lamʼakandasawulaka la ndi.

³Abarahama akole ona pami lakanduti la Sara ati: Isaka.

⁴Lamʼakayala Isaka nshi enanei, Abarahama akawahemia uhekeli[59] uku akawudjangela Unyashungu.

⁵Abarahama aki la deku lukama lamʼakanduti Isaka.

⁶Sara akati ntu ati: Unyashungu ambombodia. Okone untu tshe layuka dikambu ne ayola kame la mi.

⁷Na untu uteya mvutela Abarahama ati: Sara ukolomia ona? Ku kakiane lambuwutela ona pami lu nshi yandi yʼusumbi.

⁸Onʼawo Isaka akuli, akakili awele. Ku lushi lakandakili awele, Abarahama akakati dambu dia wuki.

⁹Sara akenyi ona lakuti Hangara, usi Edjibitu, la Abarahama awola.

¹⁰Ku ndi akatela Abarahama ati: Utshanya ukambi aye a umuntu one kame la onʼandi. Ona one atukuyala ukito kame la onʼami Isaka.[60]

¹¹Diui so dia Abarahama nkimo onʼandi Ishamele diakawusha lunyangu la wulu lʼutema andi.

¹²Keli Unyashungu akatela Abarahama ati: Tunyangaki dikambu dia onʼayc Ishamele, kana dia ukambi aya a umuntu. Etawo tshe kakakutedi Sara, ne dia uma le Isaka kayutumba tukanula taye ta mete, mete.[61]

¹³Dimi layete ndu ona ukambi aye a umuntu wudja a wuki, ne dia ndu ndi keli onʼaye.

¹⁴Okone Abarahama aketo la kesekese, akela Hangara ma la uhundi wʼashi, akawahewo lu diheka. Ndi akawusha ndu ona, akawunyiya. Hangara akunela, akatekekoka lʼusui wa shenga wa la Bere-Sheba.

¹⁵Ashi waki lʼuhundi wakashili. Ku ndi akatshiki ona lu dedi dia tshambatamba motshi.

¹⁶Ndi akatudjase elanedi la ndi tshalula yukuki untu mbuka luhitu; ne dia ndi akati ati: Dimi halangi mena lamʼavo ona. Ku kamʼakandadjashi elanedi la ona, ona akatundo la delu, akaleli.

¹⁷Unyashungu akuki diui dia ona. Ku ondjelo a Unyashungu aketi Hangara uma lʼulungu, akawumbula ati: Hangara, kanyangaye na? Tukaki woma, ne dia Unyashungu akuki diui dia ona lu dihuli diendi.

¹⁸Emala, unyiya ona, ukimeli lu lunya, ne dia dimi layuwete wudja a wuki.

¹⁹Unyashungu akudihula ashu, ku ndi akenyi eteko kʼashi, akaludia uhundi too, akanosha ona ashi.

²⁰Lamʼakatulaka ona, Unyashungu aki kame la ndi. Ndi akatudjase lʼusui wa shenga, akatuyala minginga kʼuta.

²¹Ndi akatudjase lʼusui wa shenga wa Parana. Ku nyangu akatuwosela wadi uma lu kete ya Edjibitu.

²²Lu etena kakatengolaka Abimeleke[62] la Fikole, olombodi a limba landi lʼalimbi, ndi akayutela Abarahama ati: Unyashungu eli la ye lu akambu tshe watuyutshaka.

²³Untshibeli lu lukumbu la Unyashungu wati: Dimi hankukesaki, we, ndu anʼaye ndu ekana aye. Uku akamakutshelaka la memakana, okone mbayuyuntshelaka dimi la kete yudjashiye.

²⁴Abarahama akati ati: Osoku mbayangami nkutshibela.

²⁵Ku Abarahama akenya Abimeleke munga kʼekambi andi kakawohotola eteko kʼashi la wulu.

²⁶Abimeleke akûkaluya diui ati: Dimi haleyi untu lakatshi dikambu diako. Ndu we kumvuielami, tshikima elo kambumudiuka.

²⁷Okone Abarahama akandi ekoko la ngombe, akasha Abimeleke, ku vo ahendi wakakotsha lusalu.

²⁸Abarahama akose esongo wʼekoko esambeli, akekitsha amʼakina.

²⁹Ku Abimeleke akawumbula ati: Ukundi ambuyukitsha esongo wʼekoko esambeli amʼakina na?

³⁰Abarahama akûkaluya diui ati: Etawo nungula esongo wʼekoko esambeli ene uma lu anya ami. Dikambu ne diayali omenyi ami ati: Dimi lakatshimi eteko kako.

³¹Uma lu dikambu so mbakandole dihuli diako ati: Bere-Sheba, ne dia laawo kakawatshibanela.

³²Osoku mbakawalakana la Bere-Sheba. Abimeleke akunela, ndi la Fikole, olombodi a limba landi lʼalimbi, ku vo wakakalula utsha lu kete ya Filistiya.

³³Abarahama akune uvungu la Bere-Sheba. Laawo kandatemolaka lukumbu la Latuyalaka, Unyashungu a pundju.

³⁴Ku Abarahama akadjase nshi kambi lu kete yʼasi Filistiya.