Read tetala Etatelu 22 Bible Online

Etatelu 22 - tetala bible

Etatelu 22

¹Lʼokongo wʼakambu aso, Unyashungu akahimbi Abarahama, akaweti ati: Abarahama! Ku ndi aketawo ati: Dimʼone.

²Unyashungu akawutela ati: Ose etoi kaye kʼona, Isaka, lalekaye mbuka ngandji. Uneli, utshu la ndi lu kete ya Moriya. Kutulambuli ulambu wa lutshumba lʼukungu omotshi wayumutukenya.

³Ku Abarahama aketo kʼolomo la pindju, akakeleka edie ladiku dia punda kandi. Ndi akatshu, ndi la ekambi andi ehendi kame la Isaka. Ndi akati kunyi ya ntushumba ulambu. Ku ndi akatshu utsha lu dihuli diakawutela Unyashungu.

⁴Lushi la satu la Iokendo, Abarahama akedia ashu, akenyi dihuli diako uma lʼetali.

⁵Ku Abarahama akatela ekambi andi ati: Nyutshikali la punda lane. Dimi la ona tayutsho pulu leku dia ntotemola Unyashungu, ku tayukalula le nyu.

⁶Ku Abarahama akose kunyi ya ntshumba ulambu, akayembia onʼandi Isaka. Ndi akose ndu efuki ka dja la lukuwa. Ku vo ahendi wakunela, wakatatshokaka kame.

⁷Isaka aketi Abarahama ati: Papa! Ku shi aketawo ati: Dimʼone, onʼami. Isaka akawumbula ati: Enda, efuki ka dja la kunyi nye, ku lendʼeli osongo wʼokoko wa ntshumba?

⁸Abarahama akûkaluya diui ati: Tutshiki dikambu so lu anya a Unyashungu. Ndame ayukutsha okoko wukuki ntshumbama lu ediakelu. Ku vo ahendi wakatatshokaka kame.

⁹Lamʼakakumi Abarahama la onʼandi Isaka lu dihuli diakawutela Unyashungu, ndi akatshi ediakelu laawo. Ndi akahatanya kunyi, ku ndi akakeleka onʼandi Isaka, akawetamia ladiku dia kunyi ya lʼediakelu.[63]

¹⁰Abarahama akasimbula lunya, akose lukuwa dia ndjaka onʼandi.

¹¹Ku ondjelo wa latuyalaka akaweti uma lʼulungu ati: Abarahama! Abarahama! Ku ndi aketawo ati: Dimʼone.

¹²Ondjelo akawutela ati Tukumiaki lunya laye le ona. Ndu tutshelaki nduku dikambu. Dimi lambeya kakiane nti: We mbukaka Unyashungu woma, ne dia we konseka dia mbishami etoi kaye kʼona.

¹³Abarahama akedia ashu, enyi ku okoko wʼumi one wudingami ekodi lu seki lu hyuka. Abarahama akatuwosa, akulambula ulambu a lutshumba lu dihuli dia on andi.[64]

¹⁴Abarahama akole dinuli so ati: Jehowa-Jire (kitshimudi ati: Latuyalaka ayukutsha). Uma lu dikambu diako mbatuwutaka edja ndu elo vati: Dikambu tshe mbeyaka nkutshama lʼukungu wa Latuyalaka.

¹⁵Ku ondjelo a Latuyalaka aketi Abarahama uma lʼuiunnu etena ka hendi;

¹⁶akawutela iti: Latuyalaka ambuyatshiba ati: Ne dia we ambutsha dikambu ne, ndu we kuntuna nkimo etoi kaye kʼona, dimi layukotshokola.

¹⁷Mete, dimi layukotshokola, ndu layufudia tukanula taye[65] uku toto ta lʼulungu ndu uku efula ka seke ya lokongo, yatuyalaka lʼumamu wʼashi.[66] Tukanula taye wayukita asuku wʼatunyi awo.

¹⁸Wedja tshe wa la kete wayotshokwama uma lu dikambu dia tukanula taye,[67] ne dia we akakitanyia diui diami.

¹⁹Ku Abarahama akakalula le ekambi andi. Vo wakunela, wakatshu kame utsha la Bere-Sheba. Abarahama akadjase la Bere-Sheba.

²⁰Lʼokongo wʼakambu aso, wakayutela Abarahama vati: Ndu Milika akutela onanyo Nahora ana ane:

²¹lʼenundu Uze, ndi la Buza onangu, la Kemuele, shi Arama,

²²Kesede, Hazo, Pelidashe, Jidilafe, ndu Betuele.

²³Betuele, akuti Rebeka Ana apami enanei ane mbakuti Milika la Nahora, onangu Abarahama.

²⁴Ndu Reuma, useka wa Nahora, akuti la ndi Teba, Ngahama, Tahasha la Maka.