Read tetala Etatelu 5 Bible Online

Etatelu 5 - tetala bible

Etatelu 5

¹Mukanda a diuhu dia Adama one. Lamʼakatungi Unyashungu untu, ndi akûtungi lu efanelu kandi.

²Ndi akatungi pami la umuntu,[19] akatshokola.[20] Lushi lakandatungi, ndi akawaole lukumbu ati: Untu.

³Lamʼakayala Adama la deku lukama la akumi asatu, ndi akuti ona pami lakafanyi la ndi; akawole lukumbu ati: Seta.

⁴Ku Adama akalumbi deku kama enanei lʼokongo wa eutwelu ka Seta. La ndi akuti ana apami la ana amantu.

⁵Nshi ya lumu tshe ya Adama yaki deku kama divwa la akumi asatu, ku ndi akavu.

⁶Lamʼakayala Seta la deku lukama la tanu, ndi akuti Enosha.

⁷Seta akalumbi deku kama enanei la esambeli lʼokongo wa eutwelu ka Enosha. Ndi akuti ana apami la ana amantu.

⁸Nshi ya lumu tshe ya Seta yaki deku kama divwa dikumi la pendi, ku ndi akavu.

⁹Lamʼakayala Enosha la deku akumi divwa, ndi akuti Kenana.

¹⁰Enosha akalumbi deku kama enanei dikumi la tanu lʼokongo wʼeutwelu ka Kenana. Ndi akuti ana apami la ana amantu.

¹¹Nshi ya lumu tshe ya Enosha yaki deku kama divwa la tanu, ku ndi akavu.

¹²Lamʼakayala Kenana la deku akumi esambeli, ndi akuti Mahalalele.

¹³Kenana akalumbi deku kama enanei la akumi anei lʼokongo wʼeutwelu ka Mahalalele. Ndi akuti ana apami la ana amantu.

¹⁴Nshi ya lumu tshe ya Kenana yaki deku kama divwa la dikumi, ku ndi akavu.

¹⁵Lamʼakayala Mahalalele la deku akumi asamalu la tanu, ndi akuti Jareda.

¹⁶Mahalalele akalumbi deku kama enanei la akumi asatu lʼokongo wʼeutwelu ka Jareda. Ndi akuti ana apami la ana amantu.

¹⁷Nshi ya lumu tshe ya Mahalalele yaki deku kama enanei akumi divwa la tanu, ku ndi akavu.

¹⁸Lamʼakayala Jareda la deku lukama akumi asamalu la pendi, ndi akuti Enoke.

¹⁹Jareda akalumbi deku kama enanei lʼokongo wʼeutwelu ka Enoke. Ndi akuti ana apami la ana amantu.

²⁰Nshi ya lumu tshe ya Jareda yaki deku kama divwa akumi asamalu la pendi, ku ndi akavu.

²¹Lamʼakayala Enoke la deku akumi asamalu la tanu, ndi akuti Metusela.

²²Enoke akakendakendaka la Unyashungu deku kama shatu lʼokongo wʼeutwelu ka Metusela. Ndi akuti ana apami la ana amantu.

²³Nshi ya lumu tshe ya Enoke yaki deku kama shatu akumi asamalu la tanu.

²⁴Enoke[21] akakendakendaka la Unyashungu. Ndi komenama ntu, ne dia Unyashungu akawose asena.

²⁵Lamʼakayala Metusela la deku lukama akumi enanei la esambeli, ndi akuti Lameka.

²⁶Metusela akalumbi deku kama esambeli akumi enanei la pendi lʼokongo wʼeutwelu ka Lameka. Ndi akuti ana apami la ana amantu.

²⁷Nshi ya lumutshe ya Metusela yaki deku kama divwa akumi asamalu la divwa, ku ndi akavu.

²⁸Lamʼakayala Lameka la deku lukama akumi enanei la pendi, ndi akuti ona pami.

²⁹Ku ndi akawole Noa, ati: Ona one ayutusamba uma lu tumu la uma lu elimu wʼanya watututshaka lu kete yakadji Latuyalaka mananu.

³⁰Lameka akalumbi deku kama tshanu akumi divwa la tanu lʼokongo wʼeutwelu ka Noa. Ndi akuti ana apami la ana amantu.

³¹Nshi ya lumu tshe ya Lameka yaki deku kama esambeli la esambeli, ku ndi akavu.

³²Lamʼakayala Noa la deku kama tshanu, ndi akuti Sheme, Hama la lafeta.