Read tetala 2 Samuele 10 Bible Online

2 Samuele 10 - tetala bible

2 Samuele 10

¹Lʼokongo wʼakambu ane, khumʼekanga kʼasi Amona akavu, ku onʼandi Hanuna akukiti.

²Davidi akati ati: Dimi layutshela Hanuna, onʼa Nahashi, ololo uku akantshela shi. Davidi akatumi ekambi andi dia m isamba lu nyoi ka shi. Ku ekambi wa Davidi wakakumi lu kete yʼasi Amona.

³Keli ewandji wʼasi Amona wakambula khumewo, Hanuna vati: We nkanaka wati: Davidi ambukutumela antu ane dia ndjukusamba lu nyoi ka sho? Aha dia ndjulimbitela la dia ndjukemba usumba ne dia ndjulanya mbutumindi ekambi andi le ye?

⁴Hanuna akandi ekambi wa Davidi, akahelola ndedu, vo tshe untu lʼuntu leke lomotshi. Ndi akawatela ahondo, akatshiki asoko lʼandja. Ku ndi akakendja.

⁵Lamʼakuki Davidi dikambu diako, ndi akatumi antu dia ntalungula, ne dia vo waki la sonyi efula. Khumʼekanga akatumela diui ati: Nyutshikali la Jeriko edja ndu lamʼayomena ndedu yanyu, ku nyu ndja.

⁶Lamʼakenyi asi Amona vati: Wambuyaete atunyi wa Davidi, vo wakatumi akendji, wakatamba asi Suriya wa la Bete-Rehobe, la asi Suriya wa la Zoba, alimbi nunu akumi ahendi, ndu kinunu uma le khumʼekanga ka Maka, la asi Tobo, nunu dikumi la pendi.

⁷Lamʼakuki Davidi dikambu so, ndi akatumi Joaba la alimbi tshe wuleki wulu.

⁸Asi Amona wakatumbi, wakayalonge lu enongo wa ta lʼeotwelo kʼusumba. Keli asi Suriya la Zoba la wʼuma la Rehobe, asi Tobo la asi Maka waki lu leke lomotshi lʼusui.

⁹Lamʼakenyi Joaba ati: Vo wuyanga ntuhake lʼatei, wane la ntundu wane lʼokongo, ndi akasonola alimbi wa Isariyele tshe wuleki wulu, akalonge lʼenongo dia ndo lʼasi Suriya.

¹⁰Ndi akakimo alimbi wakatshikala le Abishai, onangu, dia ndi mbalonga lu enongo, dia vo ndo lʼasi Amona.

¹¹Ku ndi akati ati: Naka asi Suriya wambundeka wulu, kuyi dia ndjunkimanyia. Keli naka asi Amona wambukuleka wulu, dimi layuya dia ndjukukimanyia.

¹²Ukeketali! Tenya wudja asu la esumba wa Unyashungu asu dihunga. Latuyalaka katshi uku alangandi.

¹³Okone Joaba la antu waki la ndi wakatshu dia ntolo lʼasi Suriya, ku vo wakulawo.

¹⁴Lamʼakenyi asi Amona vati: Asi Suriya wambulawo, ndu vo wakalawo Abishai, wakatoto lʼusumba. Ku Joaba akamo uma le asi Amona, akakalula la Jerusalema.

¹⁵Lamʼakenyi asi Suriya vati: Asi Isariyele wakatolembia, wakayasanganya.

¹⁶Hadadezere akatumi akendji dia nteta asi Suriya waki la wedi wa ndjali ka Eyufarate. Vo wakakumi la Helame. Shobaka, olombodi wa ta wa Hadadezere kaki olombodi awo.

¹⁷Wakayutela Davidi lukumu loso. Ndi akasanganya Isariyele tshe, ku vo wakateho Jorodana wakatukuma la Helame. Asi Suriya wakayalongosola dia ndo la Davidi, wakalo la ndi.

¹⁸Keli asi Suriya wakalawo Isariyele. Davidi akadiaki akendjikendji wa pusupusu wʼasi Suriya kama esambeli, la ambahemi awo wa falasa nunu akumi anei. Ndi akakomola Shobaka, olombodi awo wa ta, ku ndi akavu kʼaku.

¹⁹Lamʼakenyi khumi ya dikanga tshe yaki lʼokongo wa Hadadezere vati: Isariyele wambutolembia, vo wakalembela Isariyele, wakayala lʼokongo awo. Okone asi Suriya wakuki woma dia nkimanyia asi Amona ntu.