Read tetala 1 Khumi ya Dikanga 5 Bible Online

1 Khumi ya Dikanga 5 - tetala bible

1 Khumi ya Dikanga 5

¹Lamʼakuki Hirame, khumʼekanga ka Tura, ati: Wambukita Solomona iso, dia ndjala khumʼekanga lu dihuli dia shi, ndi akutumela ekambi andi, ne dia Hirame akalangaka Davidi nshi tshe.

²Solomona akatumela Hirame dim ati,

³We mbeyaka wad: Papa Davidi kumbeya mpikela Latuyalaka, Unyashungu andi, luudu, ne dia ata wakudingaka atunyi andi, edja ndu lamʼakakitsha Latuyalaka la tshina diʼakaka andi.

⁴Keli kakiane Latuyalaka, Unyashungu ami, ambumbisha mumuya lu beke tshe. Atunyi kema, ndu ohenyohenyo kema!

⁵Okone, di mi lambusanguya mpikela Latuyalaka, Unyashungu ami, luudu uku akandatela papa Davidi, ati: Onʼave, layumukitsha lu dihuli diaye lu kiti ka diulelu, kayumpikela luudu.[18]

⁶Uteli ekambi aye wankotele esasi wa la lebanona. Ekambi ami wayuyala kame la ekambi aye. Dimi layukufuta afutu wʼekambi aye wuhu wayuyudja. We mbeyaka wati: Nduku untu lʼatei asu leya nkota etamba uku asi Sidona.

⁷Lamʼakuki Hirame aui wa Solomona, ndi akatamanya ngenangena; akati ati Latuyalaka lakasha Davidi onʼone leli la yimba dia mbulela wudja a wuki one, atumbwami elo!

⁸Hirame akatumela Solomona diui ati. Diui diakayantumela diakakumi le mi. Dimi layutsha kene tshe kalangaye lu dikambu diʼetamba wʼesasi la etamba wʼelungu.

⁹Ekambi ami wayuhulo la wo uma la Lebanona utsha lʼashi wa Mediteraneya. Dimi layekeleka uku nendi, layetuma lu ashi utsha lu dihuli diayuyumvutela. Dimi layuwatela dia vo ntekeiekula leko. Ku we ayutuweosa uma leko. Ndu we ayushidiya lulangu lami dia we mbishiyami wa lu luudu lami mbu ya nde.

¹⁰Okone Hirame akasha Solomona etamba wʼesasi la wʼelungu uku efula kakandalangi.

¹¹Solomona akasha Hirame kora yʼepunga nunu akumi ahendi dia ndeshaka wa lu luudu landi, la kora yʼiso ka dimena nunu akumi ahendi. Osoku mbakashaka Solomona Hirame diango lu eleku lʼeleku.

¹²Latuyalaka akasha Solomona yimba uku akandulaki. Ki kaki lasa Hirame la Solomona. Vo ahendi wakakote lusalu.

¹³Khumʼekanga Solomona akasonola apami nunu akumi asatu uma lu Isariyele tshe dia ntukamba lutumu.

¹⁴Ndi akatumaka la Lebanona nunu dikumi la ngondo la ngondo. Okone vo wakatshikalaka la Lebanona ngondo otoi, ku ngondo hyendi lawakawo. Adonirame aki olombodi wʼantu ako wakakambaka lutumu.

¹⁵Solomona aki ndu la amembi a wetshu nunu akumi esambeli, la ambatshi wʼave nunu akumi enanei lʼekungu,

¹⁶aha mbala tupita nunu satu la kama shatu takadji Solomona dia mendaka antu la ulimu wakawatshaka.

¹⁷Khumʼekanga akawadjangela, ku vo wakatundja ave a waki wʼushinga a wulu, dia ntsha etshina ka luudu la ave wa lokolonga.

¹⁸Ambiki wa mvudu wa Solomona, la ambiki wa Hirame, lʼasi Ngebala wakakolonga, wakalongosola ndu etamba ndu ave wa mpika luudu.