Read tetala 1 Ekondo 12 Bible Online

1 Ekondo 12 - tetala bible

1 Ekondo 12

¹Lanʼeli antu wakayi le Davidi la Zikilange, lamʼakandatashamaka Saulu, onʼa Kishi. Vo waki lʼului wʼapami a wulu, ekimanyidi andi lu ta.

²Vo waki ambuki wʼeta, wakeyaka mbuka ave la pitu la lunya la pami kana la lunya la lomoso. Vo waki anangu Saulu, uma lu wudja wa Bendjamina.

³Ahiyezere aki uwandji awo, ku Joashi divwa diandi. Vo ahendi waki ana wa Shema, usi Ngibeya; Jeziyele la Pelete, ana wʼAzimavete; Beraka; Jehu, usi Anatota;

⁴Ishimaya, usi Ngibiyona, pami ka wulu lʼatei wʼakumi asatu, ndu uwandji wʼantu akumi asatu; Jeremiya, Jahaziyele; Johanana; Jozabada, usi Ngedera;

⁵Eluzai; Jerimote; Baaliya; Shemariya; Shefatiya, usi Harafu;

⁶Elekana, Ishiya, Azarele, Joezere la Jashobeame, asi Kora;

⁷Joela la Zebadiya, ana wa Jerohama, usi Ngedore.

⁸Lʼatei wʼasi Ngada, apami ane a wulu, andoshi wa ta wakeyaka ulimu wʼengawu ka dikonga, waki uku tambwe, ndu wakadjaka luwangu uku peli ya lʼekungu, wakatshu le Davidi la lungeli la ta lʼusui wa shenga;

⁹Ezere, olombodi awo, Obadiya, wudja a hendi; Eliyabe, wa satu;

¹⁰Mishimana, wa nei; Jeremiya wa tanu;

¹¹Atai, wa samalu; Eliyele, wʼesambeli;

¹²Johanana, wʼenanei; Elezabada, wa divwa;

¹³Jeremiya wa dikumi; Makibanai, wa dikumi lʼotoi.

¹⁴Waso uma lʼatei wʼana apami wa Ngada waki elombodi wʼului wʼalimbi: one lakaleki tshitshe lʼatei awo, aki ladiku diʼantu lukama, la one lakaleki wuki aki ladiku diʼantu kinunu.

¹⁵Waso mbakateho Jorodana lu ngondo ka ntundu lamʼaki Jorodana la elula. Ndu wakatutshanya antu tshe wakadjashi lʼekidi, lu leke lʼehutwelu ndu lu leke lʼedjelu.

¹⁶Antu amotshi uma lu wudja wa Bendjamina la wa Juda wakatshu le Davidi la lungeli.

¹⁷Davidi akatumbi dia ntuhumana la wo, akatuwatela ati: Naka nyu nyambuya le mi la ki, dia ndjunkimanyia, utema ami ayuyala kame la nyu. Keli naka nyu nyambuya la lukesu, dia ndjunfunga le atunji ami lamʼahamatshi dikambu dia ngala, Unyashungu a washesu anyendi, anyuhangweli.

¹⁸Ku Nyuma ka Unyashungu akahema Amasai, uwandji wʼelombodi ako, ku ndi akatela Davidi ati: We Davidi, waye mbesu. We onʼa Jese, lu leke laye kesu. Ki, ki kayali la ye, ndu ki kayali le ekimanyidi aye, ne dia Unyashungu aye katukukimanyiaka. Ku Davidi akalungula, akawaotshiya lʼatei wʼelombodi andi wa ta.

¹⁹Antu amotshi uma lu wudja wa Manase, wakaseko utsha le Davidi lamʼakandatshu kame lʼasi Filistiya dia ntolo la Saulu ta. (Keli Davidi kumbakimanyia, ne dia lamʼakambwana ewandji wʼasi Filistiya, vo wakûkaluya wata vati: Ndi atukuketa lu leke la khumendi Saulu, ku vo ntolosha.)

²⁰Lamʼakakalula Davidi utsha la Zikilange, apami ane wʼasi Manase ane: Adina, Jozabada, Jediyaele, Mikaele, Jozabada, Elihu la Ziletai, ewandji wa nunu nunu diʼasi Manase, wakaseko utsha le ndi.

²¹Vo wakakimanyia Davidi dia ndosha ului wʼapotodi, ne dia asi Manase ako tshe waki antu wulu ndu elombodi wʼalimbi.

²²Antu wakasekoka la lushi la lushi utsha le Davidi dia ntukimanyia edja ndu ndi akayala la ului a wuki wʼalimbi uku ului wʼalimbi a Unyashungu.

²³Lane eli efula kʼelombodi wʼalimbi wakayi le Davidi la Heberona dia minya diulelu uma le Saulu, dia mbushadio uku diui dia Latuyalaka.

²⁴Asi Juda, wakembaka dingawu la akonga, waki andoshi wa ta nunu samalu la kama enanei.

²⁵Uma lu wudja wa Simeyona apami wa wulu wakeyaka ndo ta, waki nunu esambeli la lukama.

²⁶Uma lu wudja wa Lewi, antu nunu nei la kama shamalu;

²⁷Jehoyada aki olombodi wa diuhu dia Arona. Ndi aki la antu nunu satu la kama esambeli.

²⁸Zadoka, olongo a pami a wulu, la wa lu khumbu ka shi, aki elombodi akumi ahendi la ehendi.

²⁹Uma lu wudja wa Bendjamina, anangu Saulu, antu nunu satu, ne dia edja ndu kakiane etenyi ka wuki ka wudja ako wakekamaka Saulu.

³⁰Uma lu wudja wʼasi Efarayima, nunu akumi ahendi la kama enanei, apami a wulu, akanga a lukumu lu mvudu ya washewo.

³¹Uma lʼetenyi ka hendi ka wudja wa Manase, nunu dikumi la enanei, wakafundama kumbu dia nshikike Davidi khumʼekanga.

³²Uma lu wudja wa Isakara, akanga wʼewu ka tena dia mbeya kene keli ololo dia Isariyele ntsha, elombodi kama hyendi, la anengewo tshe waki lʼokongo awo.

³³Uma lu wudja wa Zebuluna, andoshi wa ta nunu akumi atanu, wakeyaka ulimu wa ta ndu waki la wehu tshe wa dihumo dia ta, wakayakunge dia ndo ta lʼutema otoi.

³⁴Uma lu wudja wa Nafetali, elombodi kinunu, kame la andoshi wa ta nunu akumi asatu la esambeli wakakime dingawu la akonga.

³⁵Uma lu wudja wa Dane, andoshi wa ta nunu akumi ahendi lʼenanei la kama shamalu.

³⁶Uma lu wudja wa Ashere, andoshi wa ta nunu akumi anei wakayakunge dia ndo ta.

³⁷Uma la wedi wa Jorodana, asi Rubena, asi Ngada, la etenyi ka hendi ka wudja wa Manase waki nunu lukama la akumi ahendi, kame la wehu tshe wa dihumo dia ta.

³⁸Andoshi wa ta aso tshe wakayakunge dia ndo ta, wakayi lʼutema otoi uya la Heberona dia nshikike Davidi, khumʼekanga ka Isariyele tshe. Ndu asi Isariyele tshe wakatshikala, waki la kanyi otoi ya mbidja Davidi khumʼekanga.

³⁹Vo wakatshikala la Davidi nshi shatu, wale, wano, ne dia anengewo wakalongoswelaka dia nde.

⁴⁰Ndu asi wedja wakadjase lasuki la wo, pulu ndu la Isakara, Zebuluna, la Nafetali, wakawaelaka mbu ya nde lu punda, lu kamelo, lu falasa, ndu lu ngombe: shima, ekama wa fingu yambuma, ndu wʼelua wa vinyo wambuma, wanu, iso, ngombe la ekoko efula, ne dia Isariyele waki la ongenongeno.