Read tetala 1 Ekondo 4 Bible Online

1 Ekondo 4 - tetala bible

1 Ekondo 4

¹Ana apami wa Juda ane: Pereze, Hezerona, Karami, Hura, la Shobala.

²Reaya, onʼa Shobala, akuti Jahata; Jahata akuti Ahumai la Lahada. Aso weli khumbu ya Zora.

³Tukanula ta Etame tone: Jezerele, Ishima, la Idibashi; lukumbu la kadiyewo laki Hazeleleponi.

⁴Penuele aki shi Ngedare, la Ezere shi Husha. Waso weli ana wʼapami wa Hura, ona enundu a Efarata, shi Betelehema.

⁵Ashura, shi Tekoa aki la wadi ahendi, Hela la Nara.

⁶Nara akuti la ndi Ahuzama, Hefere, Temeni, la Hahashitare. Aso weli ana wʼapami wa Nara.

⁷Ana apami wa Hela ane: Zerete, Izehare la Etinana.

⁸Hakaza akuti Anuba, Zobeba ndu khumbu ya Aharele, onʼa Haruma.

⁹Jabeza akaleki anangu nemiama. Nyangu akawole lukumbu la Jabeza ati: Ne dia dimi lakawuti la lono la wulu.

¹⁰Jabeza akatemola Unyashungu wa Isariyele akosengasenga ati: Ontshokole, okokole elelu ami, lunya laye layali la mi, unshimbeli uma lʼelanyelu, diaha dimi ndjala la okei. Ku Unyashungu akutshela uku akandolombe,

¹¹Kelube onangu Shuha, akuti Mehire, shi Eshitona.

¹²Fshitona akuti Bete-Rafa, Pasea, la Tehina, shi Ire-Nahashi. Aso weli asika Reka.

¹³Ana apami wa Kenaze ane: Oteniyele, la Seraya. Ona pami a Oteniyele one: Hatata.

¹⁴Meonotai akuti Ofara, la Seraya akuti Joaba, shi Ngeharashima; vo waki etshudi.

¹⁵Ana apami wa Kaleba, onʼa Jerune, ane: Iru, Ela, la Nama; onʼa pami a Ela one: Kenaze.

¹⁶Ana wʼapami wa Jehalele ane: Zifu, Zifa, Tiriya la Asarele.

¹⁷Ana wʼapami wa Ezera ane: Jetere, Merede, Efere la Jalona. Bitiya akuti la Merede Miriame, Shamai, la Jishibake, shi Eshetemoa.

¹⁸Waso weli ana apami wakuti Bitidja, onʼa Farayo lakose Merede wadi. Wadendi lʼusi Juda, akuti la ndi Jerede, shi Gedore, Hebere, shi Soko, la Jekutiele shi Zanoake.

¹⁹Ana apami a wadi a Hodiya, kadiya Nahama ane: Shi Keila, usi Ngarama, la Eshitemoa usi Maka.

²⁰Ana apami wa Shimona ane: Aminona, Rina, Bene-Elanana, la Tilona. Ana apami wa Ishi ane: Zohete la Bene-Zohete.

²¹Ana apami wa Shela, onʼa Juda ane: Ere, shi Leka, Lada, shi Maresha, ndu khumbu ya luudu lʼatshi wʼulimu wa linene wa Betashibea;

²²Jokima, la asika Kozeba, Joashi, Sarafu wakulela Moaba ndu lakalula Leheme (aso weli ekondo wʼedjedja).

²³Aso waki ekengi wa puki wakadjashi la Natayima la Ngebera. Vo wakadjashi leko kame la khumʼekanga, dia mbukambelaka ulimu.

²⁴Ana wʼapami wa Simeyona ane: Nemuele, Jamina, Jariba, Zera la Shaulu.

²⁵Ona pami a Shaulu one: Shaluma; Shaluma akuti Mibisame, Mibisame akuti Mishima.

²⁶Mishima akuti Hamuele; Hamuele akuti Zakura; ku Zakura akuti Shimei.

²⁷Shimei akuti ana apami dikumi la asamalu la wʼamantu asamalu. Keli anangu kumbuta ana efula ndu diuhu diawo kunfulanela uku akafulanela diuhu dia Juda.

²⁸Vo wakadjashi la Bere-Sheba, Molada, Hazara-Shuala,

²⁹Bila, Ezeme, Tolada,

³⁰Betuele, Horoma, la Zikilange.

³¹Bete-Marakabota, Hazara-Susima, Bete-Biri, ndu Sharayima. Aso waki esumba awo edja ndunshi ya diulelu dia Davidi.

³²Ngelu yawo nye: Etame, Ayina, Rimona, Tokena la Ashana; esumba etanu,

³³kame la ngelu yawo tshe yaki lʼetshimoa wʼesumba ene edja ndu la Bala. Aso waki ahuli wakawadjashi la okondo awo wʼeutwelu.[4]

³⁴Meshobaba, Jamileke, Josha, on a Amaziya;

³⁵Joele, Jehu, onʼa Joshibiya, onʼa Seraya, onʼa Asiyele;

³⁶Eliyoenai, Jakoba, Jeshohaya, Asaya, Adiyele, Jesimiyele, Benaya

³⁷la Ziza onʼa Shifi, onʼa Alona, onʼa Jedaya, onʼa Shimiri onʼa Shemaya

³⁸Aso wufundami kumbu mbaki ewandji lu khumbu yawo, mvudu ya washewo mbakafulanela efula.

³⁹Vo wakatshu lʼeotwelo ka Ngedore, utsha lu leke lʼehutwelu lʼukidi, dia ntuyangela dungalunga diawo adiyu.

⁴⁰Vo wakatushula adiyu watikita wʼololo, kete ya wuki ya ki ndu ya lutui tshitshi, ne dia asika Hama mbakadjashi leko ntunduntundu.

⁴¹Wane wakafundama kumbu yawo, wakayi lu nshi ya diulelu dia Hezekiya, khumʼekanga ka Juda, wakayulanya mvudu yawo yʼapema, wakashili asi Meunima wakawatani leko ushiki; nduku untu eko edja ndu elo. Vo wakadjase lu ahuli awo ne dia leko kaki adiyu wa ndesha dungalunga diawo.

⁴²Asika Simeyona wakatshu lʼukungu wa Seyire yediko ya antu kama tshanu. Kumbu yʼembuledi awo nye: Pelatiya, Neariya, Refoya, la Uziyele, ana wʼapami wa Ishi.

⁴³Vo wakadiaki atshikadi wʼasi Amaleka, wakatudjase leko edja ndu elo.