Read tetala 1 Ekondo 7 Bible Online

1 Ekondo 7 - tetala bible

1 Ekondo 7

¹Ana apami wa Isakara ane: Tola, Pua, Jashuba la Shimirona, anei.

²Ana apami wa Tola ane: Uzi, Refaya, Jeriyele, Jamai, Jibisame la Samuele, ete wa khumbu ya washewo, uma le Tola. Vo waki akanga wʼahunga lu nonga yawo. Efula kawo lu nshi ya Davidi waki nunu akumi ahendi la pendi la kama shamalu.

³Ona pami a Uzi one: Izirahiya. Ana apami wa Izirahiya ane: Mikaele, Obadiya, Joele, Ishiya. Vo atanu waki ewandji.

⁴Vo waki ului wʼalimbi wa ta, uku nonga yawo la khumbu ya washewo, nunu akumi asatu la samalu, ne dia vo waki la wadi ndu la ana wʼapami efula.

⁵Efula kʼanengewo, akanga a dihunga lʼatei a khumbu ya Isakara, wakawali lʼokondo wʼeutwelu kawo, waki nunu akumi enanei la esambeli.

⁶Ana apami wa Bendjamina ane: Bela, Bekere la Jediyaele, asatu.

⁷Ana apami wa Bela ane: Ezibona, Uzi, Uziyele, Jerimote la Iri. Vo atanu waki ete wa khumbu ya washewo, akanga a dihunga. Vo wakalema lu okondo wʼeutwelu yediko yʼantu nunu akumi ahendi la pendi akumi asatu la anei.

⁸Ana apami wa Bekere ane: Zemira, Joashi, Eliyezere, Eliyoenai, Omiri, Jeremote, Abidja, Anatota la Alamete. Waso tshe waki ana wa Bekere.

⁹Vo wakafundama lu ekondo wʼeutwelu uku nonga yawo, ete wa khumbu ya washewo, akanga wa dihunga, yediko yʼantu nunu akumi ahendi la kama hyendi.

¹⁰Ona pami a Jediyaele one: Bilana. Ana apami wa Bilana ant: Jeushe, Bendjamina, Ehude, Kenana, Zetana, Tarashishi la Ahishahara,

¹¹Waso tshe waki ana wʼapami wa Jediyaele uku ete wa khumbu ya washewo, akanga wa dihunga yediko yʼantu nunu dikumi lʼesambeli la kama hyendi waki la wulu wa ntsho lʼului wʼalimbi.

¹²Ndu Shupima la Hupima, ana wa Ire; la Hushima, ona Ahera.

¹³Ana apami wa Nafetali ane: Jaziyele, Guni, Jezere la Shaluma, tukanula ta Biliha.

¹⁴Ana apami wa Manase ane: Asriyele, lakanduti la usika andi usi Arama. Usika andi akuti ndu Makira shi Ngiliyade.

¹⁵Makira akosela Hupima la Shupima wadi. Lukumbu la kadiyendi laki Maka. Lukumbu lʼone la hendi laki Zelofehade; Zelofehade akuti ana amantu.

¹⁶Maka wadi a Makira akuti la ndi ona pami lakandole ati: Pereze; lukumbu lʼonangu laki Shereshe la anʼandi wʼapami waki: Ulama la Rekeme.

¹⁷Ona pami a Ulama one: Bedana. Waso weli ana w apami wa Ngiliyade, onʼa Makira, onʼa Manase.

¹⁸Kadiyendi Hamolekete akuti Ishihode, Abiyezere, la Mala,

¹⁹Ana apami wa Shemida waki Aheyana, Shekeme, Liki la Aniyame.

²⁰Tukanula ta Efarayima tone: Onʼandi Shutela akuti Berede; Berede akuti Tahata; Tahata akuti Eleada; Eleada akuti Tahata;

²¹Tahata akuti Zabada; Zabada akuti Shutela; Shutela akuti Ezere la Eleade. Asi Ngata wakuto lu kete yawo, wakadiaki, ne dia vo wakatshu dia ntahotola dungalunga diawo.

²²Shewo Efarayima akali li anda awo edja, ku anangu wakayi dia ndjusamba.

²³Ndi akeyana la wadendi, ku ndi akatshu diemi, akuti ona pami. Ku Efarayima akole onʼa ako lukumbu ati: Beriya, ne dia asui waki lu luudu landi.

²⁴Lukumbu lʼonʼandi la umuntu laki Shera, lakahiki diku dia Bete-Horona la ngelʼa Bete-Horona ndu Uzena-Shera.

²⁵Onʼandi a pami Refa, akuti Reshefu, Reshefu akuti Tela; Tela akuti Tahana.

²⁶Tahana akuti Ladana, Ladana akuti Amihude; Amihude akuti Elishama,

²⁷Elishama akuti Nuna; Nuna akuti Jashua.

²⁸Etenyi kawo kʼukito la edjaselu kawo kaki Betele la ngelu ya lʼokongo awo, Narana lu leke lʼehutwelu, la Ngezere lu leke lʼedjelu la ngelu yaki lʼokongo awo, ndu Shekeme la ngelu ya lʼokongo awo pulu, ndu Aya la ngelu ya lʼokongo awo.

²⁹Ndu lʼumamu wʼulelu wʼasi Manase, Bete-Sheana la ngelu ya lʼokongo awo, Tanaka la ngelu ya lʼokongo awo, Mengido la ngelu ya lʼokongo awo, la Dora la ngelu ya lʼokongo awo. Lu ahuli aso mbakadjashi asika Josefu, onʼa Isariyele.

³⁰Ana apami wa Ashere ane: Imina, Ishiva, Ishivi la Beriya; Sera aki kadiyewo.

³¹Ana apami wa Beriya ane: Hebere la Malakiyele. Malakiyele aki shi Birizayita.

³²Hebere akuti Jafelete, Shomera ndu Hotama la Shua kadiyewo.

³³Ana apami wa Jafelete ane: Pasaka, Bimala la Ashivate. Waso weli ana wa Jafelete.

³⁴Ana apami wa Shemere onangu, ane: Ronga, Jehuba la Arama.

³⁵Ana apami wa Heleme, onangu, one: Zofa, Imina, Sheleshe, la Amala.

³⁶Ana apami wa Zofa, ane: Sua, Haranefere, Shuala, Beri, Imira,

³⁷Bezere, Hoda, Shama, Shilisha, Itirana la Bera.

³⁸Ana apami wa Jetere ane: Jefune, Pispa la Ara.

³⁹Ana apami wa Ula ane: Ara, Haniyele la Riziya.

⁴⁰Waso tshe waki asi Ashere, ete wa khumbu ya washewo, akanga a tukungamu ndu dihunga, ewandji a waki. Vo wakalema lu ekondo wʼeutwelu yediko yʼapami nunu akumi ahendi la samalu wakakuki ntsho lu ta.