Read tetala 1 Ekondo 9 Bible Online

1 Ekondo 9 - tetala bible

1 Ekondo 9

¹Wakali Isariyele tshe uku eutwelu kawo, ndu vo wambufundama lu Buku dia Khumi ya dikanga ya Isariyele. Ku Juda akatolama lu fumbi utsha la Babilona ne dia ehedia awo.

²Antu wakakalula ntundu dia ndjudjase lʼesumba wa kete yawo waki asi Isariyele, elombedi, asi Lewi, la ekambi wa lʼetemwelo.

³Antu ane wʼuma lu wudja wa Juda, wa Bendjamina wʼEfarayima la wa Manase wakadjase la Jerusalema;[12]

⁴Utai, onʼa Amihude, onʼa Omiri, onʼa Imiri, onʼa Bani uraa le asika Pereze, onʼa Juda.

⁵Uma le asika Shilo: Asaya onʼa enundu la anʼandi wʼapami.

⁶Uma le asika Zera: Juele lʼanangu, antu kama shamalu la akumi divwa.

⁷Uma le asi Bendjamina: Salu, onʼa Meshulama, onʼa Hodaviya, onʼa Hasenua;

⁸Ibineya, onʼa Jerohama; Ela, onʼa Uzi, onʼa Mikiri; la Meshulama, onʼa Shefatiya, onʼa Ruele, onʼa Ibinidja;

⁹ndu anengewo uku nonga yawo, antu kama divwa la akumi atanu la asamalu. Apami aso tshe waki ete wa khumbu ya washewo.

¹⁰Uma le elombedi: Jedaya, Jehoyariba, Jakina;

¹¹Azariya, onʼa Hilikiya, onʼa Meshulama, onʼa Zadoka, onʼa Merayota, onʼa Ahitube, uwandji wa luudu la Unyashungu.

¹²Adaya, onʼa Jerohama, onʼa Pashura, onʼa Malakidja; Masai, onʼa Adiyele, onʼa Jazena, onʼa Meshulama, onʼa Meshilemite, onʼa Imere;

¹³ndu anengewo, ete wa khumbu ya washewo, antu kinunu la kama esambeli la akumi asamalu, apami wa wulu wakatshaka elimu wa lu luudu la Unyashungu.

¹⁴Uma le asi Lewi: Shemaya, onʼa Hashuba, onʼa Azirikama, onʼa Hashabiya, uma le asika Merari;

¹⁵Bakibakara, Hereshe; Ngalala, Mataniya, onʼa Mika, onʼa Zikiri, onʼa Asafu;

¹⁶Obadiya, onʼa Shemaya, onʼa Ngalala, onʼa Jedutuna; Berekiya, onʼa Asa, onʼa Elekana, lakadjase lu ngelu yʼasi Netofa.

¹⁷Alami wʼasuku: Shaluma, Akuba, Talamona, Ahimana, la anengewo (Shaluma aki uwandji awo).

¹⁸Vo watudjaseka lu suku dia khumʼekanga lu leke lʼehutwelu. Waso waki alami wʼasuku wa pangu kʼasi Lewi.

¹⁹Shaluma, onʼa Kora, onʼa Ebiyasafu, onʼa Kora, la anangu wa lu khumbu ka shi asika Kora. Vo mbakatshaka ulimu wa nama asuku wa luudu la dipema, uku akalamaka washewo eotwelu ka pangu ka Latuyalaka.

²⁰Finehasi onʼa Eleazara aki uwandji awo lu nshi ya ntundu, la Latuyalaka aki la ndi.

²¹Zekariya, onʼa Meshelemiya, aki ulami wʼeotwelu ka luudu lʼesanganelu la dipema.

²²Wane tshe wakawasonola dia ndjala alami wa suku, waki antu kama hyendi la dikumi la ahendi. Vo wakalema uku eutwelu kawo lu ngelu yawo. Davidi la Samuele, omenyi wʼakambu wahatayi, wakawadji lʼelimu awo.

²³Vo la an awo wakalamaka asuku wa luudu la Latuyalaka, wa luudu la dipema.

²⁴Vo waki alami w asuku lu beke diako nei: lʼehutwelu, edjelu, ngelʼe kushi, diku dia kushi.

²⁵Diaki la anengewo wakadjase lu ngelu yawo dia ndjakaka le wo lʼokongo a nshi esambeli esambeli.

²⁶Ne dia ewandji enei wʼalami wʼasuku, asi Lewi, waki lʼulimu nshi tshe ndu wakalamaka mvudu ya lʼatei, la waumbelu wa lu luudu la Unyashungu.

²⁷Vo waketamaka lʼutshu lʼutshimba wa luudu ia Unyashungu lakawalamaka, ndu lakawahumbaka ndjihula pindju tshe.

²⁸Asi Lewi amotshi wakalamaka diango diʼulimu diakawalaka lamʼakawaditundjaka ndu lamʼakawadiotshiyaka.

²⁹Asi Lewi akina wakalamaka diango diʼotemwelo, diango diʼekila, shima ka pudipudi, wanu, iso, malashi, la diango diʼepumu.

³⁰Asi Lewi akina, ana wʼelombedi, wakasohanyaka diango diʼepumu.

³¹Matitiya, usi Lewi omotshi, onʼa Shaluma lʼenundu, usika Kora, aki la ulimu wa ntshaka ekati lu panu.

³²Anengewo amotshi uma lʼatei wʼasika Kohata waki la okende wa nkateka ma dia lenya nshi ya mumuya tshe.

³³Wane weli amimbi, ete wa khumbu ya washewo asi Lewi, waketamaka lu mvudu ya lʼatei. Vo kuntshaka elimu ekina, ne dia vo wakatshaka ulimu one ndu la yanyi ndu lʼutshu.

³⁴Waso weli ete wa khumbu ya washewo asi Lewi, ewandji wa lolonga la lolonga. Vo wakadjaseka la Jerusalema.

³⁵Jeyele, shi Ngibiyona, akadjashi la Ngibiyona, lukumbu la wadendi laki Maka.

³⁶Onʼandi a pami lʼenundu aki Abidona, ku Zura, Kishi, Bala, Nere, Nadaba,

³⁷Ngedore, Ahiyo, Zekariya la Mikilote.

³⁸Mikilote akuti Shimeama. Ndu vo mbakadjashi kame lʼanengewo la Jerusalema, welanedi la anengewo ako.

³⁹Nere akuti Kishi; Kishi akuti Saulu; Saulu akuti Jonatana, Malaki-Shua, Abinadaba la Eshibala.

⁴⁰Ona pami a Jonatana aki Meribe-Bala. Ku Meribe-Bala akuti Mika.

⁴¹Ana apami wa Mika ane: Pitona, Meleke, Tarea la Ahaza.

⁴²Ahaza akuti Jara; Jara akuti Alemete, Azimaveta la Zimiri; Zimiri akuti Moza;

⁴³Moza akuti Binea; Binea akuti Refaya, Refaya akuti Eleasa, Eleasa akuti Azele.

⁴⁴Azele akuti ana apami asamalu, kumbu yawo nye: Azirikame, Bokeru, Ishamele, Sheariya, Obadiya la Hanana. Waso weli ane apami wa Azele.