Read tetala 2 Ekondo 10 Bible Online

2 Ekondo 10 - tetala bible

2 Ekondo 10

¹Rehoboama akatshu la Shekeme, ne dia Isariyele tshe wakatshu la Shekeme dia ntuwudja khumʼekanga.

²Lamʼakuki Jeroboama, onʼa Nebate, lukumu lako (ne dia ndi aki lʼEdjibitu lene akanualawo khumʼekanga Solo-mona), ndi akakalula uma lʼEdjibitu.

³Wakatumi antu dia nteta Jeroboama. Ku ndi la Isariyele tshe wakatshu, wakatutela Rehoboama vati:

⁴Sho akete lokoho lasu wulu. Okone we ukitshakitsha lohombo lone la wulu, la lokoho lone la wutshu lakatatukitshisha sho. Ku shu tayuyala antu aye.

⁵Ndi akawatela ati: Nyutshu, keli kanyukaluli le mi lʼokongo a nshi shatu. Ku vo wakatshu.

⁶Khumʼekanga Rehoboama akambula esumbi waki lasuki la Solomona, shi, lamʼakindi la lumu ati: Wuhu akona wayumukaluya wudja one diui?

⁷Ku vo wakawutela vati: Naka we ayutshela wudja one ololo, ayangenyangenya, ayoteketa la wo aui wʼololo, vo wayuyala antu aye pundju.

⁸Keli Rehoboama akatshiki daku diakulaki esumbi, akambula elongo wʼapami wakuli kame la ndi, waki lasuki la ndi.

⁹Ndi akawambula ati: Diui diakona diayumutukaluya wudja one wakamvutela vati: Ukitshakitsha lokoho lakatatahi sho?

¹⁰Ku elongo wʼapami wakuli kame la ndi wakawutela vati: Okone mbayuyutela wudja wakakutela vati: Sho akete lokoho lasu wutshu, keli we utukitshikitshiyalo, wati: Luhita lami la tshungutshungu ndeka lukindi la papa wuki.

¹¹Papa akanyahe lokoho la wutshu, ku kakiane dimi layulete wutshu otekoya le nyu. Papa akanyokomolaka eshingo, keli dimi layunyulumatsha kutu.

¹²Jeroboama la wudja tshe wakakalula lushi la satu le Rehoboama, uku akandawatela ati: Kanyukaluli le mi ntu lʼokongo wa nshi shatu.

¹³Khumʼekanga Rehoboama akakaluya diui dia wulu, akatshiki daku diakulaki esumbi.

¹⁴Ndi akateketa la wo uku akawutela elongo wʼapami ati: Papa akete lokoho lanyu wutshu, keli dimi layulete wutshu otekoya le nyu. Papa akanyokomolaka eshingo, keli dimi layunyulumatsha kutu.

¹⁵Okone khumʼekanga kumbukela wudja, ne dia dikambu so diakayi uma le Unyashungu, dia Latuyalaka nshidiya diui diakandati lʼunyo wʼAhidja, usi Shilo, le Jeroboama, onʼa Nebate.

¹⁶Ku lamʼakenyi Isariyele vati: Khumʼekanga hatukedi, vo wakûkaluya diui vati: Etenyi kakona kesu lato kame la Davidi? Shu kema la ukito kame la onʼa Jese. Isariyele li, nyutshu utsha lu ngelu yanyu![36] Kakiane we Davidi, ulamaki khumbu kaye. Ku Isariyele wakatshu lu ngelu yawo.

¹⁷Asi Isariyele wakadjashi lʼesumba wa Juda atu, mbakulela Rehoboama.

¹⁸Ku khumʼekanga Rehoboama akatumi Hadorama, laki olombodi a wane wakakambiaka antu ulimu la wulu. Keli asi Isariyele wakawuki ave, ku ndi akavu. Ku khumʼekanga Rehoboama akasamanya dia mbahema lu pusupusu kandi ka ta, dia ndawo utsha la Jerusalema.

¹⁹Osoku mbakakakito Isariyele uma le khumbu ka Davidi edja ndu elo.