Read tetala 2 Ekondo 13 Bible Online

2 Ekondo 13 - tetala bible

2 Ekondo 13

¹Lʼeleku ka dikumi lʼenanei ka diulelu dia Jeroboama kakatatela Abidja mbulela Juda.

²Ndi akulela deku satu la Jerusalema. Lukumbu la nyangu laki Mikaya, onʼa Uriyele, usi Ngibeya. Ta diakayalaka lʼasa Abidja la Jeroboama.

³Abidja akatshu lu ta kame la ului wʼalimbi a wulu yediko yʼantu nunu kama nyei. Jeroboama akayalonge lu ta kame la alimbi andi a wulu, antu nunu kama enanei dia ndo la ndi.

⁴Abidja akatemala lʼUkungu a Zemarayima waki lu leke lʼakuna wa Efarayima, akahangohango ati We Jeroboama la Isariyele tshe, nyumbukeli.

⁵Nyu hanyuhumbi mbeya nyati: Latuyalaka, Unyashungu wa Isariyele, akasha Davidi ndi la anʼandi diulelu dia Isariyele pundju uma lu daka diakandalaki?

⁶Keli Jeroboama, onʼa Nebate, ukambi wa Solomona, akunela, akatombokwela khumendi.

⁷Antu wʼanyanya, antu wa kolo, wakamote la le ndi, wakayakikitsha dia ndosha Rehoboama, onʼa Solomona. Rehoboama aki dikenda, aki la woma, la wulu andi kunkuka memala la ntundu kawo.

⁸Ndu kakiane nyu nyambukana dia nembia diulelu dia Latuyalaka dieli lu anya wʼana wa Davidi ne dia nyu nyeli ului a wuki wʼantu ndu ne dia nyu nyeko la ana wa ngombe wa aunyi Wckanyutshela Jeroboama ditemolatemola.

⁹Nyu kumbitshanya elombedi wa Latuyalaka, ana wa Arona, la asi Lewi? Nyu kundjadjela elombedi uku atutshaka wedja wa lu kete kina? Untu tshe lakayakaka lʼosongo a ngombe la ekoko esambeli a waumi dia ndjukidiama kakayala olombedi wa ditemolatemola diaha mete.

¹⁰Keli shu, Latuyalaka keli Unyashungu asu, shu kumboseka. Elombedi asu watutshaka ulimu wa Latuyalaka weli ana wa Arona ndu asi Lewi weko lu elimu awo.

¹¹Vo mbatulambulaka elambu wa lutshumba la wa tsho yʼupumu pindju la dikolo nshi tshe. Vo mbatolongaka ma dia lenya lu mesa wa pudipudi, mbatohetshaka atala weli lu ekitshelu kʼatala ka paunyi akolo tshe, ne dia shu tatulamaka elembe wa Latuyalaka, Unyashungu asu, keli nyu nyakoseke.

¹²Nyendi, Unyashungu eko lʼatei asu, ndi keli ote asu kame la elombedi andi weli la amama wa mvudaka dia ntukimanyia lu dikambu dianyu. Nyu asi Isariyele, tanyolokaki la Latuyalaka, Unyashungu a washenyu, ne dia nyu hanyeyi mbolembia.

¹³Jeroboama akakitshiya lalu lʼokongo. Ku alimbi andi wakelanela lʼasi Juda waki la lalu lʼokongo awo.

¹⁴Lamʼakewo asi Juda, vo wakenyi vati: la diaya la ntunuu la lʼokongo, ku vo wakaleli le Latuyalaka, la elombedi wakadi amama.

¹⁵Asi Juda wakadji dielu dia ta. Kamʼakawadji dielu dia ta, Unyashungu akalembia Jeroboama la Isariyele tshe la ntundu ka Abidja la asi luda.

¹⁶Asi Isariyele wakalawo asi Juda, ku Unyashungu akakimo lʼanya awo.

¹⁷Abidja la antu andi wakadiaki efula efula, wakadiaki alimbi a wulu wʼIsariyele antu nunu kama tshanu.

¹⁸Okone asi Isariyele wakalembe, ku asi Juda wakaleki wulu ne dia vo wakekama Latuyalaka, Unyashungu a washewo.

¹⁹Abidja akayelana la Jeroboama, akohotola esumba, Betele, la ngelu ya lʼokongo awo; Jeshana, la ngelu ya lʼokongo awo; la Eferona la ngelu ya lʼokongo awo.

²⁰Jeroboama kundjala la wulu ntu lu nshi yʼAbidja. Latuyalaka akokomola, ku ndi akavu.

²¹Keli Abidja akayala la wulu. Ndi aki la wadi dikumi la anei. Ndi akuti ana apami akumi ahendi la ahendi, la ana amantu dikumi la asamalu.

²²Etsha ekina wa Abidja, akambu wakandatsnaka la aui wakandataka wambufundama lu okondo wʼumvutshi Ido.