Read tetala 2 Ekondo 19 Bible Online

2 Ekondo 19 - tetala bible

2 Ekondo 19

¹Jehoshafata, khumʼekanga ka Juda, akakalula la ki utsha lakandi la Jerusalema.

²Jehu, onʼa Hanani, omenyi wʼakambu wahatayi, akatshu dia ntuhumana la khumʼekanga Jehoshafata. Ndi akatuwumbula ati: Undi, ololo we nkimanyia untu a kolo, la mbuka waku watuhetshaka Latuyalaka ngandji? Uma lu dikambu ne, mbambukuka Latuyalaka kele.

³Keli akambu amotshi wʼololo weko le ye, ne dia we akanya dikishi uma lu kete, ndu we akadji utema aye dia nyanga Unyashungu.

⁴Jehoshafata akadjase la Jerusalema. Ndi akakindula ntu lu wudja uma la Bere-Sheba edja ndu lu leke lʼekungu la Efarayima, akakaluya antu le Latuyalaka, Unyashungu a washewo.

⁵Ndi akakitsha embadi lu usumba lʼusumba, lu esumba tshe a wulu wa Juda.

⁶Ndi akatela embadi ati: Nyuyalami lu dumbwelu, ne dia nyu hanyulumbuya lu lukumbu lʼuntu, keli lu lukumbu la Latuyalaka kalumbuyanyu. Ndi eko la nyu lu dumbwelu diako.

⁷Okone nyuki Latuyalaka woma, nyulami etsha anyu, ne dia kolo, shonodi yʼantu kuyanga elungwelu ka mbu yʼutshu, kema le Latuyalaka, Unyashungu anyu.

⁸Jehoshafata akadji asi Lewi amotshi, elombedi emotshi, la ete emotshi wa khumbu yʼasi Isariyele la Jerusalema ne dia dumbwelu dia Latuyalaka ndu ne dia tamu. Vo wakadjase la Jerusalema.

⁹Ndi akawadjangela ati: Kanyutshaki okone lu woma wa Latuyalaka la kolamelu ndu lʼutema otoi.

¹⁰Lamʼayuyaka akambu wa tamu uma le anengenyu wudjashi lu esumba awo le nyu dikambu dia etshulwelu ka dikila, elembe, aui, welu, kana adjangu, kanyalimbitshiyakiwo ololo, ne dia vo watukuyala la unungu le Latuyalaka, ndu kele kandi katukuyala le nyu ndu le anengenyu. Kanyutshaki osoku, ku nyu hanyuyala la unungu.

¹¹Enda, Amariya keli olombedi anyu wa ladiku lu akambu tshe wa Latuyalaka; Zebadiya, onʼa Ishamele, keli umbuledi wa khumbu ka Juda lu akambu tshe wa khumʼekanga; ndu asi Lewi weko ewandji la ntundu kanyu. Nyukikitali, nyutshi, Latuyalaka ayali la untu tshe layutshaka ololo.