Read tetala 2 Ekondo 22 Bible Online

2 Ekondo 22 - tetala bible

2 Ekondo 22

¹Asi Jerusalema wakadji Ahaziya, onʼa Jehorama la kushi, khumʼekanga lu dihuli diandi, ne dia ului wʼalimbi wakayi la pangu kame la asi Arabiya, wakadiaki nundu diandi tshe. Okone Ahaziya, onʼa Jehorama, khumʼekanga ka Juda, akulela.

²Ahaziya aki la deku akumi anei la pendi lamʼakandayala khumʼekanga. Ndi akulela eleku otoi la Jerusalema. Lukumbu la nyangu laki Ataliya, ukana wa Omiri.

³Ndi akakendakendaka lu mbuka yakakendakendaka khumbu ka Ahaba, ne dia nyangu akawetshaka dia ndi ntsha kolo.

⁴Ndi akatshaka kene kaki kolo lu ashu wa Latuyalaka, uku akatshaka khumbu ka Ahaba, wako wakayala andaki andi lʼokongo wa nyoi ka shi utsha lʼelanyelu.

⁵Ndi akayeli alaku awo, akatshu ndi la Jehorama, onʼa Ahaba, khumʼekanga ka Isariyele, la Ramota-Ngiliyade dia ntolosha Hazaele, khumʼekanga ka Suriya. Ku asi Suriya wakatuhumuya Jorama.

⁶Jorama akakalula la Jezerele dia ndjokono puta, yakuhumuya asi Suriya la Rama, lamʼakandalokaka la Hazaele, khumʼekanga ka Suriya. Ahaziya, onʼa Jehorama, khumʼekanga ka Juda, akatshu la Jezerele dia ntenda Jorama, onʼa Ahaba, ne dia ndi aki la kandji.

⁷Elanyelu ka Ahaziya kaki uma lu lulangu la Unyashungu, diako mbakandatshu dia ntenda Jorama. Lamʼakandakumi, ndi akatshu kame la Jehorama la ntolosha Jehu, onʼa Nimishi, lakakiti Latuyalaka iso dia nshila khumbu ka Ahaba ushiki.

⁸Lamʼakalumbuyaka Jehu khumbu ka Ahaba, ndi akatani ewandji wa Juda la ana wʼapami wʼanangu Ahaziya, lʼulimu wʼAhaziya. Ku ndi akadiaki.

⁹Ndi akayangi Ahaziya, akatuwunda la Samariya lene akandashami. Vo wakayi la ndi le Jehu, wakayudiaka. Vo wakukhunde ne dia vo wakati vati: Onʼa Jehoshafata kendi, lakayangaka Latuyalaka lʼutema andi tsh Ku nduku untu lakatshikala lu khumbu kʼAhaziya lakakuki mbulela.

¹⁰Lamʼakenyi Ataliya, nyangu Ahaziya, ati: Onʼandi a pami ambuvo, ndi akunela, akadiaki ana wʼapami tshe wa lu diuhu dia khumʼekanga ka Juda.

¹¹Keli Jehoshabeate, onʼa umuntu a khumʼekanga Jehorama, akose Joashi, onʼa Ahaziya, akawunya uma lʼatei wʼana apami wa khumʼekanga lamʼakawadiakaka, akatuwushe kame la ondedi andi lu luudu la mbetama. Osoku mbakawushe Jehoshabeate, onʼa khumʼekanga Jehorama, wadi a olombedi Jehoyada, kakiya Ahaziya, uma le Ataliya, diako mbakindi kumbudiaka.

¹²Joashi akatshikala la wo deku samalu, ushami lu luudu la Unyashungu. Ku Ataliya akulela kete.