Read tetala 2 Ekondo 34 Bible Online

2 Ekondo 34 - tetala bible

2 Ekondo 34

¹Josiya[59] aki la deku enanei lamʼakandayala khumʼekanga. Ndi akulela deku akumi asatu la otoi la Jerusalema.

²Ndi akatshaka akambu wʼusimbwi lu ashu wa Latuyalaka; akakendakendaka lu mbuka ya Davidi, tshendi; kombetola lu lunya la pami kana lu lunya la lomoso.

³Lʼeleku kʼenanei ka diulelu diandi, laso ku ndi eki dikenda, ndi akatatela nyanga Unyashungu wa tshendi Davidi. Ku lʼeleku ka dikumi la ahendi ka diulelu diandi, ndi akatatela mbedia Juda la Jerusalema uma lu alunga, uma lu dikishi, uma lu difanelu dia losela la difanelu dia lolelola.

⁴Vo wakalanya diakelu dia WaBala la ntundu kandi;[60] wakudiudia dimeta dia difanelu dia unya, wakatshatsha dikishi, difanelu dia losela ndu dia lolelola. Vo wakadiete efushi, wakadianganya efushi adio ladiku dia waumbu a waku wakadilambulaka.

⁵Ndi akatshumbi weka wʼelombedi ladiku dia diakelu diawo.[61] Osoku mbakandedia Juda la Jerusalema.

⁶Wuhu ako mbakandatshi ndu lʼesumba wa Manase, wa Efarayima, wa Simeyona pulu ndu la Nafetali lu ahuli tshe wakawalana.

⁷Ndi akahandjula diakelu, akete dikishi la difanelu dia lutshula efushi etu. Ndi akudiudia dimeta dia difanelu dia unya tshe lu kete ya Isariyele tshe, ku ndi akakalula la Jerusalema.

⁸Lʼeleku ka dikumi lʼenanei ka diulelu dia Josiya, lamʼakandedia wudja la luudu, ndi akatumi Shafana, onʼa Azaliya; la Maseya, umbuledi wa lʼusumba, la Joa, onʼa Joahaza, okondodi wʼekondo, dia ntolongosola luudu la Latuyalaka, Unyashungu andi.

⁹Vo wakayi le olombedi wa ladiku Hilikiya, wakawusha falanga yakawela lu luudu la Unyashungu, yakakongola asi Lewi alami wʼasuku, uma le asi Manase, asi Efarayima, atshikadi tshe wa Isariyele, asi Juda tshe la Bendjamina ndu uma le asi Jerusalema.

¹⁰Vo wakayikimo lʼanya a wane waki la okende wa ntsha ulimu wa nongosola luudu la Latuyalaka, dia vo ntsha la yo ulimu wa nfuta wane wakalongosola luudu la Latuyalaka, dia vo ntsha la yo ulimu wa nfuta wane wakalongosola luudu la Latuyalaka,

¹¹etshudi wʼabaya, ambiki wa mvudu, ndu dia nsumba ave wa lokolonga, etamba wa ntsha shimbala la wa ntsha esimbi wa mvudu yakalanya khumi ya dikanga ya Juda.

¹²Apami ako wakakambaka ulimu la kolamelu. Jahata la Obadiya, asi Lewi uma lʼatei wʼasika Merari, la Zekariya ndu Meshulama uma lʼatei wʼasika Kohata waki elombodi awo. Wane tshe wakeyaka mpuma dihumahuma lʼatei wʼasi Lewi,

¹³wakalamaka amembi a wetshu, ndu wakalombolaka wane wakakambaka elimu a wehu wehu. Asi Lewi akina waki afundji, elohe, la alami wʼasuku.

¹⁴Lamʼakawatundja falanga yakela antu uya lu luudu la Latuyalaka, olombedi Hilikiya akatushula buku diʼelembe wa Latuyalaka waki uma le Mose.

¹⁵Hilikiya akatela ufundji Shafana ati: Dimi lakashudi buku diʼelembe lu luudu la Latuyalaka, ku Hilikiya akasha Shafana buku diako.

¹⁶Shafana akaditole le khumʼekanga, akatusanyia diʼulimu, ati: Ekambi aye weko lu nkamba elimu tshe wakawawasha.

¹⁷Vo wambutundja falanga tshe yakawatani lu luudu la Latuyalaka, wambuyikimo lʼanya wa elombodi ndu wʼasi ulimu.

¹⁸Ufundji Shafana akatela khumʼekanga ntu ati: Olombedi Hilikiya akambisha buku ne. Shafana akadiali la ntundu ka khumʼekanga.

¹⁹Lamʼakuki khumʼekanga aui wʼuma lʼelembe, ndi akatshatsha ahondo andi.

²⁰Ndi akatela Hilikiya, Ahikame, onʼa Shafana, Abidona, onʼa Mika, ufundji Shafana la Asaya, ukambi wa khumʼekanga, ati:

²¹Nyutshu, nyutumumbweli Latuyalaka, dimi la atshikadi wa Isariyele ndu wa Juda, lu dikambu diʼaui wʼuma lu buku ne diakawashudi. Ududu wa Latuyalaka waya wuki le su, ne dia washesu kunkitanyia diui dia Latuyalaka, ndu kuntsha kene tshe kufundami lu buku ne.

²²Okone Hilikiya la wane wakasonola khumʼekanga wakatshu le umvutshi Huluda, waki la Shaluma, ona pami a Tokata, onʼa Hasra, ulami wʼeloto (ndi akadjashi lu leke lukina la Jerusalema.) Vo wakatusawula la ndi lu dikambu diako.

²³Ndi akawatela ati: Latuyalaka, Unyashungu wa Isariyele, kata ati: Nyututeli pami kakanyutumi le mi nyati:

²⁴Latuyalaka kata ati: Dimi lutsha mbela elanyelu lu dihuli ne ndu le wane wudjashi loko, uku aui tshe wufundami lu buku diakawali la ntundu ka khumʼekanga ka Juda.

²⁵Vo wakanseke, wakatshumbela ditemolatemola malashi dia mbukiami kele uma lʼulimu tshe wakawatshi lʼanya. Diako mbambufula kele kami wulu lu dihuli ne; to hushila.

²⁶Nyututeli khumʼekanga ka Juda, lakanyutumi dia ndjumbula le Latuyalaka, nyati: Latuyalaka, Unyashungu wa Isariyele, kata okone lu aui wakayuki ati:

²⁷Ne dia utema aye akalembe ndu we akayakitshakitsha la ntundu kami, dimi Latuyalaka, lamʼakayuki aui wakamati lu dikambu dia dihuli ne, ndu le antu wudjashi loko, dia vo ndjala engo kʼelanyelu la ka mananu; ndu ne dia we akatshatsha ahondo aye, akaleli la ntundu kami, osoku dimi lambukukela, mbata Latuyalaka.

²⁸Okone dimi layukotola le washo la ki; we ayoto lu diumbu diaye la lutui tshitshi. Ashu aye hawena elanyelu kayumela lu dihuli ne. Ku vo wakayi lʼaui aso le khumʼekanga.

²⁹Khumʼekanga akasanganya dihangamendi tshe dia Juda la dia Jerusalema.

³⁰Ku ndi akatshu utsha la luudu la Latuyalaka ndi la apami tshe wa Juda, asi Jerusalema, elombedi, asi Lewi, la Antu tshe a waki ndu wa tshitshe. Ku ndi akawalela aui wʼuma lu buku dia sheki, diakawatani lu luudu la Latuyalaka.

³¹Khumʼekanga akemala ladikudia loyenga landi, akadji la Latuyalaka sheki dia mbuyelaka la namaka elembe andi, aui andi la adjangu andi lʼutema tshe ndu la lumu tshe dia ntshaka aui tshe wa sheki nye wakafundama lu buku ne.

³²Ku ndi akotshiya antu tshe wakatanema la Jerusalema la Bendjamina lu sheki yako. Ku asi Jerusalema wakatshaka uku sheki ya Unyashungu, Unyashungu a washewo.

³³Josiya akanya akambu tshe wa wononyi uma lu wedja tshe wʼasi Isariyele, akatshutshiya wane tshe wakatanema lu Isariyele dia ntemola Latuyalaka, Unyashungu awo. Lu nshi ya lumu landi tshe, vo kunkadimo uma le Latuyalaka, Unyashungu a washewo.