Read tetala 2 Ekondo 8 Bible Online

2 Ekondo 8 - tetala bible

2 Ekondo 8

¹Lamʼaketi deku akumi ahendi diakahikaka Solomona luudu la Latuyalaka ndu luudu landi,

²Solomona akahiki ntu esumba wakawusha Hurama, akaladia asi Isariyele loko.

³Solomona akatshu la ntolosha Hamata-Zoba, akatokilembia.

⁴Ndi akahiki Tademore lʼusui wa shenga, ndu esumba tshe wa mumba diango lu Hamata.

⁵Ndi akahiki Diku dia Bete-Horona la Ngelʼa Bete-Horona, esumba wa wulu kame la kumbu, kuki, la tukingiti.

⁶Ndi akahiki Balata, la esumba wʼeumbelu tshe wa Solomona, la esumba tshe dikambu dia pusupusu yandi, la esumba tshe dikambu dia ambahemi andi wa falasa la kene tshe kakangenangena Solomona mpika la Jerusalema, la Lebanona ndu lu beke tshe dia diulelu diandi.

⁷Atshikadi tshe wʼasi Hiti, wʼasi Amora, wʼasi Perizi, wʼasi Hiwi wʼasi Jebuse waki kundjala asi Isariyele,

⁸mbakotshiya Solomona tukanula tawo tshe takatshikala lu kete, waki asi Isariyele kundjaka lu ulimu a wulu. Osoku mbewo edja ndu elo.

⁹Keli Solomona kumbidja asi Isariyele lu elimu andi a wulu uku fumbi, ne dia vo waki alimbi, elohe andi, elombodi wa pusupusu yandi ya ta ndu wʼambahemi andi wa falasa.

¹⁰Ewandji wakakitsha khumʼekanga Solomona ladiku dia wudja, ndu waki la okende wa namaka antu, waki yediko ya kama hyendi la akumi atanu.

¹¹Solomona akatole ona umuntu a Farayo uma lʼusumba wa Davidi utsha lu luudu lakanduhikela, ne dia ndi akati ati: Wademi hudjase lu luudu la Davidi, khumʼekanga ka Isariyele, ne dia ahuli wamboto oshete wa Latuyalaka weko ekila.

¹²Solomona akalambula Latuyalaka elambu wa lutshumba lu ediakelu ka Latuyalaka kakandatshi la ntundu ka mbalasa.

¹³Ndi akalambulaka elambu uku akati Mose la lushi la lushi: wa nshi ya mumuya,[28] wa talelu ta ngondo,[29] wa nshi ya waki; tena satu lʼeleku[30] lu lushi la wuki la ma diaha la ediya, lu nshi ya waki ya bingu la lu nshi ya waki ya tusamvusamvu.

¹⁴Ndi akadji elombedi lu elui awo wʼulimu uku akadjanga Davidi, shi, ndu asi Lewi lu elimu awo wa mandulaka la wa ntshaka elimu wa la lushi la lushi la ntundu kʼelombedi uku ehumba. Ndi akadji ndu alami wʼasuku lu ahuli awo lu asuku tshe; ne dia osoku mbakati Davidi, umvutshi a Unyashungu.

¹⁵Antu kombetola uma lʼaui wakati khumʼekanga lu dikambu diʼelombedi la asi Lewi kuyanga lu dikambu otoi, kana lu dikambu dia waumbelu.

¹⁶Osoku mbakalombola Solomona ulimu tshe uma lu lushi lakandahiki etshina ka luudu la Latuyalaka edja ndu lushi lakalashili. Osoku mbakashili luudu la Latuyalaka.

¹⁷Ku Solomona akatshu la Eziyona-Ngebere la Elote, lʼumamu wʼashi a waki, lu kete ya Edome.

¹⁸Hurama akutumela mashua la ekambi wakeyaka ashi a waki. Ku vo wakatutsho la ekambi wa Solomona utsha la Ofira. Vo wakatemba paunyi yediko ya talata kama nyei la akumi atanu uma leko, wakayela le khumʼekanga Solomona.