Read tetala Nehemiya 12 Bible Online

Nehemiya 12 - tetala bible

Nehemiya 12

¹Elombedi la asi Lewi, wane wakakalula kame la Zerubabele, onʼa Shealatiyele, ndu kame la Jeshua ane: Seraya, Jeremiya, Ezera,

²Amariya, Maluka, Hatushe,

³Shekaniya, Rehume, Meremote,

⁴Ido, Nginetoi, Abidja,

⁵Midjamina, Madiya, Bilinga,

⁶Shemaya, Joyariba, Jedaya,

⁷Salu, Amoka, Hilikiya, la Jedaya. Waso mbaki ewandji wʼelombedi la wʼanengewo lu nshi ya Jeshua.

⁸Asi Lewi: Jeshua, Binui, Kadimiyele, Sherebiya, Juda, Mataniya, laki la okende wa mimbaka esambu wa lusaka kame lʼanangu.

⁹Anengewo Bakebukiya la Uno wakatshaka ulimu lasuki la wo.

¹⁰Jeshua akuti Joyakima, Joyakima akuti Eliyashiba, Eliyashiba akuti Joyada,

¹¹Joyada akuti Jonatana, ku Jonatana akayuta Jadua.

¹²Elombedi, ete wa khumbu ya washewo lu nshi ya Joyakima, ene: uma lu khumbu ka Seraya, Meraya; uma lu khumbu ka Jeremiya, Hananiya;

¹³uma lu khumbu ka Ezera, Meshulama; uma lu khumbu ka Amariya, Johanana;

¹⁴uma lu khumbu ka Meluki, Jonatana; uma lu khumbu ka Shebaniya, Josefu;

¹⁵uma lu khumbu ka Harima, Adina; uma lu khumbu ka Merayota, Helekai;

¹⁶uma lu khumbu ka Ido, Zekariya, uma lu khumbu ka Nginetona, Meshulama;

¹⁷uma lu khumbu ka Abidja, Zikiri; uma lu khumbu ka Miniyamina, ka Moadiya, Pilitai;

¹⁸uma lu khumbu ka Bilinga, Shamua; uma lu khumbu ka Shemaya, Jehonatana;

¹⁹uma lu khumbu ka Joyariba, Matenai; uma lu khumbu ka Jedaya, Uzi;

²⁰uma lu khumbu ka Salai, Kalai; uipa lu khumbu ka Amoka, Ebere;

²¹uma lu khumbu ka Hilikiya, Hashabiya; la uma lu khumbu ka Jedaya, Netanele.

²²Lu nshi ya Eliyashiba,, Joyada, Johanana la Jadua, asi Lewi, ete wa khumbu ya washewo; ndu elombedi wakafundama lu nshi ya diulelu dia Dariyo, usi Peresiya.

²³Asi Lewi, ete wa khumbu ya washewo wakafundama lu Buku diʼEkondo edja ndu lu nshi ya Johanana, onʼa Eliyashiba.

²⁴Ewandji wʼasi Lewi: Hashabiya, Sherebiya, la Jeshua, onʼa Kadimiyele, vo la anengewo wakelanedi la wo, dia mandulaka la mbukaka Latuyalaka lusaka uku diui dia Davidi, untu a Unyashungu, wane lʼetena kawo wanelʼetena kawo.

²⁵Mataniya, Bakebukiya, Obadiya, Meshulama, Talamona la Akuba waki alami wʼasuku wakalamaka waumbelu wa lu asuku.

²⁶Waso waki lu nshi ya Joyakima, onʼa Jeshua, onʼa Jozadaka, ndu lu nshi ya umbuledi Nehemiya, ndu ya Ezera, olombedi la ufundji.

²⁷Lʼetena ka nkidia eheli ka lukumbu la Jerusalema waketi asi Lewi uma lu ahuli tshe wakawadjashi dia vo ndja la Jerusalema, dia ndjutsha ekidielu lʼongenongeno, la lusaka kame lʼimbilu kʼesambu la ekokoloko, akimbi la sese.

²⁸Asika emimbi wakayi uma lʼutshimba wa Jerusalema ndu uma lu ngeliyʼasi Netofa, wakasanganu kame.

²⁹Akina wakayi uma la Bete-Ngilingala, kete ya Ngeba la Azimaveta, ne dia emimbi wakayahikela ngelu lʼutshimba wa Jerusalema.

³⁰Elombedi la asi Lewi wakayaedia, vo wakedia antu, kuki la eheli ka lukumbu.

³¹Dimi lakambiya ewandji wa Juda ladiku diʼeheli. Ku lakakahanya emimbi lu elui ehendi a waki, wakatakendakendaka lu enongo ehendi watuki lusaka. Ului omotshi wakatshu lu lunya la pami ladiku diʼeheli ka lukumbu utsha la Suku dia Tumi.

³²Lʼokongo awo kakatakendakendaka Hashaya la etenyi ka hendi kʼewandji wa Juda,

³³Azariya, Ezera, Meshulama,

³⁴Juda, Bendjamina, Shemaya, Jeremiya,

³⁵la asika elombedi amotshi waki la amama: Zekariya, onʼa Jonatana, onʼa Shemaya, onʼa Mataniya, onʼa Mikaya, onʼa Zakura, onʼa Asafu;

³⁶ndu wane wuto la ndi, Shemaya, Azarele, Milalai, Ngilalai, Mai, Netanele, Juda, la Hanani, kame la dihumahuma dia Davidi, untu la Unyashungu. Ufundji Ezera kakatatshokaka la ntundu kawo.

³⁷La Suku diʼEteko, kakawambela welanedi la wo lu bandelu lʼusumba wa Davidi, lu edelu ka lʼeheli ka lukumbu ladiku dia luudu la Davidi, pulu ndu la Suku diʼAshi, lu leke lʼehutwelu.

³⁸Ului ukina wʼambuki wa lusaka wakatshu dia ntuhumana la wo. Dimi lakayeli kame la etenyi ka hendi ka wudja ladiku diʼeheli ndu ladiku diʼEtangelu ka Khuka ya dja, pulu ndu lʼEheli ka Wuki.

³⁹Ku taketi ladiku dia Suku dia Efarayima, lasuki la Suku diʼEdjedja, ndu la Suku dia Nsi Etangelu ka Hananele, la Etangelu ka Lukama, edja ndu la Suku diʼEkoko. Ku vo wakatemala lasuki la Suku diʼElamelu.

⁴⁰Okone elui ako ehendi wʼemimbi wakukaka lusaka, wakatemala lu luudu la Unyashungu, ku ndu dimi la etenyi ka hendi kʼelohe waki la mi;

⁴¹ndu elombedi Eliyakima, Maseya, Miniyamina, Mikaya, Eliyoenai, Zekariya, Hananiya kame lʼamama;

⁴²ndu Maseya, Shemaya, Eleazara, Uzi, Jehohanana, Malakidja, Elame la Ezere. Emimbi waidmbi kame la Jezirahiya laki olombodi awo.

⁴³Vo wakalambula ela mbu efula lushi lako, wakangenangena, ne dia Unyashungu akangenyangenya ongenongeno a wuki, ndu amantu ndu akenda wakangenangena. Okone waelu wʼongenongeno wʼuma la Jerusalema wakukema etali.

⁴⁴Lushi lako, vo wakasonola apami dia nama mvudu ya waumbelu, la dia nkongola elambu, elonga la tenyi dia dikumi, la dia motsha tenyi diakafundama lu elembe dikambu dia elombedi la asi Lewi, uku aki efula ka dikambo dia lu esumba. Asi Juda wakangenangena lʼulimu wakatshaka elombedi la asi Lewi.

⁴⁵Vo wakatshaka ulimu wa Unyashungu awo ndu wa mbedia antu. Emimbi[43] la alami wʼasuku[44] wakatshaka elimu awo tshe, uku didjangu dia Davidi la onʼandi Solomona.

⁴⁶Edjedja, lu nshi ya Davidi la Asafu, olombodi wʼemimbi akiko, ndu esambu wa diandu la wa mbuka Unyashungu lusaka wakiko.

⁴⁷Lu nshi ya Zerubabele ndu ya Nehemiya, asi Isariyele tshe wakakimoka eshasha dikambu dia emimbi la alami wʼasuku, uku akawahumbaka la lushi la lushi. Vo wakakitsha etenyi kaki kʼasi Lewi laandi. Ku asi Lewi wakakitsha etenyi kaki kʼasika Arona laandi.