Read tetala Nehemiya 3 Bible Online

Nehemiya 3 - tetala bible

Nehemiya 3

¹Olombedi a ladiku Eliyashiba akunela ndi la anangu elombedi, ku vo wakahiki eheli ka Suku diʼEkoko. Vo wakadikidia, wakadidji kuki. Vo wakadikidia umaka Etangelu ka Lukama, edja ndu lʼEtangelu ka Hananele.

²Lasuki la Eliyashiba, kakahiki asi Jeriko; ndu lasuki la wo, kakahiki Zakura, onʼa Imiri.

³Asika Hasena wakahiki eheli ka Suku dia Nsi. Vo wakakumbi suku, wakadji kuki, kokomo la tukengiti loko.

⁴Lasuki la wo, kakalongosola Meremote, onʼa Uriya, onʼa Hakoza, ahuli wakalana lʼeheli. Lasuki la wo, kakalongosola Meshulama, onʼa Berekiya, onʼa Meshezabele, ahuli wakalana. Lasuki la wo, kakalongosola Zadoka, onʼa Bana, ahuli wakalana.

⁵Lasuki la wo, kakalongosola asi Tekoa ahuli wakalana, keli antu awo a waki kundjakitshakitsha dia ntsha ulimu wa Khumewo.

⁶Joyada, onʼa Pasea, la Meshulama, onʼa Besodiya, wakalongosola Suku diʼEdjedja; wakadikumbi, wakadji kuki, kokomo la tukengiti loko.

⁷Lasuki la wo, kakalongosola Melatiya, usi Ngibiyona, Jadona, usi Meronote, asi Ngibiyona la asi Mizipa, waki lʼokongo wʼumbuledi wa lu leke la Wedi a Ndjali, ahuli wakalana lʼeheli.

⁸Lasuki la wo, kakalongosola Uziyele, onʼa Haraya, uma lʼatei wʼetshudi wa paunyi. Lasuki la ndi, kakalongosola Hananiya, uma lʼatei wʼatshi wa malashi. Vo wakulula peli dia Jerusalema edja ndu lʼEheli ka Wuki.

⁹Lasuki la wo, kakalongosola Refaya, onʼa Hura, uwandji wʼetenyi ka hendi ka leke la Jerusalema.

¹⁰Lasuki la wo, kakalongosola Jedaya, onʼa Harumafu, lu welelo wa luudu landi. Lasuki la ndi, kakalongosola Hatushe, onʼa Hashabiya.

¹¹Malakidja, onʼa Harima, la Hashuba, onʼa Pahata-Moaba, wakalongosola leke lukina lʼeheli ka lukumbu ndu Etangelu ka Khuka ya dja.

¹²Lasuki la wo, kakalongosola Shaluma, onʼa Haloheshe, uwandji wʼetenyi ka hendi ka leke la Jerusalema.

¹³Hanuna la asi Zanoa wakalongosola Suku dia Ukidi, wakahiki eheli kadio, wakadji kuki, kokomo la tukengiti loko. Vo wakalongosola eheli ka lukumbu yediko ya kubita kinunu pulu ndu la Suku dia Tumi.

¹⁴Malakidja, onʼa Rekabe, uwandji wa la leke la Bete-Hakereme, akalongosola Suku dia Tumi. Ndi akahiki ehelika suku, akadji kuki, kokomo la tukengiti loko.

¹⁵Shaluma, onʼa Kolo-Hoze, uwandji wa leke la Mizipa, akalongosola Suku diʼEteko. Ndi akahiki eheli ka la suku, akakikumbi, akadji kuki, kokomo la tukengiti loko. Ndi akahiki eheli ntu uma lʼUduwa a Shela, lasuki la ekambo ka khumʼekanga, edja ndu lu bandelu diatuhuloka uma lʼUsumba a Davidi.

¹⁶La wedi andi, kakalongosola Nehemiya, onʼa Azibuke, umbuledi wa etenyi ka hendi ka leke la Bete-Zura, ahuli wakalana lʼeheli pulu ndu lu welelo a waumbu wa Davidi, pulu ndu lʼuduwa wa lutshima, edja ndu lu luudu lʼakanga a wulu.

¹⁷La wedi andi, kakalongosola asi Lewi: Rehume, onʼa Bani. Lasuki la ndi, kakalongosolaka Hashabiya, umbuledi wʼetenyi ka hendi ka leke la Keila, dikambu dia leke landi.

¹⁸La wedi andi, kakalongosola anengewo: Bavai, onʼa Henadada, umbuledi wʼetenyi ka hendi kekina ka leke la Keila.

¹⁹Lasuki la ndi, kakalongosola Ezere, onʼa Jeshua, umbuledi wa Mizipa, etenyi kekina kʼeheli ka lukumbu lu welelo wʼedelu ka luudu la diango dia ta la Tshuku.

²⁰La wedi andi, kakalongosolaka Baruka, onʼa Zabai, etshi kekina la wangasanu umaka Tshuku pulu ndu la suku dia luudu la olombedi a ladiku Eliyashiba.

²¹La wedi andi, kakalongosola Meremote, onʼa Uriya, onʼa Hakoza, etshi kekina umaka suku dia Eliyashiba, pulu ndu la kuma ka luudu landi.

²²La wedi andi, kakalongosola elombedi wa lʼutshimba.

²³La wedi awo, kakalongosola Bendjamina la Hashuba etshi kemotshi lu welelo wa luudu lawo. La wedi awo, kakalongosola Azariya, onʼa Maseya, onʼa Ananiya, lasuki la luudu landi.

²⁴La wedi andi, kakalongosola Binu, onʼa Henadada, etshi kekina uma la luudu la Azariya, pulu ndu lu dikote diʼeheli edja ndu la Tshuku.

²⁵Palala, onʼa Uzai, akalongosola lu welelo wa dikote diʼeheli, ndu wʼetangelu kakatumbi uya lʼandja una lu luudu la ladiku la khumʼekanga, kaki lasuki la seke diʼelamelu. La wedi andi, kakalongosola Pedaya, onʼa Paroshe.

²⁶Alami wʼetemwelo wakadjashi la Ofele, wakal jngosola edja ndu lu welelo wa Suku diʼAshi, utsha lu leke lʼehutwelu, ndu wʼetangelu kakatumbi uya lʼandja.

²⁷La wedi awo, kakalongosola asi Tekoa etshi kekina kaki lu welelo wʼetangelu ka wuki kakatumbi lʼandja, edja ndu lʼeheli ka la Ofele.

²⁸Ladiku dia Suku dia Falasa, kakalongosola elombedi, untu lʼuntu etshi kʼeheli kaki la ntundu ka luudu landi.

²⁹La wedi awo, kakalongosola Zadoka, onʼa Imere, la ntundu ka luudu landi. La wedi andi, kakalongosola Shemaya, onʼa Shekaniya, ulami wa Suku dia lʼEhutwelu.

³⁰La wedi andi, kakalongosola Hananiya, onʼa Shelemiya, la Hanuna, onʼa Zalafu la samalu, etshi kekina kʼeheli. La wedi awo, kakalongosola Meshulama, onʼa Berekiya, lu welelo wa luudu landi la lʼetei.

³¹La wedi andi, kakalongosola Malakidja, uma lʼatei a etshudi a paunyi edja ndu la luudu lʼalami wʼetemwelo, ndu lʼasi ukanda, lu welelo wa Suku dia Dietelu, edja ndu lu luudu la lʼatei la ladiku la la dikote.

³²Etshudi wa paunyi la asi ukanda wakalongosola etshi lʼasa luudu la ladiku la dikote, la Suku diʼEkoko.