Read tetala Esta 8 Bible Online

Esta 8 - tetala bible

Esta 8

¹Lushi lako, khumʼekanga Ahasuero akakimo wa lu luudu la Hamana, utunyi wʼasi Juda, lu anya wa khumʼekanga ka umuntu Esta. Morodekai akayi la ntundu ka khumʼekanga, ne dia Esta akulimbitshiya uku wutondi la ndi.

²Khumʼekanga akanya lohete landi lakandose uma le Hamana, akalusha Morodekai. Esta akakitsha Morodekai ladiku dia wa lu luudu la Hamana.

³Esta akatoteketa ntu la ntundu ka khumʼekanga. Ndi akayakosha lʼekulu andi, akaleli, akosengasenga dia ndi nshimba kolo ka Hamana, usi Anganga, la dikambu diakandasanguya dia ntshela asi Juda.

⁴Khumʼekanga akatshumi Esta danga dia paunyi, ku Esta akunela, akemala la ntundu ka khumʼekanga.

⁵Ndi akatela khumʼekanga ati: Naka we nangaka we khumʼekanga, naka lambuhomo lukulu lʼolo lu ashu aye, naka dikambu ne dieli ololo le ye, we khumʼekanga, ndu naka we nangakami, wafundi dia minya mikanda wakasanguya Hamana, onʼa Hamedatana, usi Anganga, wakandafundi dia ndjaka asi Juda weli lu beke tshe dia kete ya khumʼekanga.

⁶Ukundi ukukimi mena kolo kayuya le wudja ami? Ndu ukundi ukukimi mena elanyelu ka diunu diami?

⁷Khumʼekanga Ahasuero akatela khumʼekanga ka umuntu Esta la Morodekai, usi Juda, ati: Nyulungi, dimi lakakimo wa lu luudu la Hamana lu anya wa Esta. Wakuhane Hamana lʼutamba, ne dia ndi akasimbula lunya le asi Juda.

⁸Nyufundi olembe uku alanganyu lu dikambu diʼasi Juda lu lukumbu la khumʼekanga, nyumati la lohete la khumʼekanga, ne dia olembe wufundami lu lukumbu la khumʼekanga, ndu wumatemi la lohete la khumʼekanga, haweyi nkadimo.

⁹Lu lushi lʼakumi ahendi la shatu la ngondo ka satu, ketawo ngondo ka Sivana, waketi afundji wa khumʼekanga. Ku vo wakayufunda aui tshe wakadjanga Morodekai lu dikambu diʼasi Juda le elohe, embuledi la ewandji wa beke lukama akumi ahendi la esambeli, diaki uma la Indiya edja ndu lʼEtiyopiya. Leke la leke uku ufundelu awo, wudja la wudja uku oteketa awo, ndu asi Juda uku ufundelu awo la oteketa awo.

¹⁰Vo wakafundi lu lukumbu la khumʼekanga Ahasuero, wakamati la lohete la khumʼekanga, wakatumi mikanda lu anya wa ambahemi wa falasa, wakahemaka lu falasa ya luwangu, yakuto uma le falasa ya khumʼekanga.

¹¹Lu mikanda ako, khumʼekanga akasha asi Juda wa lʼusumba lʼusumba wulu wa ndjasanganya la ndjashimbela, wa nanya, wa ndjaka la wa nshila antu wa lu wudja la wudja, ndu wa lu leke la leke wayusanguya mbalosha vo, wadiewo la anʼawo ushiki, la mumba diango diawo dimbu.

¹²Dikambu diako kadiutshami lu beke tshe dia khumʼekanga Ahasuero lu lushi la dikumi lʼasatu la ngondo ka dikumi lʼahendi, ketawo ngondo ka Adara.

¹³Mikanda waki la didjangu, diako dia-kawahumbi ntuma utsha lu beke tshe, wakafundama lʼoteketa a wudja la wudja, dia vo mbeya vati: Asi Juda wayuyalongosola dia nsomboya atunyi awo lushi loso.

¹⁴Ku ambahemi wa falasa ya luwangu yakakambaka ulimu wa khumʼekanga, wakunela esadi, wakatshu luwangu lutu uku diui dia khumʼekanga. Wakatatela mbidja didjangu diako lʼusumba a wuki wa Susa.

¹⁵Morodekai akamo uma la ntundu ka khumʼekanga olote dihondo dia diulelu, diʼudima la dia wema, la dembo dia kusu dia paunyi dia wuki la ukutu wa linene lʼololo wʼengingi. Asi usumba wa Susa wakahangohango, wakangenangena.

¹⁶Asi Juda wakayala la diese, etema wa ki, ongenongeno la nemo.

¹⁷Lu leke tshe ndu lʼusumba tshe wakakumi olembe la didjangu dia khumʼekanga, asi Juda wakayala la etema wa ki, ongenongeno, alambu la nshi ya mumuya. Asi wedja efula wakayaete asi Juda, ne dia woma wʼasi Juda wakawandi.