Read tetala Etumbelu 1 Bible Online

Etumbelu 1 - tetala bible

Etumbelu 1

¹Kumbu yʼana apami wa Isanyelewakayi la Jakoba lʼEdjibitu, untu la khumbu kandi untu la khumbu kandi nye:

²Rubena, Simeyona, Lewi, Juda,

³Isakara, Zebuluna, Bendjamina,

⁴Dane, Nafetali, Ngada, la Ashere.[1]

⁵Wane tshe wakatumbi uma le Jakoba waki antu akumi esambeli. Laso ku Josefu ambukumaka lʼEdjibitu.

⁶Josefu akavu leko, ndu anangu tshe, ndu wane tshe wa lu lolonga lawo.

⁷Keli asi Isariyele waki la diwutshi, wakafulanela efula, wakakukanela lu kete.[2] Ndu wakatatekoyaka ndjala la wulu. Vo wakaluli lu kete yako.

⁸Lʼokongo diku khumʼekanga kʼuyuyu, laki kumbeya Josefu, akulela lʼEdjibitu.[3]

⁹Ku ndi akatela asikandi ati: Nyendi asi Isariyele ane! Vo wambuyala wudja wutuleki wuki ndu wulu.

¹⁰Nyeso, tatsheli akambu amotshi la ewu,[4] watukufulanela, ndu naka ta dimotshi diayututumbela shashimuya, vo wayosohana la atunyi asu, ku vo ntolosha. Lʼokongo diku, ku vo ntumba uma lu kete yasu.

¹¹Okone vo wakakitsha ewandji ladiku diawo, dia mbasuya la tumu ya wulu. Vo wakahikela Farayo esumba wʼeumbelu: Pitome la Ramese.

¹²Keli uku akawasuya efula, mbakawafulanela efula, mbakawadiangana efula. Okone asi Edjibitu waki la lunyangu efula lʼetema awo dikambu diʼasi Isariyele.

¹³Osoku asi Edjibitu wakaleki mbakambia ulimu la ngala.

¹⁴Wakete nyumu yawo wetshu la elimu wa wulu: ulimu wa nsoha kete la mbula atafadi, la tumu tshe ya lu dikambo. Vo wakakambiaka tumu tshe yakawawashaka la ngala.

¹⁵Khumʼekanga kʼEdjibitu akatela ambutshutshi wʼasi Heberu, waki lukumbu la omotshi Shifira la lukumbu la ukina Pua, ati:

¹⁶Lamʼayunyutshakaamantu wʼasi Heberu, naka nyambena ona pami, kanyudiaki; keli naka ona umuntu, ku nyu mbutshika la lumu.

¹⁷Keli ambutshutshi wakukaka Unyashungu woma, diako mbakiwo kuntsha uku akawatela khumʼekanga kʼEdjibitu. Okone vo wakatshiki ndu ana apami tshe la lumu.

¹⁸Ku khumʼekanga kʼEdjibitu aketi ambutshutshi; akawambula ati: Okoko wana wakanyatshi okone, wakanyatshikaka ana apami la lumu?

¹⁹Ambutshutshi wakakaluya Farayo diui vati: Amantu wʼasi Heberu kema uku amantu wʼasi Edjibitu. Vo weli amantu wa wulu, watuyautshaka la ntundu ka umbutshutshi atakumi.

²⁰Unyashungu akatshela ambutshutshi ololo. Osoku asi Heberu wakafulanela, wakayala la wulu efula.

²¹Ne dia ambutshutshi wakukaka Unyashungu woma, diako mbakandangonyaka khumbu yawo.

²²Farayo akadjangela wudja andi tshe ati: Kanyutambiyaki ona pami tshe layutoka lʼatei wʼasi Heberu lu Nile.[5] Keli kanyutshikaki ana amantu tshe la lumu.