Read tetala Etumbelu 27 Bible Online

Etumbelu 27 - tetala bible

Etumbelu 27

¹Kutshi ediakelu la etamba wʼulungu. Utali ato kawuyali kubita tshanu, ndu wekeki ato kubita tshanu. Ediakelu kayali la atshuku anei pupu. Wemema ato utsha lʼulungu ayuyala kubita shatu.

²Kutshi seki lu atshuku anei yusamanyi lʼediakelu; kuyikumbi la ohotela.

³Kutshi puki yʼohotela ya minyaka utuku. Kutshi diango tshe diʼulimu wʼediakelu la ohotela: kasu yato, alonga wʼafuku ato, somo yato ndu pusu yʼakalanga.

⁴Kutshi ndu lukala lʼohotela; kudji ashingu anei wʼohotela lu atshuku alo anei.

⁵Kuhuluya lukala la tshina diʼunyo wʼediakelu dia lo ndjala kʼatei atei wʼediakelu.

⁶Kutshi esimbi wʼulungu ne dia ediakelu, kuwekumbi lʼohotela.

⁷Kosome esimbi lu ashingu; ku esimbi ako kawuyali wedi ako ehendi wʼediakelu dia vo kiembaka.

⁸Kutshi ediakelu lʼabaya, kukitshiki hwe lʼatei. Kukitshi uku akamakenya lʼukungu.

⁹Kutshi seke dia etemwelo ka dipema. Kuhane ahondo wakatshama lʼeshinga wa linene wʼololo lu leke la la diku dia kushi. Utali a wedi otoi kawuyali kubita lukama.

¹⁰Dikoho dia wedi ako kadiuyali akumi ahendi, ndu dikitshelu diadio akumi ahendi diʼohotela. Keli tokoho ta dikoho la tusimbi tato katuyali ta fesa.

¹¹Kutshi pupu lu leke la ngelʼa kushi. Utali adio wa mpane ahondo kawuyali kubita lukama; dikoho kadiuyali akumi ahendi, ndu dikitshelu diadio diʼohotela akumi ahendi. Tokoho ta dikoho la tusimbi tato katuyali ta fesa.

¹²Wekeki wa lukumbu la seke wa mpane ahondo lu leke lʼedjelu, kawuyali kubita akumi atanu, kame la dikoho dikumi, la dikitshelu diadio dikumi.

¹³Wekeki wa seke la welelo, lu leke lʼutsha lʼehutwelu, kawuyali kubita akumi atanu.

¹⁴Utali wʼahondo wa mpane wedi omotshi wa suku, kawuyali kubita dikumi la tshanu, kame la dikoho diadio satu ndu dikitshelu diadio satu.

¹⁵Utali wʼahondo wa mpane wedi ukina wa suku, kawuyali kubita dikumi la tshanu, kame la dikoho diadio satu la dikitshelu diadio satu.

¹⁶Wuki wa mpane dihondo dia la suku dia seke kawuyali kubita akumi ahendi, kame la dikoho diadio nei la dikitshelu diadio nei. Kutshi dihondo diako la eshinga wʼololo wʼedima, wʼengingi, ndu wa tilili. Dihondo diako kadiuyali la asangu wa lotela.

¹⁷Dikoho tshe dia lʼutshimba wa seke kadiudjami tusimbi ta fesa; tokoho tadio katuyali ta fesa la dikitshelu diadio diʼohotela.

¹⁸Utali wa seke diʼotemwelo kawuyali kubita lukama, wekeki adio kubita akumi atanu, ndu wemema wa lukumbu kubita tshanu. Dikitshelu kadiuyali diʼohotela, la ahondo kawutshami la eshinga wʼololo wa linene.

¹⁹Diango tshe diʼulimu wa etemwelo ka dipema: seti tshe yalo, ndu seti tshe ya lukumbu la seke kayuyali ohotela utu.

²⁰Kuteli asi Isariyele dia vo nkelaka iso ka mbeli tshu dia mpetshaka usasi, dia tala mpetaka tena tshe.

²¹Tala diako kadiutshikalaki lu luudu lʼesanganelu la dipema, lʼandja a dihondo dieli la ntundu kʼomenyi. Arona la anʼandi kawudilamaki la ntundu ka Latuyalaka, umaka dikolo edja ndu pindju. Oso eli olembe wa pundju wayuhumba asi Isariyele namaka lu lolonga la lolonga.