Read tetala Jobo 1 Bible Online

Jobo 1 - tetala bible

Jobo 1

¹Lu kete ya Uze kaki untu omotshi, lukumbu landi Jobo. Pami keso aki untu ololo ndu usimbwi; akakadimo uma lu kolo.

²Ndi akuti ana apami esambeli ndu ana amantu asatu.

³Ndi aki la ekoko nunu esambeli, kamelo nunu satu, ngombe kinunu, punda kama tshanu, la ekambi efula efula. Pami kako aki la lukumu ndeka antu tshe wa lu leke lʼehutwelu.

⁴Anʼandi wʼapami wakakendanelaka lu alambu wakawatshaka untu lʼuntu lʼetena kandi, waketaka akadiyewo asatu dia ndjole la ndjono la wo.

⁵Lamʼaketi nshi ya dambu, Jobo aketi anʼandi wʼapami dia mbakidia. Ndi aketo kʼolomo la pindju, akalambwela vo tshe, untu lʼuntu ulambu wa lutshumba, ne dia ndi akati ati: Undu, anʼami wʼapami wakatshi kolo ndu wakatenge Unyashungu lʼetema awo. Osoku mbakatshaka Jobo.

⁶Lamʼakatshu ana wa Unyashungu dia ntemala la ntundu ka Latuyalaka, ndu Satana akatshu lʼului awo.

⁷Latuyalaka akambula Satana ati: Uma lendi ayayayi? Ku Satana akûkaluya diui ati: Dia ntukindula kete, ndu dia ntengola leko.

⁸Latuyalaka akambula Satana ati: We akalimbitela ukambi ami Jobo? Nduku untu la kete uku ndi, untu lʼololo ndu lʼusimbwi, latukaka Unyashungu woma, ndu lambukadimo uma lu kolo.

⁹Satana akambula Latuyalaka ati: Undi, Jobo mbukaka Unyashungu woma wukuka?

¹⁰We kumbudinga lukumbu dia mbulama, ndi la wa lu luudu landi la diango diandi tshe? We akatshokola ulimu wʼanya andi, dungalunga diandi diambufulanela la kete.

¹¹Keli uhusimbula lunya laye kakiane, unandi kene tshe keli la ndi. Mete, ndi ayukoseka kaku.[1]

¹²Latuyalaka akakaluya Satana diui ati: Enda, diango diandi tshe ne; dimi lambukukimweladio. Dikambu otoi, tuwaheki ndame lunya. Ku Satana akatumbi uma la ntundu ka Latuyalaka.

¹³Lushi lomotshi lamʼakalekaka ndu lamʼakanokaka anʼandi wʼapami wanu lu luudu la enundu awo,

¹⁴dikendji diakayi le Jobo; diakayuwutela ati: Ngombe yakakutulaki kungu ndu punda yakalekaki lasuki la yo,

¹⁵ku asi Sheba wakayuyinda, wakatshwi la yo; wakadiaki ekambi la yombo. Dimi dime kuhandji, mbamumuya dia ndjukutela.

¹⁶Kamʼakandateketaka, dikendji dikina diakayi, akayuta ati: Dja ya Unyashungu yakakwe uma lʼulungu, yakatshumbi ekoko la ekambi, yakamanyi tshe. Paka dime kakahandji, mbamumuya dia ndjukutela.

¹⁷Kamʼakandateketaka, dikendji dikina diakayi, akayuta ati: Asi Kaladiya wakayalongi lʼelui esatu, wakandji kamelo, wakayitodi, wakadiaki ekambi la tombo. Paka dime kakahandji, mbamumuya dia ndjukutela.

¹⁸Kamʼakandateketaka, dikendji dikina diakayi, akayuta ati: Lamʼakalekaki, ndu lamʼakanokaki anʼaye wʼapami la anʼaye wʼamantu wanu lu luudu la enundu awo,

¹⁹lopepe la mamba lakayi uma lʼusui wa shenga, lakakomodi lu atshuku anei wa luudu, ku lo lakanyukwi ladiku diʼelongo wʼapami la esekaseka wʼamantu. Vo wakavwi, paka dime kakahandji, mbamumuya dia ndjukutela.

²⁰Jobo akunela, akatshatsha ukutu andi. Ndi akanya divu, akako la kete, akatemola.

²¹Ndi akati ati: Utakataka mbakamatumbi uma lʼutema a nyomi, la utakataka ako mbayumukalula. Latuyalaka kakasha ndu Latuyalaka kambosa. Lukumbu la Latuyalaka latu-mbwami.

²²Lu akambu ane tshe Jobo kuntsha kolo, ndu kumamia Unyashungu lu dikambu so.